جابت مي وتغسل وجهي واصيح البنية راحت على كيفج عمة الله ستر اني يمج جان احتركتي
خابرتني امي تكول بت عمك حارث احتركت
اني صاحبي كلش صلاح
سقت سيارتي ورحت لبيت عمي وخابرت صلاح
الو .....صلاح شونك وين انته
الوو ....ها ابو عمار انته شونك اني بالمحل بعدني ما حليت
ولك صلاح اني رايح لبيتكم هاي امي خابرتني هسه رايحتلكم وتكول اختك احتركت
منيه احتركت لا بربك
شمدريني اني هسه رايح للبيت
يابة خابرني هسه ياسر ابن عمي
امه بيتنا ويكول خابرتني اختي محتركة منية منهن ما اعرف
تحجي صدك يا ستار استر علينه شصاير انته ابقى بالمحل واني رايح
......وصلت لبيت عمي دخلت بسرعة بدون دكة باب يمه يمه وينج تعال ياسر طبت شفتها
هاي بت عمي من غير ام......ايدها اليسرى محتركة صايرة سودة ومفرفحة بجي وتضرب برجليها
اتلبكت ملابسة حجاب ها اخيتي هيه اخج للمستشفى وخابرت اخوج هسة يجي يلم يمه عباتها
امي جابت العباة وخلتها على راسها بدون حجاب ولازمتها الها
امي كوة لازمتها استغفر الله فركت وجهي
ادري منعول الجبهة غير خابرتك تجي امري لله لزمت اجتافها وطلعناها صعدت السيارة وكامت اصيح يمه
يمه ليش عفتيني اريد امي عمه دخيلج اريد امي .
اخخ اخ يمه ايدي احسها طارت جسمي ولج يمه حالي
ليش يمه اتبهذلت محد الية
عمه استهدى بالرحمان هسة نوصل حبيبة
......مو احتركت وكمت اصيح عالك واحد اطاني باص حتى افرغ الي بداخلي
يمه مالي احد لا اخ وابو حتى ابوي ميريدني من وراج ليش خلفتيني بهلدنيا ليش بهذلتيني
اباوعلها من المراية مال السيارة عين الطريق وعين عليها تبجي بحركة كلب .....على امها عبالك نست حركها هيه حليوة .....خشمها صار احمر
وكعت العباية على اجتافها وطلع شعرها اسود عكس على بشرتها الحنطية
يمة لبسيها العباة
وصلنه للمستشفى كبل للحروق دخلت خابرني ابوها اني طلعت بالممر كلي وين انتوو اشو ماكو بالبيت كتله تعال عمي احنه بالمستشفى
كلي رؤى مو كتلي اي عمي طببنه رؤى للطبيب
اجه عمي ها عمي بشر وينها رؤى
لا تخاف طببناها بس ايدها احتركت الله ستر عمي وامي جانت يمها
الله سترنه جان راحت بتي بيها
اي والله عمي شني هلجاهلة مخليها تخبز عمي والله لو ما الله لطف وامي يمها تتوقع شصار عمي ابوية كعد على الكراسي وفتح دكم دشداشتة
اي والله عمي الله يعلم جان شصار
اجو علاء وصلاح للمستشفى بقيت يومين شفت نجوم الضهر ابويا وياي
يكلي حرام اذا اخليج تلمسين الخبز صدك بويه اخ بوية اخ .......جنت اعيط واصيح باسم امي ...
يمه لحكيني ....يمممممه وينج ....وج يوووم ليش عفتيني ........اخر شي انطوني مهدئ ونمت بسابع نومة
بعد منهد حيلي من الالم بقيت اربع ايام بالمستشفى وطلعت جانت نرجس بالبيت فرشولي فراش سلمت علية نرجس
سحر ما اجتي وسلمت علية ومها ودنيا عدهن عادي اصلا من طلعو ابوي واخوتي
استلموني ثولة وغبرة وتستاهلين وغير الكلام الطايح حضه
ابوي......سحر .....سحر تعاي هنا
هااا ......ابو منذر كول أمرني
من يوم ورايح وحتى من تطيب رؤى ممنوع توكف على التنور .....
عوجت حلكها سحر اي عيني ليش لا
راحت سحر وطبت لغرفة
....لا عبالج اخليج تتهنين اظلين كاعدة والله لا اشلع
الاربع ايام الكضيتها نايمة من عيونج
كوة لزمت روحي لا ابجي بس غلبتني دمعتي وبجيت واني اسمعها تهددني
اي خوش فرصة لكيتيها حتى نخدمج يا عوبة اراويج بت نهاد وراج والزمن طويل
.... درت وجهي وما اريد اسمع ابد
هذا قدري وهذا نصيبي من الحياة دمعتي جانت حارة وجوت وجنتي
ثاني يوم اجو بيت عمي سالم النه وعمتي نجية جابت عصاير انواع هيه وبناتها وتحمدولي بسلامة
طبعا كامو يسولفون علية اشون احتركت وراها راحوو .....
نرجس اجتنه واخذت امها للعيادة تريد تحفص نفسها وسبحان الله طلعت حامل 4 اشهر ومتدري ورة سنتين ماكو اطفال
الله رزقها جانت طايرة من الفرح وتصيح اله اسكت حلوكهم هسه يجي ابني يلصم حلك خالتي وتكف عني اووف شوكت
وامها فرحانات وخواتها هم فرحانات وياها بداخلي فرحتلها ياما اجتنه تبجي ومحروك كلبها زوجها يريد طفل منها ......الي عرفنا احنه اخوتها واني ورة العرس انو اثير اخذها عن حب جان يحب نرجس
تلونت الفصول على وجهي وطبعت بصمتها........ الشتاء قارص جمد الامان والطمأنينة بداخلي والخريف اسقط اخر امل لي بحياة فيها امي وابي
والصيف طويل جدا كطول ايامي حرارة الصيف تلفح روحي وتغليها بنار غيرة امرأة تزوج زوجها عليها ......اما الربيع حكاية احكيها لاحلامي عند النوم فحرارة الصيف ونارها التهمت الربيع بأزهاره
......شكد كثر من جياته ياسر واني اشوف اختي الملهوفة علية تنام وهيه تفكر بي من يجي على صلاح تلبس احلى ثوب عدها اتجيب فازلين وتخلطة بحمرة السحرية وتخلي على شفتها قليل
جنت اشوفها اكول هاي شبيها مو عيب هسه اذا شافها علاء شيكول
كتلها مها بلا شافج علاء شيسويلج
اندارتلي.......
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
