رسالة من مجهول 📝💖

الحلقة ٢١

الحلقة ٢١
#رسالة_من_مجهول
#بوسى_مصطفى
________________

في شقة شكري
شكري : خلاص بقى ياابراهيم
قولت ايه ياجلال
صافي يالبن
جلال : انا عن نفسي مفيش جوايا اي حاجه من ناحية اي حد
ابراهيم : ع كده بقى انا اللي روحت لحد عندك واتخانقت معاك
جلال : الحق مبيزعلش ياابراهيم دا المفروض يعني
بس الناس دلوقت مبقتش تزعل غير من الحق
ابراهيم : حق ايه ياجلال
معنى كلامك دا اني سارقكم زي م قولت
جلال : انا مقولتش كده
مش معنى أني اطالب بحقي اني اشوف حسابات المحلات اللي هي ملكنا كلنا يبقى بتهمك بالسرقة ياابراهيم
انت شايفها كده بقى.. يبقى انت حر
شكري : خلاص بقى ياجماعه نصفي كده ونتصالح ونسيبنا من شغل العيال دا
وإن ياجلال ع حسابات المحلات فأنا وانت نروح في يوم كده نقعد مع إبراهيم ونراجع كل حاجه
أظن دا ميزعلكش ياابراهيم
إبراهيم : وهزعل ليه.. انا قولتله المحلات كلها قدامك اهي يقعد ويتابع ويشوف الشغل بنفسه
لكن شغل اللف والدوران دا انا مبحبوش وانت عارف
شكري : خلاص بقى متزعلش اخوك الصغير وغلط يااخي
مش هنعلق لبعض المشانق يعني
جلال : غلطت في ايه ياشكري
شكري : يوووه م قولنا خلاص ياجلال.. قرب بقى صالح اخوك وانت ياابراهيم مد ايدك وسلم يااخي
ينفع نبقى اخوات وقلوبنا مش صافيه لبعضينا
ابراهيم يمد ايده ويسلم على جلال
ابراهيم : مبروك ياجلال
جلال : متشكر ياابراهيم
ابراهيم : فرحتلك من قلبي بجد
وانسى الكلام اللي قولتهولك قبل كده
انت اللي استفزتني ع فكره
شكري : خلاص ياابراهيم.. جلال قلبه طيب ومش هيوقف ع الحاجات دي
ابراهيم : ماشي استأذن انا بقى علشان الوقت اتأخر
ومبروك ل روفه ياشكري
عقبال م تشوف ولادها
شكري بيسلم على إبراهيم : عقبال نبيل ونباركلك كده لما يسرا تقوم بالسلامة
ابراهيم : إن شاء ﷲ.. سلام
شكري : مع السلامة
يخرج ابراهيم وجلال لسه واقف مكانه
شكري : ايه ياجلال واقف ليه م تقعد
جلال : لا اقعد ايه انا طالع انام تصبح على خير
شكري : وانت من اهل الخير
خارج جلال من عند شكري يقابل نوران وهي نازله من فوق
جلال : رايحه فين يانور
نوران : كنت جايه استأذنك اروح اطمن على ماما
جلال : ليه مالها
نوران : معرفش دي مها بنت عمي كلمت مديحه وقالتلها إن ماما تعبانه
انا بتصل محدش بيرد ومعرفش في ايه هناك
جلال : طب استني انا جاي معاكي
هطلع اجيب حاجه من فوق وجاي
دقيقتين وكان جلال نازل جرى
مسك ايدها : يلا بينا
____________________

في السعودية..📞
نهى : اخر فرصة اهو علشان متقولش بس اني بتلكك
شادي : انتي ادرا بقى
نهى : برضو مش مصدقني
ع العموم انت حر
شادي : استنى انتي هتقفلي ولا ايه
نهى : ماهو انت مش عايز تصدقني
يبقى ايه لازمة الكلام بقى
شادي : م انتي عارفه بانهي الحياة هنا صعبه ازاي
كفايه بس الغربه
وانتي وباباكي مستعجلين وانا مفيش في أيدي اي حاجه اعملها دلوقت
قولتلك سنه.. إن شاء ﷲ
اظبط حالي هنا وانزل نتمم الجوازه دي ونتلم في بيت واحد بقى
انتي اللي مش صابره اعمل ايه
نهى : كل دا ياشادي ومش صابره
شادي : عارف إنك استحملتي كتير
بس الوضع دا غصب عني
سيبت الشغل ونقلت شغل تاني وطبعا المرتب في الشركة دي مش زي الشركة اللي كنت شغال فيها قبل كده
فمحتاج وقت عقبال بس اما احوش مبلغ كده اقدر انزل وقتها واجي ل باباكي وقلبي جامد
نهى : انت عارف اني بقالي كام ليلة مبنامش
