ملاحضة //تم تغير اسماء الشخصيات
مع عدم ذكر الاماكن لخصوصية القصة
.....
.....
.....
هلاو انا مريم عمري 19 سنة
بصراوية عيوني خضر والبس مناضر
جسمي وسط امي متوفية
وبابا(امين)مدير حسابات بشركة
اخوي الاكبر مني (محمد) عمرة 23 سنة
متزوج وعدة ولد وخواتي الازغر مني
عمررهن( تقئ 16 سنة)و(رنا 16سنة)
ثنينهن توم همين بس تقئ اعصاب
ومكبلة همين مخطوبة لحبيبها ورنا
معدها هالسوالف هادئة تشبهلي
بملامح وجهي وتصرفاتي وطالبة
هسة احجيلكم ليش اخوي (محمد)
مرتة (حنين) وابنهم (جود)
اختي المزوجة حامل وعدي خوان ثنين
بالروظة امي ولدتهم وتوفت (يزن وازل)
عمرهم 3سنوات فراك امي اثر علينا
كلش امي من العمارة بابا وماما زوجو
عن حب ورا ولادة اخواني توفت امي
بالنفاس وجانوو محد يهتم بيهم بكدي
جان عمري 17 عفت المدرسة وكعدت
بالبيت وكتها درتت بالي على خواني
ضلت اختي تدرس لثالث متوسط
طلعت فنون بابا نتقلنا لمنطقة بيت
جدي جنة كاعدين بالتنومة حولنا
لمنطقة بيت جدي بابا بنا البيت وحولنا
وراها بسنتين حاولنا نطلع من الحزن
كبرت صار عمري 19 سنة طبعا تكولون
هسة شون اطب واطلع عمامي وبابا
ابد مامتشددين بشي منطينا حريتنا
كلها بس منخون الثقة مالتهم
والحمد الله بقينا على كد هالثقة
نروح لعائلة البطل
عائلة(احمد)
هلا انا احمد عمري 25سنة
شخص ملتزم شيخ ابا عن جد
ابوي شيخ عشيرة////
وانا من بعدة معروفين بالمنطقة
عدي اربعة خوان 3 بالنجف
تنقلو علمود شغلهم ثبت هناك
بيتنا بي امي ابوي واخوي الزغير
متزوج (نور)عدة ولد وبنية(مريم_يزن)
بالروضةة زغار يعني
انا الثاني بس مامتزوج
مستلم محلاتنا وعمارتين عدنا
محلاتنا البسة رجالية واحد اطفال
ومطعم وسنترين
وياي ولد اخوي الجبير
جايين يمي عايشين ثنينهم
(علي-حسن)
ولازمين الشغل احنة الاربعة وياي
اخوي(مهيمن) ويانا ولداخوي وانا
عدي خوات ثنين ومستورات
مزوجات(زينب-فاطمة)
انا ممزوج لن ماحب سالفة النسوان
جانت عدي علاقة ببنية من
جنت بالجامعة وتركتها لن تزوجت
وظليت متزوجت صار عمري 28
سنة امي ظلت تلح وياي وانا قافل
ماريد اتزوج .....
