العميلة 306 (باللهجة جزائرية )

الحلقة 15

الحلقة15:
عنوان الحلقة :#من_دونك_أنت
كبست عالجرح .. لين ظلمت و هنا قنعت بلي صاي معادش كاينة حياة ..
خرج باباه يضحك بانتصار
البوس؛ مزية لقيتها .. للحظة فكرتك نتا اللي مهربها .. كي قتلي مكانها تأكدت بلي راك ديما تحت كلمة باباك. . هههه هيا نروحو
دخل فارس ..من الباب الخلفي .. شاف الجرح . 
فارس؛ دوكا نورمال إياد هاذي خطة منك ..راح تضمن بلي تعيش الطفلة .. زرب هزها و طار بيها للكلينيك ...
~~~~~~~~~~~~~~~~~
تعدات سمانة .. دخل عندو للبيروا .. كان قاعد ورا البيرو و عاطي بالظهر
-مسيوا منار
منار؛ لقيتوها ؟
-الحقيقة لا
منار؛ روح متزيدش تجي حتى تلقاااااااااها ..
خرج ..  عدا يديه على وجهوا .. سمانة مقدرش يلقاها .. تقول فص ملح وذاب .. مفهمش أصلا علاه راحت ... من جيهة باباخ مزال مفاقش .. من جيهة تحتمت عليه يحكم الخدمة .. خاطرإياد حاكم الفروع ..من جيهة تروح هي .. شعل ڨارو و نفخ فالهوا .. تفكر أول مرة شافها فالنادي تبسم .. و ناض خرج
منار؛ مش راح نفرط ريان .. روحي لآخر الدنيا نجبدك ..
طربق الباب وخرج...
........................................
ريان تحكي :
سمانة تعدات .. مقدرت ندير والو .. قاعدة نحاول نبني روحي من جديد .. المواجهة اصعب من اللي توقعت .. زعما نوافق على خطة الجنرال ؟
******فلاش بااك**********
الجنرال؛ لازم تدخلي لحياتهم من الباب اللي تعرفي فيه خمجهم كامل
ريان؛ يعني ؟
الجنرال؛ تشاركيهم
ريان؛ واش !!! .. حضرات صافا!!! انتا تعرف واش صرالي كيفاه نكون شريكتهم !!!
الجنرال؛ شريكتهم فالخدمة الباينة مش لوسخ .. و اوتوماتيكيا ..وقت تكون عندهم ثقة فيك يدخلوك للشي المش ظاهر و هكا نطيحوهم و كلش يخلص
ريان؛ و كيفاه نشاركهم
الجنرال؛ نظن حان الوقت بش تستفادي من هوية العميلة تاع الصح .. و تكوني ريان بن جاب الله ..الوريثة الشرعية لعايلة بن جاب الله
ريان؛ مي هذا  وهم منار خبرتوا بلي والديا توفاو في حادث !!!
الجنرال؛ و شكون قال غير هكا
ريان؛ مفهمتش !!
الجنرال؛ ثروة عايلة جاب الله تجمدت بسبب أنو مكانش وريث شرعي بوفاتهم .. تو نتي كي تظهري على أساس الابنة اللي كانت مختفية و رجعت .. لورق نريقلهم انا و المباحث الفيديرالية .. هكا تكون مهمتك باينة
ريان؛ زعما نقدر نكون ريان بن جاب الله !!