رسالة من مجهول 📝💖

الحلقة ٢٣

الحلقة ٢٣
#رسالة_من_مجهول
#بوسى_مصطفى
_____________

في شقة سونيا
بديعه : ياخيبتك يابنت اختي
بقى المحروس جوزك متجوز عليكي وعنده منها بنت كمان
سونيا : انا اللي قهرني ياخالتي شبابي اللي ضيعته مع البنى آدم ده
بديعه : ياما قولتلك حوشي حاجه للزمن
اهو البيه راح اتجوز بفلوسك
بس ارجع واقول انتي اللي غلطانه
في واحده تأمن لراجل ياهبله
سونيا : كفايه بقى ياخالتي
م في ستين داهيه الفلوس
انا في اللي عمله دلوقت
بديعه : بقى في ستين داهيه الفلوس!
انتي عبيطه يابت ولا شكلك كده
الفلوس دي شقا عمرك
ولما هي مش فارقه معاكي كده كنتي بتنزلي تشتغلي ليه
سونيا : كنت هبله ياخالتي زي م قولتي
بس انا مش هسيبه يتمتع بيها
هقهره واخليه يجيني ندمان ويطلب اني اسامحه وقتها بقى
تقاطعها بديعه : يجيلك ايه يا
يجيلك!
هو انتي لسه بتفكري إنه يرجعلك
يابت فكري ازاي ترجعي فلوسك
وهو يغور في ستين داهيه
هو انتي لسه هتأمني ليه تاني
سونيا : اعمل ايه يعني ياخالتي
بديعه : انتي تتعاملي معاه عادي خالص
كأن محصلش اي حاجه ولا انتي عرفتي حاجه خالص
واسحبيه واحده واحده وع الهادي كده تعرفي عنده ايه واشتري ايه بالفلوس دي
نقوم نعمل خطه بقى نخليه يلف حوالين نفسه
بعد م ناخد كله حاجه منه الحرامي ده
سونيا : ازاي اتعامل معاه عادي كده ياخالتي
بديعه : مقدمكيش حل تاني
هو م اخدش الفلوس دي بإيصال أمانه علشان هتروحي ترفعي عليه قضيه وتسجنيه وتاخدي فلوسك
دا سارقهم منك يااختي يعني لو واجهتيه هيبجح فيكي ويقولك اللي عندك اعمليه
علشان عارف إن مفيش في ايدك حاجه تتعمليها
وفي الاخر هيطلقك ومش هتاخدي معاه حق ولا باطل
سونيا : هو مشافش مني الوش التاني ياخالتي
لكن بكره يشوفه
بديعه :"يبقى بدأتي تفهمي ياسعاد
سونيا : انا بقى هخليه يقول حقي برقبتي
كل اللي كسبه من ورايا دا هخسرهوله
بديعه : تكتكي بقى بس بعقل كده و بهدوء
اخد الحق حرفه يابنت اختي
سونيا : إن م وريتك ياحمدي مبقاش سعاد
لازم اعرفك إن لحمي مر
وسنين عمري وشبابي اللي ضيعتهم هندمك عليهم ندم عمرك
__________

في شقة جلال
جلال راجع مع نوران من بره
بيفتح باب وأيده في ايدها
مديحه كانت قاعده... قام باسم بسرعه اول م شاف مامته جرى عليها يحضنها
جلال : سلام عليكم
مديحه : وعليكم السلام
كنت فين ياجلال
نوران : كنا عند الدكتور
مديحه بغضب : انا مبكلمكيش انتي انا بكلم جوزى
كنت فين ياجلال
نظرت نوران لجلال وبعدها اخدت ابنها ودخلت جوه
جلال قرب من مديحه اللي حاولت تبعده عنها : اوعي بقى متلمسنيش
جلال : مالك يامديحه في ايه
مديحه : في إنك من الساعة سبعه الصبح بره البيت وادي الساعة جات اتناشر بالليل وحضرتك لسه جاي
جلال : م انا كلمتك وانا خارج من الشغل وقولتلك اني رايح مع نوران للدكتور علشان تعبانه
مديحه : كل دا عند الدكتور
جلال : طلب تحاليل كتير
وكنا قاعدين منتظرين النتيجه علشان كدا اتأخرنا
م انا مكلمك من هناك  وقولتلك يمكن نتأخر شويه
مديحه : وكل يوم بقى هنبقى في الموال ده
جلال : مش فاهم
اقولك تعالي نتكلم جوه
___________