عندما وصل إلى القصر لم يكن والده قد عاد..فتمكن من الدخول بثقة دون أن يتسلل إلى غرفته..بدل ملابسه..و القى بنفسه على فراشه..يتذكر ما حدث اليوم..ليدوار الحوار بين عقله وقلبه...
العقل:مالك ايه اللي زعلك؟
القلب:ازاي..ازاي كان يقدر يعاملها بالطريقة دي؟!
العقل:وانت مالك؟! خطيبته انت لو كنت مكانه كنت هتعمل كدة برضه..
القلب:ايوة بس مش قدام صحابها..حرام عليه..
العقل:الطبية اللي فيك دي هتجيبك لورا..
مد يده لدرج المكتب الذي بجانب سريره و أخرج رسالتها ثم قرأها مره اخرى و همس و كأنه يتحدث معها:وصلت الرسالة اللي انت عايزاه..انت وحشاها اوي..مشيت وسبتيها بسببي انا..انا آسف جدا يا امي......
اغمض عينيه مستسلما للنوم..
*******
كانت الساعة الحادية عشر قبل منتصف الليل عندما اخرجت ذلك الصندوق الغامض فتحته لتجد بداخله رسالة..البوم للصور..سلسلة ذهبية نقش عليه اسمها باللغة الاجنبية قلبتها بين كفيها ثم ارتدتها..و مدت يدها داخل لتأخذ الرسالة..فتحتها وبدأت بقراءتها..
"جودي جوهرتي وحبيبتي..عارفة انك ممكن تبقي زعلانة مني اني اهملتك وماقعدتش معاكي كتير بس ده ميمنعش اني بحبك جدا"
هزت جودي رأسها بعلامة النفي وهي تحدث نفسها..انا أحبك مهما كنت بعيدة عني ثم اكملت..
"اكيد لما فتحت البوكس لقيتي السلسلة..السلسلة دي "ملك هانم" هي اللي جابتهالك لما عرفت اني حامل في بنت..فشلتهالك وكنت هديهالك يوم عيد ميلادك 24..بس لو لبستيها قبلها يبقى انا بقيت في حتة احسن مع والدك..ده أولا..ثانيا البوم الصور ده جمعتلك فيه كل صورك من وانت طفلة لغاية ما اتميتي 22 سنة..ثالثا يا جودي يا حبيبتي لازم تعرفي انك مش بنتي الوحيدة"
لم تستطع جودي تصديق ذلك..هل لها أخوة من والديها اذا لماذا لم تخبرها إلى الآن..
"ايوة يا جودي ليكي أخ من نفس الأم ولكن مش من نفس الاب..لازم تعرفي اني قبل ما اتجوز والدك -الله يرحمه- كنت متجوزة ابن عمه أمجد الغزالي -الله يرحمه- وكنت بحبه اوي ولكن مات وأخوك عنده 5 سنين وفرض عليا اتجوز عشان يبقى مطمن علينا وانت جيت بعد 3 سنين من جوازنا.. كنت فرحانة اوي بيكي..ولكن للاسف الفرحة ما تمتش لما قررت عمتك تربية اخوك ياسين في سوهاج و تنفيذ وصية والده أنه يكمل تعليمه برة..دلوقتي هو في ألمانيا اتخرج من هندسة وبدأ يشتغل وقرر انه لما ينزل هيجيلك على طول هو نفسه يشوفك اوي انت أخته الوحيدة..ليه صورة وهو عنده خمس سنين موجودة في البومك..في الآخر انا آسفة لو كنت زعلتك بس انا بحبك جدا..و آسفة اني مقدرتش ابرهنلك على حبي ليك..مش عارفة اكتب اكتر من كده..بس في حاجة نفسي تعمليها..نفسي تتحجبي..انا شايفة أن ده أحلى ليكي..انا مش بجبرك ده اختياري وبعدين مالها هدى بحجابها نفسي تبقي زيها..وبس كدة يا جوهرتي النفيسة..جودي"
أنت تقرأ
انا انتقم
Romanceلماذا نشعر أحيانا أننا لسنا محبوبين بل من منبوذين لا أحد يرغب بنا..أو هناك من يدعي الاهتمام ولكنه غير مهتم يا له من شعور متعب ولكن يجب أن نحب أنفسنا حتى يحبنا الغير....... ****** لما أشعر أن اليوم ليس يومي لماذا أشعر ب...
