ကောင်းကင်ဘုံအား ဆန့်ကျင်၍ စာစဉ်(၁) မှ (၇)

အပိုင်း(၉၄)သတ်ဖြတ်ခြင်း အရှိန်အဝါ

အပိုင်း(၉၄)သတ်ဖြတ်ခြင်း အရှိန်အဝါ

"ဗုန်း!"

ကြောက်မက်ဖွယ် ပေါက်ကွဲသံကြီးသည် ပေါ်ထွက်လာခဲ့သည်။ ရေခဲသားရဲကြီး၏ ကိုယ်ကြီးသည် လေထဲသို့ လွင့်ထွက်သွားခဲ့ပြီး အပင်ပုလေးများ ကြားသို့ ကျရောက်သွားခဲ့သည်။

"ဂတ်...ဂတ်...ဂတ်!"

ကျန်းရီ၏ ကိုယ်သည် အဆက်မပြတ် တုန်ယင်နေခဲ့ပြီး သွားများသည် တဂတ်ဂတ်ရိုက်နေခဲ့သည်။ သူ့ကိုယ်သည် အအေးဒဏ်ကို ခံစားနေရသည်မှာ သိသာအောင် ကွေးနေခဲ့သည်။ သူ၏ မျက်ခုံးများနှင့် နှုတ်ခမ်းများသည် ခဲစပြုနေခဲ့ပြီး ဖြစ်သည်။ သူ့မျက်နှာသည်လည်း ကြည့်မကောင်းတော့ပေ။

"သခင်လေးကျန်း!"

ချမ်ဖူနှင့် ကျန်လူများသည် ပြေးလာခဲ့ကြသည်။ သူတို့ ကျန်းရီအနားမရောက်ခင် မျက်လုံးများသည် ခပ်လှမ်းလှမ်းမှ ဒေါသကြီးနေသော သတ္တဝါကြီးထံ ရောက်သွားခဲ့သည်။

"ဂါး!"

နတ်ဆိုးသားရဲကြီးသည် ကောင်းကင်သို့ မော့ကြည့်ကာ အော်ဟစ်လိုက်သည်။ ၎င်း၏ အရေပြားပေါ်ရှိ သွေးများသည် စတင်ခဲစပြုလာကြသည်။ ၎င်း၏ အေးစက်စက်မျက်လုံးများသည် ဒေါသတကြီးနှင့် လူတိုင်းကို ကြည့်နေခဲ့သည်။

"အဲဒါကို သတ်!"

ချမ်ဖူသည် အော်ပြောလိုက်သည်။ နတ်ဆိုးသားရဲကြီးသည် နေရာရှိ လူတိုင်းကို စိုက်ကြည့်နေခဲ့သည်။ ၎င်းသည် အားလုံးမသေမချင်း ရပ်တန့်လိမ့်မည် မဟုတ်ပေ။ သူတို့ကို သတ်သည်အား ထိုင်စောင့်နေမည့်အစား တိုက်ခိုက်ကြည့်တာက ပိုကောင်းပေမည်။ သူတို့သည် နတ်ဆိုးသားရဲကို မသတ်နိုင်သော်လည်း သင်တန်းကျောင်းမှ အကူအညီများ ရောက်လာသည်အထိ အချိန်ဆွဲထားနိုင်ပေသည်။ သို့ဆိုလျှင် သူတို့တွင် အသက်ရှင်ရန် အခွင့်အရေး ရှိသည် မဟုတ်ပါလား?

"အားလုံးနောက်ဆုတ်ကြ!...လေးတွေကို သုံးပြီး ပူးပေါင်းတိုက်ခိုက်မယ်!"

ကျန်းရီတိုက်ခိုက်နေချိန်တွင် စုလောရွှယ်သည် သူမ၏ အခြေအနေကို အနည်းငယ်ပြန်ကောင်းအောင် ကုသထားခဲ့ပြီး ဖြစ်သည်။ သူမသည် ကျန်းရီ၏ အခြေအနေကို မြင်လိုက်သော် သတ်ဖြတ်ချင်သော အရှိန်အဝါတို့က ဖြာထွက်လာခဲ့သည်။ သူမသည် ဓားရှည်ကို ကိုင်လိုက်ကာ မြေပြင်ပေါ်ထောက်၍ လိပ်ပြာလေးတစ်ကောင်ကဲ့သို့ ခုန်လိုက်ပြီး နတ်ဆိုးသားရဲကို ထပ်မံတိုက်ခိုက်လိုက်သည်။