#بقلمي : Jawhara
ماذا اقول له لو جاء يسألني..
ان كنت اكرهه او كنت اهواه؟
ماذا اقول اذا راحت اصابعه
تلملم الليل عن شعري وترعاه؟
وكيف اسمح ان يدنو بمقعده؟
وان تنام على خصري ذراعاه؟
غدا اذا جاء ..اعطيه رسائله
ونطعم النار احلى ماكتبناه
حبيبتي هل انا حقا حبيبته ؟
وهل اصدق بعد الهجر دعواه؟
رباه اشياءه الصغرى تعذبني
فكيف انجو من الاشياء رباه؟
هنا جريدته في الركن مهملة
هنا كتاب معا..كنا قرأناه.....
احبه لا ادري ما احب به......
حتى خطاياه ماعادت خطاياه
🌹🌹🌹🌹🌹🌹
*******
بعدما انطته المفاتيح حط جنطتها بصندوك السيارة
وصعدوا اثنينهم حرك السيارة وطلع بيها للبيت
حجى وياها ..البيت اجرته قبل فترة صغير على كدنا.
ردتله برود واضح ..متهمني هاي الشكليات وسبق
واتفقنا.
ردد ويه نفسه ..اي اي اتفقنا.
بداخله مبهور لجمالها واناقتها رغم مكياجها جان بسيط بس يشوفها احلى وحدة فستانها السمائي
وحجابها الكريمي حيل انيقه ميريد يشغل ذهنه
بيها عنده امور هواي يرادلها تركيز بس وجودها ويا
بعدما صارت بذمته واسمها ارتبط بأسمه يخلي يفكر بيها هدوئها ونعومتها وطولها اليوصل الكتفه يخفي
وراه مرة عنوديه عدها اصرار قوي يخليها تخطط مترجع لزوجها يووو زوجها شنو اني زوجها صارت
بأسمي خل اماشيها هالفترة واشوف وين توصل وياها.
جانت الساعه خمسه العصر من دخلو للبيت مثل ماكال صح صغير بس مرتب واثاثه بسيط وهذا العجبها ملت من فخفخة عصام وفيكاته حديقته
صغيرة بيها شجرة وحده برتقال وشجرتين صغار
ورد ..قفل الباب بعدما دخل الجنطة.
يدحك عليها صافنه .. البيت تحت تصرفج اكو غرفتين نوم اختاري وحده .
التفتت وجها انخطف ..شنو تريد تبقى هنا.
تقرب عليها وحست قربه يهددها فأرتبكت حجى وبكل
برود ..هذا بيتي وين اروح مثلا.
رجعت خطوة للورا ورفعت اصبعها..اتفقنا تنفذ الاريده وجاي اشوفك ماتنفذ من هسة .
حط ايده على كصته وفركها وجها جامد مكدرت تفسر ملامحه خافت منه وجودها وحدها ويا خوفها
تحس روحها وهو يركز عيونه بيها حست عراها
من كلشي شمدريها شراح يسوي بيها شتعرف عنه
انتبهت من حاجاها..ماعندي اي نيه اخل بالشروط
الاتفقنا عليها بس مراح اعوفج وحدج بالبيت .
عافها ودخل غرفه وسد الباب بقوة .
سحبت جنطتها للغرفه الثانية وتحجي وتلوم بروحها
شورطت روحي ..ياااارب بس انت تساعدني محتاجتك ياالله.
صار الليل وطلعت ملاذ من غرفتها بعدما رتبت ملابسها بالكنتور جان صغير بابين بس شسوي ادبر
حالها وهي ماجابت كل الملابس بس التحتاجهن
دخلت للمطبخ من سمعت حركة وصوت معدتها تكرصها ميته جوع شافته واكف عالطباخ يكلي
جان محضر الميز ومخلي كبة وزلاطة خس كمل شرائح المارتدلا وخلاها عالميز ابتسملها..شنو رايج
ترا اعرف اطبخ بس مو ذاك الطبخ طبخ ا..
سكت بسرعه جان توا يريد يكول طبخ امي اضبط
بس تلاحك لسانه ..اكعدي اكيد جوعانه اعذريني
مطلعت اجيب عشا من برا .
كعدت مرتبكه لوجودها وحيده ويا ..كعد كبالها بعد ماحط علبتبن سفن .
يشوفها لاطشه بالكرسي متتحرك..انتي بخير محتاجه شي.
رفعت عينها عليه..تسلم ممحتاجه شي.
كعد يتعشى بدون ميراقبها يدري بيها مرتبكه شوي
وكام ..الحمدلله انتي خلصي عشاج .
طلع من المطبخ جان يرن موبايله رفع تك حاجب
_اهلا استادي
_اسمع منير دير بالك تتقرب لملاذ افتهمت.
غامت عيونه السود وضيكها وحجى من بين سنونه..
..ماكو داعي تذكرني .
تنهد عصام ..اييي زين تعرف شغلك.
_صدكني اعرف شلون اتصرف.سده والتفت لجهة المطبخ وبريق لمع بنظراته.
أنت تقرأ
الرجل الأخر
Chick-Litالنقيب نشوان عادل سليمان ..من مدينه الجمال ورائحه زهرة قداح البرتقال ديالى 🌼جريء ولديه روح المقاتل الشجاع .. لايتوانى عن فعل اي شيء في سبيل تحقيق هدفه كرجل امن اتخذ على عاتقه حماية وطنه.تفرض عليه امرأة فاتنه راقية هل يقبل بها وهو كل ما يهمه نداء ال...
