فصليتي ضابطة الجزء الثاني (٢)

البارت الثاني عشر

صكر.. رجعت من الدوام خابرت جاد
جاد.. الو هلا صكر شلونك
صكر.. هلا بيك جادو بخير انت شلونك نيلوفر شلونهة
جاد.. لا هسة ستوني طلعت من بيتكم جنت يمهة وزينة الحمدلله فكتهة الصخونة بس شوية نحول وباجر تتحسن انشاء اللة.
صكر.. انشالله اني هم بطريقي للبيت فيمالله
جاد.. مع السلامة
صكر.. سديته منة وتسوكت للبيت وسقت لمن وصلت للبيت نزلت الغراض وانطيتهن للحارس دخلهن واني دخلت للمضيف سلمت عالشيخ
صكر.. اعذرني شيخ هالايام مدااساعدك
الشيخ.. وليدي انت دتساعد الأهم مني بلدك يحتاجك واني هنا بعدني بحيلي ومراد هم الله هادي وديساعدني
صكر.. ضلينه نسولف وترخصت وبست راسه ودخلت للبيت لكيت بس الحجية كاعدة
الحجية.. الله يساعدك وليدي
صكر.. ويساعدج حبيبه وبست راسهة واكلت لكيت مسوين شوربة عرفتهة علمودهة أكلت شوية وصعدت لكيت سماهر متصله عليه اتصلت عليهة حجتلي شصار وياهة اليوم وانصدمت من فتشو البنات لكو عدهم أشكال وألوان دكول حتة موبايلات فتحناهن بي فضايح وهن زعاطيط. سولفتلهة عن يومي وعن مرض نيلوفر مهتمت غيرت الموضوع. واستغربت من هذا الشي وهي اليوم طريقة كلامهة متغيرة يعني كل شوي وكالت فديتك ومشتاقتلك نتغدة سويه باجر اني رفضت لأن عندي دوام وكتلهة غير مرة وختمت وياهة ونمت كعدت الصبح لكيتهم داير مداير نيلوفر كاعدين يوكلوهة وهي ميته ضحك حتة الشيخ يوكلهة نزلت الدرج وكلتلهم
صكر.. صباح الخير
الكل.. صباح النور
صكر.. بست رأس الشيخ والحجية ومروة استحيت ماابوس نيلوفر باوعت للشيخ ابتسملي وهز راسه يعني اي رحت بست راسهة وانصدمت 😂 كتلهة
صكر.. الحمد لله عالسلامة
نيلوفر.. الله يسلمك كالتهة منحرجة.
نيلوفر.. أكول صكر شعجب مخلو ضابط لخ للقضية
صكر.. الرءـيس مقبل هواي عرضو نفسهم بس كال لو نيلوفر لو ولا واحد هية مبتسمة كتلهة وحتة اكو ضابطة جاية جديدة هم عرضت نفسهة ومقبل كالت اريد اشوفهة نيلوفر الكاتلين أرواحكم عليهة وترخصت وراحت
مروة.. وهي عليش مضغوطة
نيلوفر.. اترخص
الحجية.. ييمة هوة انتي شكلتي
نيلوفر.. خالتو والله شبعت
مروة.. ابقي كاعدة بمكانج معاجبني اكوم هسة وتقرب اللكمة لحلكهة ببطء وتاكل
نيلوفر.. ومنو كالج اريدج تصعديني عندي رجلين واكدر امشي ورفعت حواجبي وابتسمت .
صكر.. محبيت تصرف مروة صح هية كالتهة بعفويه وحتة نيلوفر متعودة على هيج شقة بيناتهن بس ضجت وطبعا صدك اجت ضابطة بس هية موزينة يعني معبالك ضابطة دكول بنت ليل حتة صلوخ تلبس وحجيهة تتماوع عبالهة منعرف شتريد والمتدربين كل شوية جايين ساءلين الرءيس على نيلوفر. كملت اكل ورحت للدوام هم تدريب واجت الضابطة الجديدة اسمهة نرجس
نرجس.. هلاو
صكر.. وهوة داير وجهة عنهة عليكم السلام
نرجس.. أكول صكر عندك علم وين ساكنة هاي مااعرف شسمهة الضابطة إلي الرءيس كاتل روحة عليهة يجوز تلكيهة نايمة ويا
صكر.. اني هنا فقدت كل اعصابي عطت بيهة بكل علاة صوتي بحيث المتدربين كمزو وهية هم اصفرت
صكر.. شلوون تتجرءين تجيبين طااااري نيلوفر علئ السانج صاقطة كح..... أم الرياجيل عبالهة ماندري شتريد من تماوعهة وطحتلهة رزاله غسل ولبس أصدقاءي لازميني عنهة ويسحلوني واني اصيح وافشر عليهة وهي من شافتهم لازميني تسبعت وضلت هم تفشر وتعد وتصف اني من سمعتهة ضلت تفشر دفعت الي لازميني وانطيتهة راشدي فرهة فر ودفرتهة بحيث وكعت ليورة 😂
اجة الرءيس وضل يحجي ويكول إذا اشتكت عليك وهي ضابطة تنسجن اني مهتميت بس طلعت صدك الحقيرة ماخذيهة للمستشفى ومشتكية سولفت للرئيس شكالت وشحجت اتساهل وياي بس مشتكية من مقر ثاني واجو اخذوني للسجن حتة مونفس مقرنة بس شنو من مقر عبالك خارج العراق النظافه وشلون يتدربون وحتة جرص صدك يجنن ونضامي وحتة السجن الزنزانة نضيفه دخلوني بيهة انضف من غرفة كرم 😂😂 ورة ساعتين مدري تلاثه اني غفيت 😂وكعدني الحارس واخذني للرئيس  لكيته يرزل وهذا من كدما الرءيس يخوف ضال يرجف اني حصرتني الضحكة بس اتمالكت نفسي وكعدت يمة وضل يحاجيني وساعه يرزلني الئ أن اندكت الباب ودخل شخص انصدمت شجاا
........................................... يتبع

