رسالة من مجهول 📝💖

الحلقة ٢٤

الحلقة ٢٤
#رسالة_من_مجهول
#بوسى_مصطفى
_______________

في شقة راوية
أميرة داخله الشقة تلاقي مامتها نايمه على الكنبه في الصاله
تقرب منها وتحاول تصحيها تنام في اوضتها او تطمن عليها انها كويسه
أميرة : ماما.. ماما.. مامااااا
بتحاول أميرة تفوق مامتها لكن كان مغمي عليها
جريت ع جوه وخرجت ومعاها ازازة برفين
أميرة واخدت شويه على ايدها وبدأت تفوق مامتها
راوية فتحت عينها :  أميرة !
أميرة بتبكي
راوية قامت بفزع : ايه ياحبيبتي مالك
في ايه يااميرة قوليلي.. طمنيني عليكي يابنتي
أميرة بصوت مخنوق من البكاء : ماما انتي كويسه
راوية : انا كويسه يابنتي مفيش اي حاجه
ايه مالك اتخضيتي عليه اكمني كنت نايمه يعني
هههههههههههههههههه
أميرة : ايوه خوفت عليكي
كنت عماله انادي واقول ماما ماما وانتي مردتيش عليه
راوية : الظاهر نومي بقى تقيل اليومين دول
ادخلي غيري هدومك لما اجيب الاكل
أميرة : اقعدي استريحي انا مش عايزة اكل
راوية : ليه بقى
أميرة : كده بقى
راوية : هههههه قومي وبطلي شغل العيال ده
انتي كبرتي على الحاجات دي
اميره وهي بتحضن مامتها :
اوعديني إنك متعمليش الحركة دي معايا تاني
راوية : اوعدك ب ايه
هو انا كنت داريه بنفسي
أميرة : ماما لازم حضرتك تاخدي بالك من نفسك ومن صحتك اكتر من كده
راوية : اكتر من كده!
ليه يابنتي وهو شغاله في الفاعل
دا انا بقوم اكل وانام تاني
أميرة : والروايح اللي خارجه من المطبخ دي
مين اللي عاملها
راوية : هههههه بصراحه انا
أميرة : اممم دا محشي صح
راوية : محشي وكفته وفراخ مشوية عارفه انك بتحبيها
أميرة : اكلت ساندوتش وانا جايه ويارتني م اكلته
راوية : ساندوتش ايه يابنتي
هو دا يشبعك
قومي يلا غيري هدومك عقبال م اجيب الاكل
أميرة وهي قايمه : حاضر
وعند باب الغرفه
راوية : على فكره يااميرة فادي اخوكي جه
أميرة : جه هنا؟!
راوية : يعني انتي عارفه إنه جه
أميرة : لأ معرفش غير إنه في مصر
راوية : وانا بقى اخر من يعلم
أميرة : نبيل ابن خالي اللي قالي
وانا بصراحه مكونتش عايزة اقول لحضرتك
بس لاقيتك عارفه
راوية : اه البيه جاي من بالليل ولسه فاكر يكلمني
أميرة مرضيتش تقول لمامتها إنه جاي من امبارح الفجر علشان متزعلهاش
أميرة : معلش ياماما تلاقي الست حنين نسيته ههههههههههه
راوية : براحته يابنتي
اما ادخل اجيبلك الاكل
أميرة : وانا هاكل لوحدي ولا ايه
راوية : لا ياقلب ماما هاكل معاكي طبعاً
أميرة : طيب بس متكتريش في الطبق بتاعي علشان شبعانه
راوية : ع طول شبعانه يااميرة ؟!
انتي بتوفري يابنتي؟!
أميرة : هههههههههههه

__________

في شقة شكري
نعمه : مبروك ياروفه.. ياااه أخيراً يابنتي
رفيف : هههههههه ايه ياماما أخيرا دي
محسساني اني بقالي كتير متجوزه
نعمه : ست شهور ياحبيبتي مش شويه
رفيف : هههههههه بجد كتير
نعمه : هههههههه تلاقيهم من حلاوتهم بس محستيش بيهم
رفيف بخجل : يووووه بقى ياماما متكسفنيش
نعمه : الحق يتقال يعني جوزك دا طلع ابن حلال
رفيف : ايوه ياماما وحنين اوي وبيحبني اوي اوي
نعمه : ياعيني ياعيني دا احنا واقعين ل شوشتنا بقى
رفيف بتغير الموضوع :"هي أميرة بنت عمتي فوق ياماما
نعمه : مش عارفه بس هي مفروض تكون جات يعني من ساعة كده
رفيف : طب هطلع اسلم على عمتي واقعد مع أميرة شويه
نعمه : ماشي اكون انا خلصت الغدا عقبال م باباكي يجي
رفيف : إلا صحيح بابا فين
نعمه : هههههههه انتي لسه فاكره
الظاهر الفرحه نسيتك
رفيف : هههههههه ولسه بقى اما عمار يرجع من الشغل هعملهاله مفاجأة
نعمه : طب اطلعي بس على مهلك
رفيف ببتسامة : حاضر
___________