(كافي وجهك)
كافي وجهك وألذنوب أكبار صارن
وألنذور ألما أوفيهن بعد لاخر جگارة
كافي حزنك
وأنت بديتة بحلگ صوتي
وطلعت ألااااااخ
أعلة طولك
أعلة طولك كل خسارة
كافي دليني أرد أعوفك
بكل معابدهم لگيتك
تارس أچفوف ألمنارة
وأنت يمي أسنين يابس
أسنين يابس و أنة أبلل
بالكي أگولن منة چارة
أسنين عايفني و أغني
أباب سرداب ألضماير
وأنة أدريبك تخون وتطعن بشباچ عمري
ومن يدليني أعلة خصري
ألخنجر بموسم تكاثر
شگد شبعت أنة أمس
وما لگيتك مرة باچر
كافي أشگگ بالخسيار
وألتصاوير ألقديمة ألعلگتهة
بتكة أسنين ألجگاير
كافي أگلب بالدفاتر
مرة خليني أعلة صدرك
أترس أليل أبضحكتي
يامة گتلك غربتني
سالفة باخرس درتني
نمنم بهيمة أشمرتني
ومن يلملمني أعلة طولي
يا خلگ شايلة يونس
جروفك ألغربان لفت
شگد غشيم
شگد غشيم وسرب تنده
چنت أكللك تعال
شگد تعال
وأنة أبدونك ضريح أخرس
علگ مامش يشد جرحي
وأطير بكل جرف نورس
چنت أگللك تعال
شگد تعال
أنة أبدونك غرف صنطة
ووهگ بية ألسگف خوفين
وأنت كافي
بعز خريفك يترس ألوادم خضارك
وأنت يمي أسنين يابس
أسنين يابس ماضگت
طينة سمارك
كافي مل مني أنتظارك
مرة وأجفيني أعلة نارك
بضرف ألموادع لكيت ألسكتة تبجي
بطرف صوت ألصفنة خنسة
تكاود أليل وصفنتي
وعتني عد صوب
ألقميص ألبادت أردانة بدمعتي
وأنت ذاك ألكلة ونسة
وكلي شنسة
يااا دمع
يااا ااخ
ألشكك أحلامي كواغد
ما أعذرة
ألشخبط أعلة أسنين عمري
بجف نفاق
هذا كلش راح أخسرة
يامة كتلك
يااامة كتلك
ألمالة بضروفك رسايل
أحروفة تنباك أعلة كيف
وأنت شككت ألرسايل
أبلاية أاااوف
أبلاية حيف
ياااا
خصر ناكع أصابع
ليش لثكت ألنضيف
يامة كتلك وأعلى كيف
ألبات برسوم ألشوارع
أمبين أبخدة ألرصيف
ألشامر أفصولة أبضحكتك
لا تسولفلة خريف
ويامة كتلك
كافي وجهك
وألذنوب أكبار صارن
بس أكلك هذا فرقي
خصرك مربيلة أصابع
وأنة خصري مربي سيف
#مصطفى_النوري