نهاية التعريف ❤️❤️❤️
نبدي وية مريم
مريم/ماعرف شلون حياتي
صارت ورا وفاة امي نهاريت كلش
وخواني الزغار اتئذو زين جنت اعرف
شوي لجهال ضليت شوي شوي اتعلم
ربيتهم وصار عمرهم 3سنين
يزن وازل كبرو صرتلهم ام واكثر
بابا حلف ميتزوج ورا امي طول
هالسنين فديوم بابا جمعنا كلنا
كال بابا اريد احاجيكم بموظوع
محمد.يابة بشنو تحاجينة
كلنا كاعدين
امين.انا بنيت بيت بنطقة اهلي
وكملتة وامس ستلمتة
مريم.صدك بابا منشوكت
امين.من تزوج حمودي وهسة
شرفنا جود وزدنا نفر
وانا بنيت بيت جبير النا
هناك اذا توافقون نتقل بي
احنة بهالمنطقة صارلنا سنين
بس مثل الغرب هناك كل ناسي
محمد.وياك يابة بهالحجي انا موافق
امين.بابا مريم.تقئ وانتم
مريم.بابا انا موافقة
تقئ.والمدرسة بابا
امين.قريبة علينا
محمد.الله كريم باجر نروح نشوف
البيت ونبدي ننقل
امين.باباتي مريومة تعالي شوي
تقئ لغرفتج حمودي ابقئ
تقئ.صار بابا
محمد.شنو يابة
امين.مريومة بابا رايدج وياية
تشتغلين مساعدة طالبين بالدوام
موظفة تحت التدريب وسجلتلج
قرص وافقو
محمد. بس يابة يزن وازل
امين.بابا اختك تركت دراستها علمودهم
الحضانة قريبة بالمنطقة حتئ ليتعبون
مرتك سجلتهم بيها وحنين هم دوام
وابنها محد راح يبقئ بالبيت
محمد.الله كريم يبا اذا تقبل خلداوم
احسن من كعدتها
مريم.صدمني بابا بهالقرار مجنت اعرف
بس بابا انا بدون شهادة مكملة بس ثالث
امين.باباتي راح تدخلين تدريب تقوية
انكليزي وحاسوب ورا متكملين تقوية
حينطوج شهادة يقبلونج بيها يمي
شتكولين
مريم.طيب بابا
امين.ادز السايق باجر بالعشرة
روحي كملي تسجيل خوانج وجيبيلهم
ملابس ورجعي لبيت حنين عمو لتطبخين
نجيب غدا من برا منريدج تتعبين بالزايد
حنين.صار عمو الي تريدة
امين.يلة تصبحون على خير
مريم ونتة بخير، حبيبي
صعدت لغرفتي غطيت يزن وازل
وظليت افكر بالشغلة كلت احسن
ذا يتعودون الله كريم كعدت الصبح
ب8كالعادة محد بالبيت بس انا والجهال
اتصل بابا كال السايق ينتضركم
كضو شغلكم ورجعو صعدت بدلتلهم
وكملت وبدلت انا لبست عباية بشت
مفتوحة نيلي بنطرون كابوي ثلجي
وحزام اسود بي كرستالة ابيض
وحذاء ابيض بي بيجي ونيلي 😁💘
كملت لفيت حجابي اخذت الظرف
البي الفلوس المبقي بابا وخذيت
كل مستمسكات خواني وطلعت
كال بابا انتضركم بالحضانة
(الحضانة اهلية)
صعدت خواني وصعدت همة
كلة يكلولي ماما تعودو
اخذنة السايق لحضانة
جانت مدرسة اهلية بيها
روضة نزلت شفت صديقتي زينب
زينب.يمة هاي منو العشق مريم
مريم. هلاوالله شخبارج شكو ماكو
زينب.ممم شسوين بمنطقتنة
مريم.ههه حنصير جيرانكم
زينب. عزا ولج كولي والله
مريم.هههه اي والله
زينب خوانج حلوين مثلج
بشري وين بالدراسة
مريم.همم يمعودة ورا متوفت امي
كعدت ودايرة بالي عليهم وعفت المدرسة
شتاقيتلكم واللة هواي
زينب.جاية تسجلين لو تسجليهم
مريم.انتضر بابا نسجلهم ههه هنا
لن حروح اقدم بالمعهد مال الانكليزي
بعد هههه
زينب.معهد .... مال الانكليزي والحاسوب
مريم.ولج انتي شنو كلشي تعرفين
زينب.ههههه غير ادرس بي انا
مريم.يلة لعد ترجع ايامنا
زينب.اي هههه
مريم.يلة حبيبتي انا اترخص اجة بابا
نبقئ على اتصال
زينب. نشاللة
