دموعي أتعبتني 🙁

اعرفكم بحياتي وبعائلتي ☻

اممم طبعا اول شي احب ارحب بكم وكلما يقرء كلماتي اتمنى تتفاعلون وي القصه وتعلقون الها ...

طبعا عائلتي اجمل شي الي ودائما اخاف عليهم من كلشي واتمنى الهم حياة سعيده

عائلتي هي 😍
ابوي : حسن
امي : علياء
اخواني : جود وعلي ومرتضى واحمد
اخواتي : ستبرق ايات وفاطمه وشمس وعد نور

هاي عائلتي اخواني واخواتي 😁

طبعا نجي بدايه لقصه
احنى ناس ساكنين باحدة محافظات العراق تحديدا البصره منطقه معروفه عايشين بيت مساحة البيت 150 متر طبعا بيتنا ع كد حالنا .. بس ما عايشين وحدنه لا كانو عايشين ويانه عمامي اثنينهم وعمتي
احنى ناس معروفين بل منطقه كونه منطقه جنوبيه وعشائريه طبعا ابوي هو جبير اخوته وعلي مسوليه جبيره كونه جبير ومتحمل مسولية اهلها ..
عمامي عايشين ويانه واحد اسمه مصطفى ولاخر اسمه حامد 😑 بس عمامي عايشن ويانه شفنه ضيم من وراهم برغم همه مزوجين خالاتي امي ونسوان عمامي اخواتي وعمامي عدهم ولد وبنات يعني ما شاء الله بيتنه بي 24 نفر تقرببا بل بيت وهم عندي عمه الله يستر عليها شون عمه ما جنها اخت ابوي عمتي اسمها زهراء طبعا عندي عمات بعد وعمام هم الله يرحمه جدي مزوج اربع نسوان وعندي خير من الله عمام وعمات الله يحفظهم ...
بس عمامي من احنى اصغار ميحبونه ولا يحبون ابوي ولا يحبون امي برغم ابوي عنده عمامي اهم من عدنه حتى يكسر بخاطرنه ع مودهم ..

المهم اجت المدرسه وسجلت صف اول بتدائي انا موصفاتي قصيره وحنطاويه جسمي زين مو ضعيفه كلش عيوني سود شعري طويل نازل لحد الخصر جوة احب اضحك دائما اضحك 🙈 😂
نسيت اقلكم ع مواليدي طبعا انا مواليدي 93 بشهر 7 يوم 29 شهر بتموز بل حرر ولادتي امي تقلي ساعه سبعه جبتج بس شنو سولف علي تقلي وكحه انتي السانج طويل ...
اذكر من جابت الي ملابس طرت من الفرح بعد طفله بل اول ابتدائي ورحت اداوم وجان معلمته اسمها فهيمه خوش معلمه .. هاي بعهد صدام كان مستواي مو هلكد بدراسه بس كنت انجح من دور الاول ...

داومت اول ونجحت ورحت ثاني هم نجحت وعائلتنه عادي يوم ضحك ويوم مشاكل وماشيه لحمد لله .. بس كان عمي عنده ولد أصغر مني بتسع اشهر هذا جان منافس الي بدراستي جان ابوي اقلي هو احسن منج واشطر انا جانت تحز بقلبي بس اسكت ما احجي .. اقول ميخالف هذا هم اخوي واريده صير زين وجان اختي استبرق هي لي تقريني طبعا استبرق مبطله من مدراسه صف خامس بتدائي وبطلت وهي تعرف تقرء وتكتب بس بعد هي جبيرتنه وما كملت دراسه بقت تشتغل مصرف النه انا واخواتي واحنى كنه نداوم مدرسه فا ستبرق بطلت وضلت تشتغل بل خياطه تخيط للناس احنى عائله فقيره شوي جنه يعني يوم ناكل ويوم لا مع ذالك لحمد وشكر ع كل حال .. وبقية اخواني واخواتي يدرسون وماشيه لحال صرت رابع ابتدائي اذكر جان عدنه درس وجان بعهد صدام وكتب ماكو كل طالبين بكتاب وانا عندي درس لا كاتبته ولا قاريته وما حاجيت ستبرق علي وهي ما قصرت فتحت دفتر وشافته ما كاتبه درسي بهذيج ساعه طاحت بيه وكتلتني وحرمتني لعشى علما كتبت درسي وحفظته طبعا ستعاريت كتاب من جيرانه بس كتبت درس ورجعته الها .. وجان انجح من رابع واروح للخامس بس استبرق اجى نصيبها وزوجت هم اخذت الها ..