رسالة من مجهول 📝💖

الحلقة ٢٢

الحلقة ٢٢
#رسالة_من_مجهول
#بوسى_مصطفى
_______________

في شقة جلال.. على السفرة
مديحه : علشان خاطري ياجلال
دي بس
جلال : مش قادر يامديحه اكلت كتير
كملي انتي اكلك
نوران خارجه من الاوضة : صباح الخير
يرددوا : صباح النور
مديحه : اغسلي وشك وتعالى افطري يانور
ولا هتصلي الصبح الأول
نوران : انا صليت الفجر حاضر
جلال كنت بيستأذنك انزل اشتري حاجه من الصيدلية
مديحه : وانتي هتلاقي صيدلية فاتحه دلوقت
استنى ساعة كده ولا حاجه
جلال : عايزة تشتري ايه
نوران : هشتري خافض للحرارة وكمان مضاد حيوي علشان باسم اللوز تعباه
جلال : اعمليله كمادات لما ارجع هبقي أخده للدكتور
نوران :"مفيش دكاترة يوم الجمعه
جلال : هتصرف متقلقيش.. بعد اذنكم
وفتح الباب ونزل
مديحه : اقعدي يانور انا هروح اعمل لباسم كمادات عقبال م تفطري
نوران : جسمه قايد نار طول الليل يامديحه
مديحه : ياحبيبي دا كان تحت بيلعب وزي الفل
مقولتيش ليه لما لاقتيه كده
كان جلال أخده المستشفى
نوران : قولت هتنزل كنت عماله اصبر نفسي للصبح راحت عليه نومه بعد الفجر قومت لما حسيت اني جنبي فرن
لاقيته جسمه قايد نار
مديحه  اخدت الولد تحت الحنفيه وشغلت المياة
مديحه : هاتي فوطه من عندك
نوران : حاضر
مديحه : ع مهلك لتوقعي
نوران :"هاتيه يامديحه
ولفت نوران ابنها بالفوطه وخرجت من الحمام
مديحه : الحرارة هتنزل شوية عقبال م جلال يجي
نوران بتلبس ابنها ومديحه بتساعدها
نيمت الولد وبتعمله كمادات
مديحه : مش عايزة تقوللي زعلانه من ايه
نوران : ودا وقته يامديحه
مديحه : علفكره انا قولت لجلال ميباتش عندي امبارح بس هو
قاطعتها نوران : عادي يامديحه هو مش بايت في بيته برضو
مديحه : شكلك زعلانه ع فكره
نوران : انا في ابني دلوقت يامديحه
اما جلال فبراحته
مديحه : طيب هشوف الاكل على النار خليكي انتي مع ابنك وتابعيه ب الكمادات
خرجت مديحه
نوران بتنهيده :"انتي مش غلطانه يامديحه
انا اللي غلطت اني سمعت كلامك
____________