مريم.اجة بابا كملنا كل اوراق خواني
تفقنا وية المديرة كالت احجي وياج
شوي كعدت وطلع بابا رجع لشغلة
المديرة.شنو اسمج بنتي
مريم.اسمي مريم
المديرة.اخونج الزغار مو
مريم.اي ست خواني
المدير.انا منويت اسجلهم اله بحضور
امهم بس عبالي انتي امهم بس فهمت
من كلتي بابا لبوج
مريم.دمعت عيني بوكتها نتبهت علئ نفسي
ونطتني كلينكس
المديرة. اعتذر اذا سببتلج شي
مريم.لاعادي ست امنا ولدت زن وازل
وتوف بالنفاس وانا مربيتهم
المديرة الله يرحمها
نبقئ على اتفاقنا انتي تجين
تاخذيهم يومية
مريم.داحجي وية المدير واجة يزن
يزن.ماما ززة دفعها وطلع احمر (دم عود)
مريم.شنوو سمعت هيج كبل كمت
شفتها الولد ظاربها واكعة بالكاع تبجي
واحد جبير يسكت بيها
شافتتني وكالت هاي ماما
اجتلي ودنكت عليها نصيت عليها
كعدت على ركبتي كتلها ماماتي اشوف
الجرح بلة
ازل.هوا ظربني بس كتلة مااكوم وظربتة
انا ورجعها وطلع دمم
مريم.ههه حبيبتي ميخالف يلة هاي
حطيتلها لزكة وبستها هسة تطيب
ازل.ههه ايي هسة تطيب مححح
احبج ماما
مريم باستني ازولة وشبكتني
وسمع صوت كال اعتذر جهال اخوي
دفعوها واذا سبب اذا اعتذر
رفعت راسي باوعتلةة
............
............
نروح لـ احمد هسة
جان يوم تعبان كلش
وتصلت بية نور
نور.حمودي وينك
احمد.توني طالع من الشغل
نور.انا ويزن ومريم بالمدرسة
تعال علينا اخوك ماكو
احمد.سجلتيهم بالروظة
نور.اي وبس اشوفلهم سايق بعد
احمد.مايحتاج انا اوصلهم
جايج مسافة الطريق
رحتت لروظة دخلت شفت جهال
اخوي يتعاركون وية بنيةة زغيرة
شعرها طويل يمكن تجي هيج بكدهم
وكعوها وظلت تبجي حجيت عليهم
ورحت اسكت بالبنية شفت ايدها
طالع منها دم كعدت اسكت بيها
متسكت كتلها وين ماما سكتت
ورا شوي كالت هايةة ماما
وراحتلها تركض ورا شوي سمعتها
سكتت نتبهت عالبنية
لابسة مناظر ومنصية منها
وكالتلها ماما وسكتت عدها
رحت اعتذر رفعت راسهاا
علية لو ادري مرايح عيونها خضر
يموتن كتلها اعتذر ووردت عليه
مريم.لاعادي جهال همة
احمد.رحت على مرت اخوي
وبالي يم عيونها كلت لنور
ابنج دمم بت الناس
نور.يااا شننوو
يزن.هاي جنطتها ماما
احمد.فوكها هاي
جاوين مريم
يزن.راحت يم البنية عمو
احمد.درت عليها شفتها كاعدة يم
البنية والبنية كاعده يمها المديرة
شوي وصحت مريم تعاي
مريم.دنسولف ويمي ازوله
ويزن وبنية زغيرة اسمها مريم
حبيتها حلوة ههه عفتها
وشوي وسمع صوت يصيح مريم
بس هاي البنية متكوم شوي
واجت امها
نور.هلو حبيبتي انا نور معلمة
الروظة
مريم.هلابيج عمري تشرفت
نور.عذريني ضربو بنتج
مريم.لاعادي همة جهال ماكو مشكلة
يلة ست احنة نترخص اتئخرنا نشاللة
على اتفاقنا
المديرة مع السلامة بنتي
مريم.يزن يلة تعال نروح
صحت على اخوي وشوف هذا باقي
يباوعلي شبي مخبل مو جهالة يمة
اخذتهم ودكيت على السايق شفتة طلع
قبلي اخذ الجهال وراح
نتضرت اني
احمد.جذبتني ماعرف شصارلي شبية
تخبلت نوب مزوجه وجهالها بالروظه
بس ممبين عليها مبينة زغيرة مرتبة
كلش الله يستر عليها
رحت لنور هاا يلو نطيني اياها اروح
نور.اي روحح بس شوي
المديرة.اي احنة لازم نهتم بالاطفال
ونعلمهم هية راح تعتمد علينا
نور. نشاللة ست يلة احنة نروح
احمد.شنو شكو.
