"كريم...هز البوات رجعها لبلاصتها " خزر حسان لكاميليا وايلي وجها يبان حزين ع الاخير " ننصحك بيعو ها الموتور"
هبطت راسها و رجعت كم المريول " يعيشك"
قعد يثبت فيها ، حاسس ايلي فمة بارشا حاجات مخبيتهم ها الطفلة ، تبان موجوعة وتخمم في حاجة ماخذتلها وقتها و عقلها
جات وفاء قصت كل شي " يا جماعة فمة حاجة ايرجون "
هز خالد عينيه ع البي سي " اش فمة "
"فمة زيارة من الوزارة للبيرو "
سألتها سمية " وقتاش!؟"
"ليوم "
حسان " وزياد موش هوني !"
سمية "هاو اشرف ينوبو "
وفاء" لا...قال ايلي لازم يرانا الكل ...خاصة زياد "
حسان " قالي ماهوش جاي ليوم..خليني نعاود نكلمو نقلو ع الزيارة"
وفاء" كلمتو ...وتاليفونو مسكر"
سمية " لازم نمشولو للدار "
وفاء" المشكل انهم ...في الطريق في اي لحظة يوصلو "
خالد مصدوم " في الطريق! وعلاه ها الزربة"
حسان " نجمتش تعرف شكون باش يجي"
وفاء" يظهرلي الهادي"
اشرف "الهادي؟ ...مايعرفش زياد موش هكا "
حسان " اخر مرة جاء وقتها هو مسافر ...اما يعرفنا احنا "
اشرف والخباثة لمعت في عينيه " يعني ماراش زياد "
سمية "في بالي هكا "
وفاء" تخمموا في حاجة !؟"
خزر حسان لكريم " لازم حد يعدي روحو على اساس زياد "
بلع كريم ريقو و كمش صوابعو " شبيكم تخزرولي ...مانعملهاش هاو نقلكم "
شدو حسان بمنڨلة " لازمك تعملها خاطر الوحيد ايلي الهادي مايعرفكش"
سمية " ايه ...لازمك تضحي شوية ،مالا باش صحافي لازمك تلعب بارشا ادوار و بارشا شخصيات "
اشرف" واذا طلع واحد اخر غير الهادي"
حسان " عادي... كان يجي حد اخر نسلكوها خاطر مايعرفوناش اصل لا يعرفو زياد لا غير زياد ...كان الهادي يعرفنااما مايعرفش ....الباترون الجديد كريم "
سمية " الاكثرية الهادي يعمل زيارات كي هكا"
ضيقت وفاء عينيها و قربت من كريم ايلي يرعش بكلو " هيا سي ...زياد ...ايجا نحضروك "
ضحكت سمية " خالد...اعمل مسحة للبيرو "
تأفف خالد "يااا...والله لا تحشمو انا نمسح .."
حسان " ما تمسحش باهي...اما يجي زياد... بالطبيعة الاصلي موش المزيف هذا ....ونقلو امس روحت قبل الوقت بساعتين ، و ...ليوم تتفرج في السيري الامريكية وانت تقلنا تخدم ...ونقلو زادا على ..."
أنت تقرأ
💚✴حارس روحــي✴💚 ( كرونيك باللهجة التونسية: مكتملة )
De Todo★الاسم : حارس روحــي ( my soul guardian ) ★النوع : كرونيك ، اجتماعي ، رومنسي ، تشويق ، اثارة ، عائلي ..." ★الكاتبة : ň🅾D🅰 ★عدد الفصول " 46 " ★سنة الانتاج " 2018 " ★القصة " ✴تتعدى سنين على الفراق وماتخلف كان الوحش و الذكريات المنسية 🌸، يرجع بعد مد...