في السعودية... في سكن الشباب
سيف : زود شوية لبن وقلب كويس اوعي تلعكع منك
شادي : لا ياعم تعالي انت اعمل البشاميل ده
خليني في طشة الملوخيه
سامح : طب م زودش شوربة كتير علشان نعرف ناكلها
شادي : هههههههه انت لسه فاكر
سيف : اهم حاجه متغطيهاش
ايمن : هههههههه فكرتني ب أكل امي
ربنا يعطيها الصحه والعافيه
بتعمل شوية محشي إنما ايه
شادي : الجمعه الجايه نعمل محشي
سامح : اه ماهو دا اللي ناقص بقى
مش كفايه المكرونه اللي منعرفش هتتاكل ولا ايه نظامها
سيف : هتطلع تجنن انا ماشي على الوصفه اهيه خطوه بخطوه
ايمن : ياعم اقفل اليوتيوب دا وركز في اللي انت بتعمله دا هيتحط فيها نص كيلو لحمه بحاله
سيف : هههههههه
وادي البشاميل خلص
هات البيركس دا ياسامح
سامح : اتفضل ياشيف
سيف : الأول قالت ايه اه نحط شوية باشميل الأول وبعدها المكرونه
سسامح : مش صايص البشاميل دا ولا انا بيتهيألي
شادي : لا انا بحبه خفيف كده
سيف : نحط بقى اللحمه المعصجه بتاعتنا وبعدها طبقة مكرونه والبشاميل
ايمن : استنى الجبنه مش هتتحط ولا ايه
سيف : لأ خليها للآخر هنحطها
بقى وقبل دقيقتين من خروج المكرونه نحط الجبنه
ايمن : م تحط جواها جبنه
شادي : لا انا بحبها كده
ايمن : هو كل حاجه بحبها كده
على اساس إنك عارف اصلا بتتعمل ازاي
شادي : اخر مرة اكلتها كان من سنتين من ايد ست الحبايب
اما نشوف بقى بتاعت سيف دي هتتاكل ولا ايه
سيف : هههههههه اقعد اتريق كده لحد م تتحرق
رضا : ايه اخبار الفرخه بتاعتي اتشويت ولا لسه
ايمن : تعالي شوف حاجتك
شادي : م كنت جيبت مندي  وريحت نفسك
رضا : بحب اكل اكل بيتي عندك مانع
يمد ايده في الفرن ويخرج الفرخه
رضا : كده بقى ميه ميه مع شوية رز ابيض وملوخيه
ياسلام يجنن
واخد الاكل وخرج
شادي : هو مش انا اللي عامل الملوخيه دي
ايمن : متدقش ياشادي
شادي : لا ياحبيبي انا ميضحكش عليه
انا حقي نص الفرخه اللي اخدها قدامنا دي
سامح : هههههههه الحقيقة انها لينا كلنا
شادي : اه دا بيستكرضنا وانا بقى مش هسكتله
اطمن على المكرونه ياسيف وصلوني ياشباب
سامح : هههههههه هتعمل ايه يامجنون
يقعد شادي جنب رضا ويقطم نصف الفرخه
رضا : ايه اللي انت بتعمله ده
شادي : الفرخه ملوعه يااخي
رضا : احسن علشان متبقاش تمد ايدك علي مش بتاعتك تاني
شادي : دا نصيبك اتفضل
رضا : نعم!
شادي : شاركتنا في الرز والملوخيه بتوعنا وكمان من كرم أخلاقنا هناكلك من المكرونه بتاعتنا
هات حته ياسيف ل رضا
سيف خارج ب الصنيه
سيف : لسه سخنه
شادي : هات ياعم ودا بيهمه
اتفضل
رضا نظر للمكرونه والتفت لباقي الفرخه اللي قدام شادي
شادي : ايه مش عايز خلاص بلاش
واخد الطبق من قدام رضا
رضا : بس نص الفرخه كتير ياشادي
شادي : فعلاً نص الفرخه كتير عليك
كفاية الدبوسه دي وانا والشباب نقسم الباقي ع بعض
قربوا كلهم ياكلوا
رضا : قرب ياايمن طبق لسان العصفور اللي قدامك ده
ايمن : اتفضل
شادي : شوية ملوخيه إنما ايه تشرب شرب كده
سامح : لأ والمكرونه كمان ايه تجنن
اشترك في القناة دي ياسيف علشان الشباب يتعلموا
رضا : وانت ايه مش ناوي تتعلم انت كمان
ولا صح نسيت انت مش محتاج تتعلم
بكره ياعم تجيلك اللي تعملك الهوبر
شادي : تعرف اني مش بستريح لنبرك ده
رضا : بص انا الاكل عاجبني ومعنديش استعداد اتخانق واسيب الوليمه دي ف اهدي ع نفسك شوية يابشمهندس
هات حتة مكرونه هنا ياسيف
سيف : حاضر... اتفضل
__________