العميلة 306 (باللهجة جزائرية )

الحلقة 9 بارت 2

.ك ..
جابر؛ الزين هذا الكل اول مرة يطلع فوجهي .. شكون ان
منار؛ ريان
قص عليه من التالي .  تلفت ليه جابر ..
جابر؛ ااا من معارفك .. حركلوا حاجبوا متاع هيه ..و قدم ليا حط يدو على ظهري من التالي .. و جبدني سلم عليا .. عينيا تحلوا  من الجاست .. طبس لوذني يحكي
منار؛ مكش مقصرة لالا ريان .. سوتيان و طرف قماش ملتحت .. نتفاهموا عليها . ..
جبد روحو .. باقية نغزرلوا بدهشة .. يخي وش يحسب في روحو هدا .. بالاك عقدت و انا معلاباليش ..
جابر؛ على كل حال متشرفين ريان أنا جابر ... صاحب منار من الصغر و شريكو اليوم .. كيما راكي تشوفي المناسبة ..
منار؛ مدلها السيڤي (cv) خير
رمزي؛ هههه منار و طبيعتوا المرحة ههه
باقي يتبسم تبسيمة غبية بش يلطف الجو .. جاني الضحك منو ها الرمزي .. تلفت عند جابر
ريان؛ متشرفين مسيو جابر
جابر؛ بلا مسيو .. مبيناتناش رسميات
منار؛ لالا كاين رسميات و حدود تاني
خزر فيه رمزي تاع وشبيك .. مام انا تلفتلوا .. لازم نلطف الجو
ريان؛ هه يقصد اللي انا نحب يكون علاقاتي تحت تسميات محددة .. 
رشف كاس و هو يشوف مع منار .. تلفت ليا ..
جابر؛ مليح النظام ايه ..
رمزي؛ هيا نمشيوا لنص لاصال .  دوك شوي يديرو تقديم لمناسبة الحفلة ..
مشا رمزي و جابر .. جيت نمشي .. حكمني من مرفقي و كبس عليا ..
تلفت ليه .. يخزر للناس يتبسم و يهدر معايا تحت الطرف
منار؛ غير فوتك من جابر و غيرو .. و ماتهلبنيش .. نصيحة مني متجربينيش
ريان؛ كيفاااش
تلفت رايحة نعرش .. زاد كبس عليا
منار؛ النااس .. امشي خير .. غزرت للناس خذيت نفس .. عدل يدو بش نكروشيه .. طفيتوا .. تلفت عندي .. تبسملي تبسيمة تاع نفذي خير لك .. حكمتوا و مشيت نسب فيه ملداخل .. اللي فيه بقة ما يتنقى (هذا مثل نقولوه حنا فقسنطينة بزاف 😂) وقفنا باقيين يقدموا .. باقية نتبع فالأجواء .. او خلي نقول الوجوه .. اللي هنا وحايد عرفتهم .. وحايد ديجا سمعت عالخمج اللي مدايرينو ..  وحايد جدد بالنسبة ليا .. كمل التقديم ناضوا يصفقوا ..هزيت يديا صفقت .. تلفت عندي جابر هذاك .. رشف من الكاس و خزرلي ..
جابر؛ ممم ريان شرايك فالمشروع
ريان؛ نظن الميزانية تعبر على النتيجة .. منظنش مبلغ كبير تاع استثمار هكا.. ديروه ريسك .. أكيد متأكدين من المكاسب ..
تبسم
جابر؛ ههه ذكية .. باينة قديمة فدومان البيزنس
ريان؛ الحقيقة .. منفهمش فيه برشا .. خاطر اختصاصي جيهة خلاف
جابر؛ آآ صار وش تخدمي ؟ ..
خبط منار الكاس عالتابل تلفتنالوا كامل .. تبسم بتسوميم
منار؛ شبيكم زلق
ريان؛ عندي صال دو سپور تقدر تقول مدربة فيتنس 
جابر؛ آ فهمت ..
ناضت الفرقة تعزف .. وقف مدلي يدو ..
جابر؛ مدموزال ريان تشرفيني بهاد الشطحة
تلفت عند منار .. غزرلي متاع لالا .. تلفت لجابر تبسمت .. و نضت ..
مشينا لنص لاصال ..
حكم يدي .. حطيت يدي على كتفوا .. حط يدو على وسطي .. و بدينا نتمايلوا مع الموسيقى ..