شادي : ولا انا صدقيني
نهى : كلم بابا ياشادي.. وحاول كده تبقى هادي وانت بتكلمه
وبلاش عصبيتك دي تطلع في المكالمة علشان هي دي بسبب المشاكل اللي بينا
شادي : غصب عني ببقى مضغوط هنا
فمبستحملش كلمة من اي حد
نهى : لأ استحمل علشان خاطري
شادي ببتسامة : استحمل علشان خاطرك حاضر
نهى : طيب سلام بقى
شادي : حتقفلي
نهى : ابقى كلمني واتساب ووفر حق المكالمات دي عايزين نتجوز بقى
شادي : هههههههه حاضر
نهى : سلام.. ابقى إتصل الصبح قبل م تنزل الشغل
شادي : بكره الجمعه
نهى : اه صح... نسيت معلش
ابقى كلمني برضو
شادي : هكلم باباكي الأول وبعدين اكلمك.. بس ادعي كده ان مقفش مع باباكي علشان مش عارف هيقولي ايه
نهى : قولنا نستحمل.. ولا ايه؟
شادي : علشانك استحمل اي حاجه
نهى ببتسامة : ماشي سلام
شادي : مع السلامة
ايمن : شادي هتشرب شاي
شادي في ايد التليفون لسه وسرحان
ايمن : اممم لا الظاهر رضيت عنك بقى
شادي : هي مين
ايمن : هههههههه اشمعنه دي اللي سمعتها
بقولك هتشرب شاي ولا تنام خفيف
شادي : هو احنا اتعشينا
ايمن : هههههههه امال الاكل اللي ع السفره دا مين اللي كان بياكلوا
دا المفرش متشالش
قولت للأستاذ رضا يشيله عقبال م اشطب المطبخ
حضرته طنش وقام خارج معرفش راح فين
شادي : احسن خليه بره اهو نستريح شوية من وجع الدماغ
رضا : بتقول حاجه يابشمهندس
شادي: بيطلعوا امتى دول
رضا : بيطلعوا الساعة الساعة اتناشر بالليل
امال فين بقيت العيال
ايمن : تقعد سامح وسيف
رضا : هو في حد غيرهم؟؟!
ايمن : سامح في البيت الجديد هو وسيف
رضا : اه ياعم هو في حد قده
دلوقت.. يلا أرزاق
شادي : طب م تعمل زيه وتتجوز ولا مش لاقي بني آدمه تعبرك
رضا : شوفت ياعم ايمن علشان لما اطبق في زمارة رقابته محدش يحوشني
ايمن : بصراحه يعني يارضا ومن غير كدب
انت اللي تتجوزك لازم تبقى فدائيه
رضا : ليه ياعم هو احنا رايحين نحارب
شادي : ب اطباعك دي أي واحده تقبل انها ترتبط بيك يبقى بتضحي بنفسها وشبابها
يعني اعتبرها كده ماتت وشبعت موت
رضا : ماشي ياخفيف
لما شاطر اوي كده مبتعملهاش ليه وتتلم وتتجوز
شادي : اعملها انت الاول وملكش دعوة
وبعدين ابقى نضف دا من جوه شويه
رضا : انا مفيش انضف من قلبي
علشان كده مستحملك انت واللي زيك
وخرج رضا من الغرفة
ايمن : جرا ايه ياشادي متهدي اللعب شويه يااخي
وبعدين كلامك صعب اوي معاه
احنا بنهزر ليه واخد كل حاجه جد كده
شادي : علشان انا ع أخرى منه وميجيش يهزر معايا بقى
ايمن : طب اهدي بس وبلاش انفعال
وقولي ايه اتصالحتوا ولا لسه متخانقين برضو
شادي ببتسامة : يعني.. بس دا متوقف على موافقه باباها
ايمن : خير... إن شاء ﷲ
الظاهر سامح وسيف جم
شادي : طب انا هروح اعمل شاي لينا كلنا وبالمرة اعمل كام ساندوتش كده علشان جوعنا بصراحه هههههههه
وقول ل رضا مينامش بقى قبل م ياكل
ايمن : هههههههه قلبك ابيض ياض
شادي : هنعمل ايه بقى بس يكش يتطمر فيه
ايمن : هههههههه لسه بقول قلبك ابيض.. متخلنيش ارجع في كلامي
ازيكو ياشباب
سامح : الحمد لله
شادي : ايه ياعم انت وهو كل دا هناك بتعملوا ايه
سامح : في حد في الحمام
ايمن : لا مفيش رضا جوه في اوضته
شادي : انتو اللي مبهدلكم كده
سيف : هههههههه كنا بنتعلم النقاشه
سامح : هههههههه نتعلم ايه ياعم
دا انت طلعت استاذ
ايمن : هههههههه ايه دا ياسيف هو انت بتعرف في الحاجات دي
سامح : بيعرف!
