الحب احساس لا تعرفه حتى تعيشه فلا تتعب نفسك بالشرح للاخرين كم تحب حبيبك
اول شي خل اعرفكم عالشخصيات اني جود عمري 18 سنة طالبة خامس اعدادي مستواي الدراسي
متوسط بعض الدروس شاطرة والباقي الي الله من بغداد احب لغة الانكليزي ومحبوبة لان خبلة وما براسي عقل لهل السبب الناس تحبني
عائلتي مكونة من بابا وماما وخمس اخوان حتتعرفون عليهم بالقصة وعندي بيبيتي عايشة
ويانة بالبيت وعماتي اثنين هم حتعرفون قصصهم بالبارتات الي جاية اني الجبيرة بأخواني والغالية لان ما فد يوم سويت شي ينزل راسهم
ما راح اطول عليكم راح ابدي بالقصة
اول شي اني جود احب الدواحة بس ابأدب يعني
احب اتعرف عالناس واحب اكون صداقات طبعا فد يوم ابن عم ابوي ازوج اني بهذا الوكت جان عمري
13 سنة مجنت اعرف العروس بس بعد العرس اتعرفت عليهة لان همة جانو جيرانة وكولش قريبين
علينة من اتعرفت عليهة اكتشفت انو هية البنت الي من جنت زغيرة هي تكتلني ( طبعا تتشاقة ) واني ابجي بس بعدين ترضيني بجوكليته
طبعا مرت الايام والشهور والسنين واني مرت ابن عم ابوي الي اسمها رهف صرنا اصدقاء واكثر يمكن خوات لان اني مجانت عندي اخت جبيرة
اني حبيت رهف كولش وهي هم حبتني خل اوضح شي اني اهلي كولش معقدين وميخلوني اطلع منا لهنا اذا مز س وج المهم مدري شلون الله هداهم
وخلوني اروح دائما على رهف والسبب هو انو زوج رهف يخاف عليهة وميخليهة تطلع ابد غير بس لأهلة
اني بقيت اروح كول يوم على رهف وهي اتعلقت بية وصارت اذا يمر يوم وما اروح تزعل علية اني كبرت
وتربيت علة ايد رهف بحيث صرت احس روحي بنتهة مو صديقتهة المهم مرت الايام وبدت
الامتحانات مال صف الرابع ابتعدت عن رهف لان مجان عندي مجال جانت عندي امتحانات وفوكاها رمضان
بدت الامتحانات واول الايام جانت بين يوم ويوم لان رمضان وتعب ف بيوم دزت علية رهف وية بنت
عمتي وكالتلها روحي لجود وكوليلها رهف رايدتج بموضوع ضروري
ميمي :: هلو جود شلونج
جود:: هلا ميمي اني تمام انتي شلونج
ميمي:: تمام بس عندي موضوع مهم وياج
جود::هااا حبيبتي كولي خوفتيني
ميمي:: خل يفضة المكان واني اكولج لان ما اكدر احجي اهلج موجودين وانتي تدرين بأهلج يردون حجة عليج
جود:: اووك هسة نروح بغير مكان نحجي لان اهلي مراح يفاركونة يلة امشي بسرعة لان خوفتيني صاير شي
ميمي:: شبيج جود خبصتيني اجيت اكولج رهف تريدج بموضوع ضروري وكالت لتخلين احد يحس خلي تجي بسرعة الموضوع مهم كولش