نيلوفر.. كعدت الصبح لكيت مروة نايمة دخلت غسلت وفرشت اسناني وشديت شعري ذيل حصان وطلعت لكيت مروة كاعده
نيلوفر.. صباح الخير
مروة.. صباح النور. وراحت غسلت ونزلنه لكينه الحجية والشيخ كاعدين وخالين الريوك عالنار صبحنة عليهم وسءلوني شلون صرت كلتلهم الحمد الله وكعدنة نتريك ورة شويه نزل صكر صبح عليهم وباس رأسهم وباس رأس مروة وكف شوية ووراهة باس راسي صراحة انصدمت وخجلت بنفس الوقت وسءلني عن صحتي كتله الحمد الله ردت اشكرة بس كلت بعدين  سءلته عن القضية لأن حتة اني استغربت شعجب مخلو غيري وحجالي عن ظابطة جديدة وشحجت عليه كلت اداوم واعلمهة بس صرت أعصاب بوقتهة بس سكتت كملنة ريوك وهوة راح للدوام واني ومروة ضلينة ساعه وحدة تمكيج الثانية وساعه ناخذ صور ونزلنة ساعدنة الحجية بالغدة وكملنة الغدة وصكر مااجة صراحة اتأخر والحجية بدت تقلق ومروة هم اجة الشيخ وهم استغرب تالي كالولي هوة مو وياج خابري الرئيس خل نشوف طلع خابرتة ورد
الرئيس.. الو
نيلوفر.. الو مرحبا سيدي اني ضابطة نيلوفر الضابط صكر موجود بالمقر
الرئيس.. اهلا وسهلا ضابطة نيلوفر شلون صارت صحتج و الله علئ حضرة الضابط صكر مااعرف شكلة بس انسجن بتهمة اعتداء على ضابطة زميلته يكولون متجاوزة عليه وضاربهة وسجنو بغير مقر وهسة مسجون اني انصعقت وبسرعه سديت الخط وسولفت للشيخ وصعدت ركض مرتين ردت اعثر وبسرعه لبست ملابسي العسكرية والبوت ونزلت شعري عفته علئ حطيته ونزلت ركبت السياره بكل سرعتي ووصلت للمقر الشيخ يمشي وراي نزلت حتة فتت ركض لغرفة الرئيس أخذت منة اسم المقر وعنوانة وانصدمت هوة نفسه مقري القديم اطمأنيت لأن هناك كلهة تعرفني وبأتصال واحد اكدر اطلعة طلعت من المقر بهدوء ولكيت الشيخ طمنته وكتله ارجع واصريت عليه رجع واني ركبت السياره وسقت المقري القديم ووصلت كلهة تستقبلني الحراس نفسهة النضام نفسة والنضافه نفسهة وياخذولي تحية ودخلت لكيت زملاءي الضباط وسلمت عليهم بحرارة ودخلت بغرفة الرئيس القديم لكيت صكر يمة وكاعد يحجون اني بسرعه رحت حضنت الرئيس لأن جان بمثابة اب الي وباوعت الصكر مصدوم كعدت وحجيت وي الرئيس وأول معرف صكر يقربني أطلق صراحة وسلمت عليه وحضني وكالي انتي بمثابة بنتي لاتقطعين عني وكالي الاعجاب  مبين من عيونج بالتركي اني ضحكت وكتله لا كالي انتي ماشفتي روحج شلون دخلتي ترجفين اني سكتت كالي ها صحيح مو ابتسمت وودعته وطلعت طبعا احنة بين مدنحجي صكر رافع حاجبة يريد يعرف شنحجي 😂
وهوة طلع وراي و احنة نمشي كل شوية واحد جاي يسلم عليه وهوة يرد ببرود ومن ورة خشمة عابت موزين طلعته لو مااني جان هسة هوة خاس بالسجون (تبأ لتواضعي) 😂😂😂😂😂😂😂😂😂😂😂😂😂😂😂
ستوب خلص البارت اتحملت الألم وكتبتلكم بأيد وحدة وتحملت منية اختي اردلهة وهي كتبتلي شكم كلمة المهم اني بالدوام أغلق جهازي وصراحة مااعرف شسوي للقصة اعوفهة للعطله لو هالايام وصراحة اكللكم هالايام انهيهة بسرعة البرق يعني متتجاوز ال500 كلمة وبدون أي أحداث مشوقه اما اذا بالعطله يعني اخير السنة أو حتة نصف السنة إذا اكو اكملكمياهة واخليهة تصير من احلئ القصص والأحداث محضرتهة تجنن وانتم اختارو تردون هالايام انهيهة بسرعه وبدون أحداث لو بالعطله ومليانه أحداث اكتبولي اختياركم بالتعليقات ولاتنسوون التصويت وحابه اشكر كل الي تمنولي الشفاء 😘❤️