رشف الكاس بكلوا
رمزي؛ منااار نقص يا **** حا تسكر فحفلة كيما هكا العينين كامل عليك ..
منار؛ اخطي ****** مش ناقصك .. ليوم ******* ال***** هذا ..
جا يمشي حكموا ...
رمزي؛ مش وقققت تهووور منااار .. شبيييك !!! .. السيد يحكي مع الطفلة و شطحة برك مش راح *****
منار؛ رمزي ني حاكم روحي شعرة
رمزي؛ نتا وكتاه تعرفها ؟؟ تحبها ؟؟
للحظة فقت لي جلست تاعي .. عندو حق !!.. علاش راني نتصرف هكا .. تقول نعشق فيها .. هاذ الفكرة بالذات منقبلهاش فحياتي .. باقي نتبع فيهم بعينيا .. غزرتلوا كي لفها .. و مبعد نزلها على ركبتوا .. هنا صاااي جنيت .. طلعها و هو لاصق فيها .. فكيت يد رمزي و نطرت .. ليهم .. مع وصلت
ريان؛ منار ؟؟
جبدني منو .. حكم يدي و باقي يمشي فيا .. يدي دقدقها و هو كابس عليها ..
قدم رمزي يرطب فالوضع .. جماعة سامحونا طرأ شي مستعجل لمسيو منار و الدوموزال .. تنجموا تكملوا الحفلة ..رجعوا نورمال ..
جابر؛ يحبها ؟؟
رمزي؛ هههه كيفاش؟؟ نو حنا بالذات نعرفوا اللي منار ميعشقش ..
جابر؛ كون مجيتش نعرفوا نشك من هاد لي جاست .. علاه خطفها هكاك و راح ؟
رمزي؛ قتلك خدمة .. ماك تعرف شغالات منار ميخلصوش
رشف من كاس .. يحاول يخبي .. غشو من الجاست اللي عملوا منار. . و يطلع فحساباتو فراسو ..
.........
جاب العساس الطاكسي .. خطف المفاتح من عند الشوفور تاعو و حاوزوا .. حل باب تاعو حا يركب ..
منار؛ اركبي
ريان؛ منيش راكبة.. فهمني وش قاعد دير منار
منار؛ رياااااااااااان
على عيطتوا الحراس و الناس اللي واقفين على برا كامل خزرولنا ..
باقية نفرك فيدي للي عصرها
ريان؛ منيش طالعة رايحة لداري
منار؛ متخلينيش نجي
عملتلوا بيدي باي باي .. عينيه حمارو... خبط الباب تاعو قريب نصلوا .. و جاعندي  عينيه تطاير شر .. جبدني من يدي .. يكركر فيا و انا نعافر فيه .. حل الباب و دزني بكل قوتوا .. خبط الباب .. و تلفت ليهم
منار؛ سينما تاع ******** هنا ؟
تلفتوا كامل ركب و خدم الطاكسي .. يسوق فيتاس مش نورمال .. حاسة الطاكسي مهيش تقيس فلرض .. حاكمة الكرسي بيديا الزوج .. مزية درت السبتة .. حالتوا خوفتني .. اول مرة نراه هكا ..صح كانت عاجبتني كي استفزيتوا .. مي محبيتش نوصل هكا.. جيت نقولوا نقص .. خفت لايكرز و يزيد وليت سكت ..   شوي و حبس .. راسي خبط فالپارپريز .. حطيت يدي على راسي متوجعة من الخبطة .. نزل .. حا من جيهتي .. حل الباب .. و جبدني من ذراعي ..
ريان؛ سيييبني .. مناااار
خزرت لدار فنص فيرما ... حل الدار .. و دزني لداخل .. خبط الباب تقفل .. جبدني رماني عالفوتاي مقابل .. هزيت راسي .. شعري داخل بعضوا .. مرمدني .. عدا يدو على وجهوا بغل .. و خزر فيا ..جبد الفرد ركحوا .. عينيا تحلوا .. حك بيه حاجبوا.. جا قعد على حرف التابل مقابلني .. باقية نتبع فيه ساكتة ..
منار؛ علاه
قالها بصوت هادي عاللخر .. عكس وجهوا اللي مقلوب ..سكتت باقية نغزرلوا كهو ..
منار؛  علااااااااااه
تنطرت على عيطتوا هكاك .. زعما واش نتصرف دوكا .. كون ناقشوا دوك .. نردخوا بطريحة .. نوريه مع شكون راه... كون نلعبها ضعيفة .. دوك نعرف وين