لا استطيع فهمك

الحلقة 1

 عائشة طفلة في عمرها 13 سنة من عائلة محافظة وخاصة يماها قرات شريعة .الوغ عائشة طفلة من الجوغ تاع ماداصرش بزاف الولاد لاتية بقرايتها والمجتمع تاعها خلقلها حيز تاع قراية برك وفرضوه عليها . سما ما كانت لاتية لا بلبسة لا بانتغنت لا خرجات باغ كونتغ كامل البنات لي معاها وكانوا كامل يضحكوا عليها و يحسبوها جايحة وماشي دايرينلها حتى حساب . مي هي ضاربة النح ماشي قاع سامعا بيهم . ما ياثروش قاع فيها وما يهزوا شعرة من ثقتها في نفسها . كانت تقدس الصداقة باعتبارها اقوى علاقة ولا كي ماكنتش مجربة علاقات وحدوخرين مع الناس  و عندها حدود مع كل شخص ومبادئها التي تمشي عليهم بالرغم من المشاكل العائلية لي كانت عايشتهم من طفولتها لحد الان .....

كانوا كامل يحسدوها على التماسك والصمود والقوة تاعها مي هي في الحقيقة طفلة عاطفية قرااف و تهدر معاها كلمة كابابل تطرطق في وجهك بالبكا . مالقري كامل هذا كانت على ابواب المراهقة 

كيما تعرفوا بدات تهتم بشكلها بدات تفيق تسمع من و من لبنات شوية بصح كيف كيف مازالها متمسكة بنفسها . جازو يامات جاتهم حفلة في المسيد باش يوجدولها بيان سيوغ كي هي قارية عيطولها هي اللولة عطاولها مسرحية على فلسطين ولازملها تخير لي يشاركوا معاها . سو خيرت 5 بنات و 5 ولاد اوبليجي يسحقوا الجنود . ونوغمال دخلت لي كانوا حابين يديروا 

بداو يديرو لي غيبيتيسيو دات هي دور البطولة وتقاسمو لوخرين وبداو يسية الولاد بالواحد حتى خيروا واحد اسمو عمر هو لي يدير 

باش نقوللكم عمر هذا ولد رقيق كبير عليها بعام عينيه خضورا رقيق مطرق ماشي طويل طوييل  طويل فتية وسمر وشعرو مارون اما عائشة حيجابية بينازة وجايبة روحها شوية عندها لاطاي الله الله عينيها كبار عسليين وخمرية وجاية كيووووووووتة 

المهم عمر ماكانش دايها بالسيريو وعائشة تحب تدير خدمتها مليح مليح وماتضيعش الوقت  و هو جايبها غير تمسخيير وتبهلييل  

نلقاااا تافاااااااعل نكمللكم حبوباااتي RF ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,