البارت28
#المشكله_والعنيد
منه محمد
(قبل الحلقه مبسوطه ان الروايا عجبتكم ومبسوطة من شيماء انها شبهت كرم بحمزه
في اغتصبني ابن مستشار)نبدء شباب
ابتهال بكت على طول...وحست انها بتحلم ...واخيرا سامح قدامها بشحمه ولحمه...
سامح اللي بص لـ اخواته..بنظرات كلها شوق ولهفه...وألم وحزن وفرح وكل المشاعر اختلطت عليه "ودمعت عيونه"..وراح لفتون جري عليها بدون ما يحس ورمى نفسه بحضنها ..
فتون احتضنته بكل ما فيها وهي بتعيط..مشعارفه تفرح ولا تحزن على الاوقات اللي عدت عليهم بدونه..
سامح مسك ايدها وباسها : فتون والله ارتوت عيني لما شوفتكم.."وبص في وشها وبتعب " وحشتوني اوي! ..
فتون باست خده من اليمين والشمال والكلام ضاع منها ..شوفة سامح ردة لها الروح: اهم حاجه انك قدامي ..و اهم حاجه انك معايا...
سامح مسك راسها وباسها..
: ربنا يخليك يا تاج على راسي ..وسامحيني يا حبيبتي...سبتك بأكتر وقت محتاجاني فيه..
فتون حطت ايدها على خده: مسمحالك يا خويا..وقلت لك رجعتك تسوى الدنيا وما فيها..
ولف على ابتهال اللي ما صدقت انه بصلها الا على طول رمت نفسها عليه..
: سامح والله ما مصدقه...مش مصدقه..
سامح اللي حضنها بكل حنان وشوق الدنيا : سامحيني يا ابتهال...سامحيني يا اختي
ابتهال الدموع بلت هدومه: مسمحاك والله مسمحاك "وضربته"ومتقوليش الكلام ده مره تانيه..
بعد عنها وباس خدها وراسها: والله وحشتني رخمتك!!!
ابتهال اللي بكت اكتر من حركته ومسكت راسه وباستها: والله ان الدنيا ما تسوى من غيرك..
سامح بعد عن حضنها ومسح دموعه بخجل وابتسم : اسف ياعمي..."وراح وسلم عليه "
سَيار شاف في سامح اخوه..كان نسخته التانيه ..
سَيار مذهول: انت فتحي..والله كلك فتحي.
سامح اتأمل عمه..ملامحه ما كانتش بتدل على شره..او انه هو اللي عمل بأبوه كل الهوايل دي..
وسأل بلهفه: تعرف مكان ابويا !!
سَيار حط ايده على كتفه: حنلاقيه بأذن الرحمن ...وحمد لله على سلامتك..
سامح اللي عارف انهم يظنوه انه مسافر واتكسف : الله يسلمك..
وانتبه للي قاعد جنب سَيار....كانت سالي المصدومه انها شافت فتحي قدامها ..مش كأنه ابنه..ونظرتها كانت مش مريحه..
نزل عيونه: اهلا مرات عمي..اخبارك طمنيني عنك ؟؟
سالي مش قادره حتي ترد عليه..حست الخوف ملاه قلبها ..وكأن طيف فتحي بيلاحقها وبيرعبها..
سامح استغربها وبص لكرم..
كرم شاف ردة فعل سالي وما تخيلهاش كدا ...تخيلها زي كل مره تصرخ وتتخانق والى اخره..
كرم لف: سامح ..دول بنات عمك...الكبيره ريهام.
ريهام مدت ايدها واتكسفت من حركة اخوها انه دخله وهي قاعده براحتها وخصوصا وهي في الحداد .
سامح اتحرج .. ..ومد ايده لريهام..
: اهلا ريهام..اخبارك يا بنت عمي.
ريهام: اهلا بيك ياسامح ..وحمد لله على سلامتك..
سامح: الله يسلمك..
كرم : ودي اللي شعرها طويل نسمه..مش هتفرق بينهم الا من شعرهم..
نسمه ابتسمت ومدت ايدها: اهلا بيك سامح والحمد لله على سلامتك..
سامح سلم عليها: اهلا الله يسلمك..
كرم: ودي هبه .
هبه كانت بصاله وهي مستغربه من شكله..شاب صغير ولحيته طويله وبيتكسف جدا.. أستغربته شويه
وبدون ما تمد ايدها وكلمته من بعيد : اهلا بيك..
سامح بصلها وشاف نظرتها..شكلها قرفانه منه..
لكن رد: أهلا بيكي.
كرم: يالا خد اخواتك وائعد معاهم واشبع منهم.
سامح ابتسم: عن اذنكم..
فتون وابتهال بسرعه كل واحده مسكته من جهه واخدوه للملحق اللي برى..
وهما بالطريق ليه..
سامح حط ايده الاتنين على كتافهم وقربهم منه: والله لكم وحشه..اه ...الحمد لله يارب ...الحمد لله اني شفتكم..
فتون لنفسها " مستعده ابيع روحي واشتري موتي ..بس اشوفك واشوف بسمتك وضحكتك يا اخوي "
ابتهال الدنيا مش سيعها من الفرحه : سامح والله الحياة من غيرك ما تسوى ولا اي حاجه ...ولا حاجه يا حياتي..
سامح بصلها ونفسه يضحك : دلوقتي بانت مشاعرك..والاول كله كان خناق..
