هاجر: لوووووولي ، واخيراً ياحنه بنفتكو منك
هدي: وهي فرحانه، طيب فيا انا الي بنفتك منكم
انا: هههههه خزيه
اجديده: ان شاء الله ياحنه بهناك وراحتك يارب
هدي: امين يا أمي ، وحضنت هدي اجديده
مبروكه: ربي يتمملك ع خير
هدي: ان شاء الله
فاطمه: تحرك يمين ويسار ، وكانت دهشا
انا: بحتت في فاطمه، كنك ياطمطم
فاطمه: انحس في روحي خلاص مش قادره
هدي: تباعدت من اجديده، يانا عليا امسكيلي روحك قبل العرس الله يربحك
انا: هههه ضحكت ع هدي ، وتفكيرها
فاطمه: وراسك ماني قادره ، هذا شهري خلاص
اجديده: اتحسي بليا يافطومه
فاطمه: مانحس بشي يا أمي ، بس مضايقه بكل
تو نكلم مفتاح يشيلني مستشفي
صبينا كلنا منشغلين ع فاطمه بعد حسينا الموضوع جديات وفي الاول كنا وخذينا ببصاره
ورنت فاطمه ع مفتاح ، وقعدنا نرجو في مفتاح يجي ومشغولين ع فاطمه
وبعد حوالي نص ساعه جا مفتاح وطلعنا فاطمه
وخشينا ونحنا انفكرو كلنا ومشغولين
في مصر
بعد ادهوير بين المحلات ومشي خذو تذاكر للسينما
وخش معتز وخواتا وساره يحضرو في فيلم مصري
وآيه وايمن و ولدهم روحو للفندق
ومن بعد ساعتين طلعو من سينما وهما
يضحكو ومبسوطين ويحكو ع احداث الفيلم
معتز: باهي توا بتروحن ولا مازال راه ساعه 12 يسكر المول
ساره: بالنسبه ليا ، خلاص انظني انروحو تريحو
لان من صبح واعين وراه اليوم كيف وصلنا
اريج: صاح حتي انا بنتريح
ورده: معناها خلونا انروحو
معتز: هيا باهي
وقعدو يمشو عند خشو للفندق وركبو الاصانصير
وصل معتز البنات عند ديارهن ورد ركب في الاصانصير ومشا للغرفه متاعا
ساره: مصبيا عند باب غرفتها ، وفتحتها وخشت
ورده: سرو
ساره: التفتت ، نعم
ورده: بترقدي
ساره: والله ماني عارفا، بندوش ، وممكن نتمدد ع سرير ، عليش كنك
ورده: قبل بنجي نكسد معاك
ساره: باهي خلاص تعالي، نكسدو عند ننعسو
ورده: تمام
سكرت ساره باب الدار متاعها
وخشت جوا لغرفتها قعمزت ع كرسي سلحت كندرتها
وحطت شنطتها ع زيانه
ومشت عند كومديني حطت موبايلها في شحن
وسلحت الايشارب متاعها
ومشت شور الحمام وخشت ادوش
ومن بعد كم دقيقه ، طلعت ساره من الحمام
لبسا ديشمبر
ولما شعرها كعكا فوق ، خذت كريم مرطب دهنت وجها وايديها
وطلعت دبش الصلاه من شنطتها وخذت الكرسي قبلتا للقبله
وقعدت اتصلي ،وكانت ساره مازال يوجع فيها جنبها وماتقدرش اطبس وتصلي ، فكانت تصلي ع كرسي
كملت ساره صلاتها ، وسلحت دبش متاع صلاه
ومشت شور سريرها ، تريح عند اتجي ورده ، واول ماحولت تغمض عيونها جا في بالها هيثم
فتحت ساره عيونها، وصبت من سرير وحطت يدها ع جنبها وهي تألم
ومشت شور شنطتها فتحتها
وقعدت طلع في دبشها وتفضي فيه في دولاب وتلهي في روحها
عند سمعت صوت باب دق ، مشت شورا
ورفعت روحها ع روس صوابعها تشوف من عين
حقت ورده واريج ، فتحت الباب
