فراشاتي والزمن (مكتمله)

البارت 35

مساء الخير احبتي
أتمنى لكم قراءة ممتعه ❤

بقلم: زهراء البياتي
شكرا لكل تعليقاتكم احبكم كللش بحيث وصلتو التعليقات هواي ههه لتضغطون عل نفسكم بنات المهم شوي تتفاعلون ويا القصه
التنزيل كل يوم بال 11 ويمكن اتأخر دقايق

حوراء..اليوم حيجون اخوان عمر للبيت وكوولش خايفه شراح يسووون
نهى..يمه اكعدي لتفكرين هواي مو زين عليج
..مراح يقبلون خااف اني متأكده مراح يقبلون
دافكر ومتوتره وماسمع غير صياح زلم وجان صوت عمو حسن وجدو واخو عمر الجبير

الصوت جان مواضع بس صوت جدو جان واضح من يكلهم اراويكم نجوم الليل بهاي الضهريه
لزمت كلبي وهو يدك بسرعه احس حموت من الخوف
بس ابد مسمعت صوت عمر شوي والصوت هدأ
التفت على ماما وحجيت بتوسل
..ماما شديصير ليس سكتو
نهى..يمه ماكو شي بس دبتفاهمون هسه انتي لتفكرين عماكج وجدج هسه يحلوها معليج روحي يمه لغرفتي يم ابوج وخل اسوي الاكل اني و الجاي وحطي ساره يمي لتخافين عليها

هزيت راسي ولبست عبايتي وطلعت من المطبخ وشفت كومه احذيه بالباب وصوت رياجيل من الصاله بس مسدود الباب محد يشوفني
دخلت لغرفه ماما وشفت بابا على الكرسي المتحرك ويباوع على الشباك
رحت يمه كعدت جانت بعيونه مجتمعه الدموع بس كعدت نزلن
عضيت شفتي وغمضت عيني ولزمت ايده
..ااااااخ بابا لو انته بحيلك جان هسه واكف نفس الاسد بكل شموخ وتحميني
حطيت راسي بحضنه وغمضت عيني وكمت ابجي واشهك وهو هم دموعه وكعت على خدي

نور..جنت هستوني راجعه من الدوام ومن نزلت من الخط شفت كومه سيارات عرفت اهل عمر اليوم جاين
لان سياره عمر البيضه واكفه كدام الباب
مشيت واريد ادخل بس ابتسمت ودرت وجهي واني اضحك
..اني اعلمك استاذ عمر عبالك خواتها راح يسكتن على السويته
كمت ادور على شي بالحديقه شفت بالاخير حصو وحجار لميته كله بأيدي
ورحت وكفت يم سياره عمر واباوع يمنا ويسرى خاف اكو احد بس جان الشارع هدوء وكومه سيارات بالشارع يعني ميشوفوني

لزمت الحجار وكمت اشخط السياره من الطول لطول
امشي واشخط واغني
..يم دارنا برم برم صدفه واخذني الدرب يم سيارتكم برم برم والتمت بروحي الشماته من شخطت سيارتكم وهلا وهلا وشكد فرحت من شفتها مشخوطه والله لعلمك يا عموري وهلا وهلا
اغني و اشخط بالسياره صارت من الطول لطول مشخوطه رحت هم على البنيد وكمت اشخط بالاخير لزمت حجاره جبيره اتأكدت ماكو احد وبسرعه ضربتها على الجامه واخذت جنطتي وركض للبيت دخلت نفس الطياره

دخلت للبيت بكل ثقه سمعت صوت حجي من الصاله ورياجيل واصواتهم عاليه
وجانت ارجوان حاطه اذنها على الباب وتسنط وراها بيبي متنحه و هم كاعده تسنط
رحت على كيف وحطيت اذني اني هم وكمت اسمع حجيهم بوضوح
علي..اخذت موعد بالمحكمه وتطلكون وتخلص القصه وهاهيه
عمر عاط بنتر
..هو بكيفكم مرتي ما اطلكها هاي انتو دتقررون بدالها اني اريد احجي وياها
جدو جاوبه
..احترم احسلك لا ادوسك بنعالي الابسه هذا
من اكو ناس اكبر منك تنجب وتسكت
اول شي ماحطيت النا احترام وخدعت حفيدتي وازوجت عليها وهيه ما تدري واحنه مو عايشين بالبدو حته علمود ولد تتزوجها متكول هل دروب مو علينا
ثاني شي حجينا وياها وهيه تريد تطلك منك يعني بعد ماعندك مره يمنا