بقلمي : Jawhara
حلقت الاف السنين..وما وصلت الى ذراك
وجلبت تيجان الملوك
وما حصلت على رضاك
وصعدت فوق الابجدية كي اراك
يامن تخيط قصائدي ثوبا لها
هل ممكن بين القصيدة..والقصيدة
ان اراك ؟؟
******
كاعد عالكرسي بالممر اليودي لغرفة مكتب عصام
يفكر بكلام عصام ويا من هذا انطا فلوس وكله روح اشتري ملابس واحلق لحيتك ..حك خده ..اي والله
ضوجتني ممتعود اربي لحيه بس غير شغلي هذا
لازم اتحمل بس يرادلها صبر .
طلع عصام من المكتب دحك عليه ..ها منير اشوفك
صافن .
وكف منير احترام لمديره..استادي جاي افكر بالسالفة
الكلتها .
طبطب على جتفه ..سهله ان شاء الله بس اريدك تتحضر بالليل عندك شغل مهم دير بالك ..غمزله بعينه
بعدين صاحه تعال خل افهمك على كم شغله
راح منير ويا
........
بوقت سابق ملاذ سالت اخوها بجرأة ..اذا تريدني
ازوج غير اعرف الرجال الراح ازوجه .
طلال حس اخته لانت شوي لأن سالته بعدما جانت
متتقبل اي كلام ..راح تتعرفين عليه من يجيب الشيخ للبيت يعقدلكم .
بكل برود ..منو هذا الراح يتقبل هالمهزله .
خزرها ونتر بيها..شنو هالكلام كله من وراج خبلتي
الرجال تدرين بية شكد اكره الطلاك وانتي يوميه
مطلكه .
عاطت مشمأزة من عصام..اكرها اكرها
استغفر ربه وهو يفهمها ..راح يتزوجج منير وماريد سوالف ماصخه اسكتي لا تبقين تتحججين .
عاتبته ..ماجنت ادري بيك هلكد قاسي لو ابويه عايش مجان خلاك هيج تسوي بية .
طلال انقهر عليها ميريدها تتبهذل بالطلاك وعصام جاي يلح يريدها متخبل عليها ...ملاذ تدرين زين شنو موقفي ماريد الناس اجيب طاريج على هاي اطلكت
وهاي كذا والله اعتبرها اهانه وعصام لوما اعرفه
ذابح روحه عليج جان ولا ارجعج عليه.
_مجان تفهم صاحبك بهالكلام .
_صح هو متهور بس انتي هواي تستفزينه.
سكتت محجت شتكول واخوها يبررله بس بسيطه
ياعصام تريد ترجعني ومسوي روحك ميت عليه
وتحبني شلون ممثل كل هذا حتى لا افضحك .....
......
اليوم مراحت للمستشفى وصت علا تاخذلها اجازة
مرضيه وبعدين من تشوفها تفهمها ...
صارلها فوك الساعه كاعده بسيارتها لابسه نظارات سود كبار وعينها على مدخل العمارة تراقب الداخل
والخارج شافت عصام طلع بعد ما ملت من الانتظار
يمشي ويا رجال ركزت نظرها اول مرة ماعرفته بعدين ااهاااا مسويله تحديث ومرتبه حتى يخدع
طلال ليقبل بالسالفه الغمه بسيطه عصام بسيطه.
انتبهت على عصام صعد سيارته وراح جان تنزل راسها خافت يشوفها وبعدها شافت منير بقى واكف اباب العمارة البيها مكتب عصام.
حركت سيارتها وصفطتها يمه عالرصيف اشرتله بيدها
من شافها اجاها عالسريع.
نزلت الجامه وحجت ..اصعد للسيارة .
منير استغرب تصرفها بس ماحجى رأسا صعد ليكدام.
حركت سيارتها بسرعه التفت ..شنو هاي عملية اختطاف.
مردت بحرف لما وصلت لحديقه عامه تدري عصام
ميمر لهيج مكان وكفت السيارة والتفتت عليه وجانت
متعجبه على شكله يختلف ملابس انيقه وملامح وجهه تنضح رجولة ووسامه معقوله حلق اللحية هيج يغير الملامح مبينتله شي جانت ملامحها جامده
شعليها بشكله لازم تتحايل عليه حتى تخلص من عصام.
نزعت نظارتها وذبتها ..انت الراح تتزوجني.
هز راسه وبكل برود ..اي اني.
نترت ..شكد سافل لعد.
رمش بعينه متفاجىء بكميه العنف بلهجتها وكوة سيطر على نفسه لا يأذيها .
_اسمعني زين راح اتفق وياك اذا كنت صادق وياي
اغركك فلوس .
دقق بعيونها المليانه غضب وحزن وحب يعرف شتريد منه لاحكته ..سمعيني
متريد تباوع بوجههركزت عالستيرن واصابيعها تنقر
عليه..توعدني محد يعرف بالاتفاق الراح يكون بيناتنا
حتى لو هسة انت رفضت ماريدك تحجي لعصام او طلال.
دقق بعيونه عليها يشوفها ممنتبهة عليه بس يدري
عقله وحواسها ويا لان جاي يشوف ارتباكها .
_وشنو برأيج البيناتنا .
حجتله شتريد منه وسكتت تريد تسمع جوابه.
ردلها بكل هدوء..اتفقنا واني راح اسوي التردينه.
أنت تقرأ
الرجل الأخر
Chick-Litالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