ابتهال: انت عارف اني بحبك ...ومن اليوم ورايح انت هنا "وتشاور على راسها "
سامح باس راسها: ربنا يخليك لي ويسلم لي الراس والله..كلهم ضحكوا
واخيرا وصلوا للغرفه..
فتح الباب بقوه..
وصرخ: تامر تمارا..فينكم يا احلى اتنين فالدنيا..
تامر اللي كان بيلعب وفجأه رمى اللعبه اول ما سمع الصوت..وراح جري يشوف صاحبه..
وقف قدامه متنح..وكأنه مش مستوعب..
سامح ضحك: والله كبرت يا بطل تعال في حضن اخوك سامح وسلم عليه..
فتون تشجعه: تمور..يالا تعال شوف سامح..
تامر وكأنه ما صدق وبسرعه انطلق لحضنه..وسامح شاله ورفعه فوق وفضل يبوسه
: والله انت راجل البيت من بعدي..
وشاف تمارا واقفه في الزاويه وتبص بعيونها..
: ما شاء الله تمارا بقت احلى..تعالي سلمي علي ..ولا ما وحشتكيش..
تمارا سكتت شوي بعدين اتكلمت: فين امي ؟؟؟
الكل سكت..واختفت ابتسامتهم..الفرحه دايما ناقصه ..والحزن حليفهم..
سامح نزل تامر ..وقعد على ركبته قصادها : تعالي يا تمارا...
تمار راحت له بخطوات متردده..وقفت قدامه..
: ليه انت حاطط دي !! "وتشاور ع دقنه "
سامح: عشان انا سافرت...تعالي سلمي عليا..
جات وسلمت عليه وهو حضنها بكل قوته وكان نفسه يبكي في حضنها..حس انه حرمها وحرم الكل من امهم..
فتون وابتهال بصو لـ بعض ودموعهم حاضره الموقف ..امهم كانت ناقصهم في كل محور حياتهم..
سامح شال تمارا..ومسك ايد تامر ...وقعد على الكنبه..عاوز يغير الجو..
: ايوه تعالوا اقعدو جنبي.. عاوز اشبع منكم..قولولي..ايه حصل في غيابي..
فتون..الي حاولت تطلع من جو الحزن وتحاول تفرح اخوها وتغير جوه..هو طالع من سجن مش حابه تحبس فرحته كفايه الايام اللي مرت عليه..
ابتهال نفس الخط..
قعدوا قربه يحكو له عن كل الايام اللي راحت بدونه..ويحاولو يخفو الايام الصعبه وايام الحزن واليأس والالم..سامح عارف انه مستحيل كل الامور كانت تمام..بس راضي باللي بيقولوه..ولو حتي مثلو الفرح عليه...
>>>>>>>..........>>>>>>>>>
بعد ساعه..
دخلت جانيت الغرفه..ولقت واحد قدام التلفزيون وقاعد براحته.. تخيلته كرم..بس مش نفس جسمه..كرم على اضخم شوي ..
: انت لو سمحت..
سامح لف عليها مصدوم مين دي ومنين طلعت : نعم !!
جانيت: شو عم تعمل هون؟؟؟
سامح اللي كان لابس بيجامة نوم من عند كرم..من بعد ما أخد له شور جدد نشاطه.
: افندم !! انتي اللي عاوزه ايه؟؟؟..
جات ابتهال وشافت جانيت وسامح شوي ويتخانقو..
: هههههههه جانيت ..ما عرفتيهوش؟؟
جانيت: ومن وين بدي اعرفه؟؟
سامح: كمان انتي يا غبيه .. بتشوفني فين..؟
ابتهال: بالصوره... شافت صورتك ..ده سامح اخويا..
جانيت فرحت: هيدا سامح...ياي كتير مغير علي ..سوري ما عرفتك..
سامح ربع على الكنبه وبتناكه: والله بقيت مشهور...بس مين الاخت؟
ابتهال: دي مربية تامر وتمارا..
سامح مات من الضحك: ههههههههههههه اه مربيه وحركات ....وانا ليه ما جبتوليش واحده زيها..
ابتهال اتحرجت منه: هههههههه يا حلاوتك وانت بتهزر..جانيت عم يمزح..
جانيت مصدومه من الاسلوب وضحكت مجامله: هههههه لا كتير مهضوم..
سامح رجع يتابع التلفزيون: انا قايلك يا ابتهال البنات بيموتو عليا..
ابتهال ئعدت جنبه ومسكت ايده: سامح...اوعي تروح وتسبني مره تانيه..
سامح ابتسم لها: مش هسيبكم ...صدقيني..
وسمعوا خبط ع الباب..
واتفتح بشويش واحده تهمس : ابتهال...ابتهال..
ابتهال ضحكت وراحت لها : ههههه مالك ..؟
نسمه وهي تدخل راسها بالغرفه : خليني ابحلق في اخوك الاول..
ابتهال بصوت عالي: عيب يا نسمه تبحلقي في الشباب ..عييييب..
نسمه سحبتها برى: يا هطله.والله سخيفه..
ابتهال ماتت ضحك: هههههههه عاوزه ايه انتي دلوقتي؟؟..
نسمه: فين فتون ؟؟
ابتهال : جوه ...ليه؟؟
نسمه: بابا عاوزها..
ابتهال: طيب هدخل اقولها.
