ارواح لاجئة (مكتملة)

الجزء السادس والعشرون

ارواح لاجئة
بقلم // الفهدة السوداء
البارت السادس والعشرون

ماريان

مرت ايام
من بعد سالفه امي الي عرفت بيها متأخر
واخذت جزء مو قليل من روحي وعمري
بحيث طلعت منها واني اكثر قسوة
اكثر صلابه
شي اسود انضاف لدماغي
لون جزء جبير من دماغي بلون اسود
وكم عدد الاماكن البيضه الصافيه بدماغي
حته تتدمر بهيج سوالف لا على البال ولا على الخاطر

والاهم سالفة طلعتي ويا مارسيل
ما مرت على خير
مثلما تأملت ...

صار هواي كلام بالدائرة ...
اخر موقف جان بكل قباحه
عود صديقتي المقربه معتبرتها
اكلنا وشربنا وسولفنا سوة

مياسه :: ماري اسالج سؤال بس الله عليج لاتفهميني غلط
يعني اني واثقه بيج
ومتأكده منج ومن اخلاقج
بس اكو كلام داينحجي بخصوصج
واريد اعرف صدك لو لا

ماريان :: كولي ميوسه اسألي ماعندي شي ضامته عنج

مياسه :: صدك انت طالعه ويه واحد غريب ب١٢ بليل
وجنتو بكهوة
من ذني الكهاوي ال...
معرف شاكولج بس اريد افتهم

ماريان :: ميوسه ما ادري شنو واصل الج بس انت برأيج
اني روح هيج كهاوي
واطلع ويا واحد غريب
ماتعرفيني مثلا
لو ماشايفه تعاملي ويا الجميع

مياسه :: والله اعرفج
بس هذا الحقير يحلف يكول شفتها
ويحلف حلفان موطبيعي
الى درجه يتصدك
مستحيل هيج حلفان على شي كذب

اخذت نفس طويل
ماريان :: طلعت ويه ابن خالتي بسنتر بوينت
والساعه ١٠ رجعت للبيت
هذا كل الي صار
و هسه انت حرة تصدكين الي يحلف
لو تصدكيني الي
ولو مادري شيصير ما احلف لاي احد

مياسه :: لا حبي مصدكتج الج بس اريد اعرف
لان مليت
صدك مليت واني ادافع عنج
واكول علي جذاب
شكد منافق

ماريان :: مياسه الكل هنا منافق
ومن اكول الكل
ما استثني احد
..مع الاسف

مياسه :: الله كريم حبي
لاتكولين هيج...لو خليت قلبت
اني رايحه
اشوفج الضهر
بااي

راحت مياسه
تركت بروحي اثر ....كلماتها
تجرح
تأذي
اول مرة هيج يصير بيه
اول مرة اصير حجايه بحلك الي يسوى و المايسوة
والي يكتلني
ماكدر ادافع عن نفسي
مارسيل...
ماريد اجيب سيرته بالدائرة ولا بالبيت
ولا بأي مكان
افضل اسكت عن انو ادافع عن روحي

بدت امتحانات اخر السنه
عيسى بالثاني ابتدائي
يعاني من العلوم
صعب الحفظ عليه
بالرياضيات والقراءة شاطر وبسرعه يقرا
بس العلوم مأساة

اول امتحان
علوم
اسبوع قبل العلوم كاعدين ونحفظ
وموسى يغار
يريد نفسه هو هم مهم
ويقرا واركز عليه مثل عيسى
فرغت نفسي الهم واخذت اجازة