دا ياابني عملي شوية شغل إنما ايه
ابقوا تعالوا معايا بكره عاينوا بنفسكو
شادي : هههههههه بجد برافو عليه
سامح :"مش كده وبس
دا عملي شوية شغل في السباكه والكهرباء هناك
تقولش شغال في المهنه دي من وهو عيل صغير
سيف :" هههههههه مش للدرجادي ياجدعان
انا بس بحب اتعلم كل حاجه
من باب بس العلم بالشيء وللظروف الطارئه يعني
ايمن : عقبال بقى م تعمل شقتك
سيف : هههههههه لا شقتي متشطبه وكله تمام
ايمن : يبقى مش ناقصك غير العروسة بقى
شادي من جوه : ايمن هي الطماطم خلصت ولا ايه
ايمن : ييييه نسيت اشتري النهارده
ابقى فكرني بكره واحنا خارجين من الشغل
شادي : يااخي اتعلم النظام بقى وابقى اكتب ورقه
ايمن : حاضر بس ابقى فكرني
سامح : هههههههه بعد اذنكو اما ادخل اخد دوش علشان انام
سيف : طب بسرعه بقى علشان انا كمان مش قادر عايز انام
ايمن : طب اقعد استريح ياسيف
كسرت ايه عندك ياشادي
شادي : متبقاش تحط الكوبايات هنا مرة تانيه
ايمن : اه يعني كسرتهم
شادي : خرجت الطقم التاني
اغسلهم بقى
ايمن : هو انت علشان تعمل كوبايتين شاي تشغل الدنيا بالشكل ده
شادي وهو بيدوق الجبنه اللي عملها : شاي بس امال مين اللي عامل اللي في الطبق دا
ايمن : مكنوش شوية جبنه بالطماطم اللي عملتهم
ايه دا انت جيبت طماطم منين
شادي : دعبست ودورت لحد م لاقيت ثمرة طماطم مستخبيه ورا علبة المخلل دي
ايمن : هههههههه لأ ناصح ياض
شادي : ألحق دا سيف نام
ايمن : شكله تعبان بجد
شادي : جدع سيف ده
ايمن : اه فعلاً جدع وطيب اوي كمان
شادي : اخلص ياعم سامح بقى
سيف يفتح عينه ويقوم بسرعه
ايمن : لسه سامح مخرجش
سامح : خلصت اهو ادخل بقى ياسيف
سيف :"طيب هجيب هدوم من جوه
ودخل اوضته
شادي يخبط سامح ع ايده : متمدش ايدك غير لما الكل يقعد
ايمن : وادي علبتين تونه ب الكاتشب الحار
شادي : تصدق فضلت ادور ملقتهمش
ايمن : لأ كفاية الازاز اللي كسرته جوه
دا انت حتى مهانش عليك تلم اللي واقع على الأرض
شادي : كنت رايح المهم
ايمن : طب روح لمهم بقى الجروف عندك في المطبخ من تحت
شادي : هو انت ملمتهمش
ايمن : هههههههه لأ وبطل الكسل اللي انت فيه ده
شادي : امتى الواحد يتجوز  ويترحم من العزوبيه دي بقي
سامح : هههههههه قريب بس شد حيلك كده
ايمن : هههههههههههه عقبالنا ياعم
هو سيف نام جوه ولا ايه
سامح : اما اقوم اشوفه كده
ايمن : شكلك قتلته شغل يا مفتري
سامح : انا!
طب اسأله كده انا كنت بتحايل عليه علشان يستريح هو اللي كان بيرفض
ايمن : قومت هلكته شغل ادخل شوفه بقى
اخلص ياشادي خلينا ناكل لقمه ونام بقى
شادي : العيش اهو
ايمن : فيك الخير فين السكر بقى الشاي مر ميتشربش
شادي : هو انا محطتش سكر
ايمن : تصدق بقى!
شادي : هههههههه ثواني هجيب السكر
ايمن : نكون نخلص بقى.. رضا تعالي كل لقمه قبل م تنام
رضا : لا انا هنام خفيف تصبح على خير
__________