نور بالسيارة احجيلك
احمد.يلة
نور.احمد هاي البنية الجانت
واكفة يمناا جاية تسجل الاطفال يمنا
احمد.شكو بيها تسجل ابنها وبتها
نور.اوهه يلة امشي
احمد.وصلتهم ورحت لمحل
اخوي خابر بمحل الملابس
كال جاية بظاعة
رحت وديتهم ورجعت
دخلت لمحل باوعت بي نسوان
وبي نفسعا البنية هاي شسوي هنا
دخلت كعدت ارتب حسابات
وهية تشوف بالملابس مال الاطفال
شوية واجت كالت اريد هذن شكد سعرهم
احمد. كلهم يصيرن 55
مريم.طيب تريدون شي بعد
يزن.مماما اريد قميص اسود
مريم.ههه اوك هسة نشوف
عدكم قمصان سود لعمره
احمد. اي عدنة علاوي نزلها
قميص عمر 3سنين
علاوي.صار عمي بناتي لو ولادي
مريم.ولادي بلازحمة احسبلياهم
احمد.57 الف كلهم
مريم.طيب تفضل
همين كملتلهم ملابس
وطلعت وصلت لباب المحل ودكت
مرت اخوي هاحنين
حنين.جيبيلي سيت اطفال حديث
الولادة وانا انطيج فلوس
مريم.ممم غير تدللين انتي وحبيبي
جودي هسة مدام مطالعة
رجعت شفتهم كلهم السيتات
مرحت لولد الي شفتة بالروظة
لن بس يباوعلي رحت لثاني
العفو اريد سيت ملابس طفل
حديث الولادة
علي.اي تدللين ولد لو بنية
مريم.لا ولد ويفضل سمائي لونة
علي.اي سعرة 15
مريم.طيب تفضل شكرا
اخذتة وطلعت رجعت البيت
ثاني يوم رحت وديت خواني
لروظة وطلعت لمعهد شفت صديقتي
هناك سلمت عليها وظلينا نسولف
رجعنا ايام اوديهم وجيبهم
وشوفة يومية يم باب الروظة
اخذت فترة ماروح اخوي يوصلهم
اخذت اجازه من المعهد
علمكملنا نقل بيتنا نقلنا
كلشي اخذت فترةة تعبت كلش
جانت دنية شتا انا ومرت اخوي وبنات
خالتي اجن وياي وبت عمي ومرت اخوي
كملنا كل غراضنا واجو الولد
اخذو كلشي ولبيت الجديد هم نقلنا
كلشي بي استقرينا عديتت سبوعين
وراها رجعت صارت فترة هم
ارجع لخواني ولمعهد
فديوم اجو ناس يخطبون اختي تقئ
عرفتة طلع حبيبها جانت تحجيلي عنة
بس بابا عارض لن كال ميصير تزوج
الزغيرة قبل الجبيرة وانا اجولي ناس
ورفضت ازوج كتلهم ماريد اختي
صديقةة الي كلش يوم عن يوم
ظلت متحاجيني هية ولاتسولفليي
كله بصياح واجو مرتين الناس
ورفضهن بابا بدتت صحت اختي تتعب
وعصبية ومتحاجيني ظلت تظرب مرات
خواني الزغار لن تحبةة
كلت لازم ادخل
رحت لبابا دكيت الباب
بابا اريد احجي وياك
امين تفضلي دخلي باباتي
......
انتهئ البارت الاول
❤️❤️❤️❤️❤️
