مساء الخير احبتي
اتمنى لكم قراءه ممتعه
بقلم: زهراء البياتي
نور..احبببببك احبببببببك
نزل من السياج
جعفر..اي هيج صيري ليش تخليني اتعب وياج
نور بغيض
..انته شلووون تسوي هيج تعرف بنفسك مخبل
جعفر..اي مخبل بيج كم مره اكلج هل شي
..اي ابقه بخبالك هذا خل يفيدك يلا اروح انام نعسانه تصبح على خير
جعفر..ماشي حبيبتي وانتي من اهلو
..حبيبتي؟؟
جعفر..يعني صارلج ساعه طرشتيني احبك واحبك ترديني اكلج اختي تصبحين على خير
..لا والله تره انته جبرتني اكول هل كلمه بس لصدك نفسك تره اني..اريد اكمل كلامي بس رجع صعد على السياج اني بسرعه شهكت وحجيت بخوف
..لا لا انته مجبرتني اني صدك احبك كافي جعفر انزل
نزل وهو يضحك
جعفر..اي هيج صيري لتعبيني وياج حياتي
غمضت عيني بصبر وكتله
..تصبح على خير
جعفر..اجمعين روحي انتي
ابتسمت وسديت البرده واني اضحك على سوالفه
ارجوان..اليوم سبت وكلنا مجتمعين بالبيت
بس علي جان طالع يشتغل بقطعه الارض الاشتراها وملتهي بيها هواي هل ايام
نهى..يمه ارجوان مخابرتي حوراء شوكت تجي
..ماما خابرتها بالطريق هسه يجون
اندك الباب و ماما طفرت وراحت تفتح الباب
وجان تدخل علينا حوراء وساره وعمر
كمنا سلمنا عليهم واني اخذت ساره وحطيتها بحضني وابوس بيها
..يمه فدوووه للبنيات حبيبت خالتها شهل جمال يمه حبيبتي طالعه عليه
هدى..خفي علينا هيفاء وهبي
..معليج انتي شكو تغارين
كمت افر بساره وهيه تضحك وتصفك
والباقين ديصبون الغده
دخل علي وسلم علينا واني احس كلبي كام يدك ويا كل مشيه يمشيها راح سلم على عمر و حوراء
ومن شافني اجه بأتجاهي عكدت حواجبي هذا شحيسوي جاي الي
من صار يمي اخذ مني ساره وضل يلاعبها ويبوس بيها
ابتسمت على شكلهم وهو يلعب ساره ويباوع علي ويغمز واني اخنزر بي لا يحس احد
حوراء..تعااي ارجوان يمي اكعدي
رحت كعدت يمها وحضنتها
..شلونج حبيبتي شوو ضعفانه
حوراء..والله الحمدالله بعد شسوي غير من القهر ضعفانه
..الله يساعدج اي ماما حجتلي يعني حتبقون هنا بالشقه بغداد عايشين وانتو هواي
حوراء..شنسوي ارجوان الاوضاع دتسمعين انتي اكيد ابد مو زينه وكولش خطره وداعش مسيطره على المحافظه كلها
..اوووف الله لا ينطيهم مادري منين طلعونه هذول
حوراء..مو هااي مشكلتي اني المشكله عمر من باجر حينزل ويا الفرقه مالته يرحون هناك وكولش خايفه علي
..عليج الله؟؟
حوراء..اي والله
..لتخلي يروح ميكدر يسوي واسطه
حوراء..لا ميكدر لازم اووف متعرفين شكد خايفه علي
..حبيبتي انشالله ماكو شي ويرجع بسلامه
نهى..يلا بنات عوفن السوالف وتعالن صبينه غده
كمنا ورحنا كعدنا على الميز و حوراء جانت بس صافنه خطيه تفكر بعمر
علي..شنو حتروح للرمادي يعني عمر
عمر..اي الباجر للانبار مو الرمادي
علي..ترجع بالسلامه انشالله
هز راسه عمر ومبين علي تعبان خطيه
داصب تمن الي و جان جدو يحجي
الحجي..حجيه
الحجيه..ها حجي
الحجي..من اليوم تبدين انتي ونهى تتفقون على خطوبه علي وارجوان ماطول البنيه موافقه والولد موافق
بس حجه هيج جدو وكع مني الماعون على السفره والتمن اطشر مادري شصار بيه من الفشله عرفت ماما كايله لجدو على موافقتي اووف جدو هسه يلا تحجي
ونوب الكل يباوع علينا مصدوم ممصدكين الخبر لان بس عمو حسن و علي وماما وبيبي وهدى يعرفون
أنت تقرأ
فراشاتي والزمن (مكتمله)
Romanceقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
