البارت 33
#المشكله_والعنيد
منه محمد
بالمدرسه..
قاعده جنبها وابتسامتها ماليه وشها تتأمل تفاصيل ملامحها وكأنها اول مره تشوفها..
لفت عليها شوق: مالك كدا عمله تبحلقيلي!!
نسمه بتفكير : امممم حاسه ان فيكي حاجه متغيره..
شوق مستغربه :متغيره!! ايه اللي متغير ؟؟
نسمه: ما ده اللي بحاول اكتشفه..
شوق: ههههه بلاش هبل وأعقلي ومتبصليش كدا..بتوتر..
نسمه: ههههه طيب اوعدك أعقل ...ميرو..امتى هتيجي عندي..؟
شوق حست ان ده الوقت المناسب اللي ممكن تفتح فيه الموضوع مع نسمه
شوق: نسومه..عاوزه اقولك حاجه..
نسمه سكتت شوي وبعدها ردت بترقب : قول !
شوق:ياريت ماتقوليليش امير تاني
نسمه انصدمت وارتبكت: ا..ليه!! يعني مش حابب اندهلك امير ؟؟
شوق : اتمنى كدا ..انا حاليا في مرحلة تغير ..اه صعب علي اني اتغير بسرعه ..بس على الاقل ابدء من اللي حواليا ...عاوزهم ينسو اني كنت امير وينادوني شوق ويعاملوني على اني بنت ..
نسمه صح سَعت انها تتغير بس هي حبت امير وشخصيته..ومش مستوعبه طلب شوق..
شوق حست ان نسمه ما استوعبتش الموضوع..
شوق:نسوم ..مع الايام تتعودي..لاني انا ان كنت امير اوشوق هفضل انا.. متخافيش مش هتغير!
نسمه سكتت واخدت نفس وبصت ع البنات..مش عارفه ترد ع كلام شوق..المفروض انها تأيدها وتشجعها ..بس ما قدرتش ..واخدت الصمت حل ليها..
شوق وقفت ومدت ايدها: قومي نتمشى مع بعض..
نسمه مسكت ايدها..بس بالها مش معاها ..بالها مع التغير الجديد اللي هي كمان المفروض تتأقلم عليه وتتكيف معاه وتعيشه..
>>>>>>>>.........>>>>>>>>>>>>>
ابتهال قاعده مع هبه وساكته..وهي مستغربه جدا قاعده هبه من غير نسمه
هبه: بقولك بتوله..
ابتهال: نعم..
هبه: كنت هسألك عن شهد..
ابتهال استغربت: شهد صاحبتي ! مالها ؟؟
هبه: مالهاش ...بس عاوزه اعرف معلومات عنها ..لاني كام مره التقيت بيها ..وحسيت انها عسوله..
ابتهال فاهمت قصدها..وعارفه لايه حابه توصل :
: والله شهد مافيش منها هي قلبي ..حبوبه وعسوله وقلبها ابيض..صح دبش ولا تعرف للرومنسيه طريق..بس تجبر الكل يحبها ..عفويه واللي على قلبها على لسانها زي كدا.
هبه حست بالغيره شوي : اها..شكلها بنت حبوبه.
ابتهال: ايوه وياه من طيبه قلبها..
هبه: وعلاقتها بأهلك...ازاي يعني ؟؟
ابتهال: امي الله يغفر لها ويرحمها..كانت دايما تقول عنها بنتي ..يعني واحده منا وفينا
هبه: وسامح..اقصد علاقتها بسامح..بصراحه بحسهم قريبين جدا.
ابتهال فيها الضحكه بس ماسكه نفسها: والله من ناحية علاقتها بسامح وعلاقة سامح بيها ..اعتقد كدا انها لا تتجاوز غير الاخوه..
هبه بمغزه: يعني هي عمرها ما حكت لك عنه..
ابتهال لفت لها بخبث: هوبا....ليه الاسئله دي كلها !!
هبه ارتبكت: ها ..عادي مجرد فضول."وقفت" بقولك فين نسمه اختي مش شيفاها..عن اذنك اروح ادور عليها..
ابتهال ضحكت على هبه" والله يا سموح طلعت مثبت البنات..اتمناك لشهد..ولا حابه اكسر بخاطر هبه اللي اتغيرت عشانك..يقطع الحب شو بيذل "
>>>>>>>>>>>>.
##في المانيا$$
ماشين جنب بعض..ويتأملو كل حاجه حواليهم..فتون كانت مستمتعه..وكرم اهم حاجه عنده ان فتون رايقه وهاديه..
كان ماشي يعرفها على الاماكن المشهوره ووضحت خبرته فيها..
فتون معجبه بثقافة كرم اللي لحد الان لا تحصى ..كل موضوع ممكن يتكلم فيه ويكون عارف عنه معلومات
فتون: شكلك زرتها كذا مره..
كرم: حوالي خمس مرات..وولا مليت منها ..بصراحه في كل مره ازورها..القي فيها اماكن جديده.."ولفت انتباهه مكان" تعالي تعالي ..أخدك على مكان روعه..
فتون لحقته مع ان كانت خطوتها سريعه..بس اتخلع الشوز بتاعها وقفت تظبطه..وفجأه لما وقفت...كرم اختفى عن عيونها ..هنا حست بالخوف..وكأن ذكرى المزرعه والصور المريعه والضلمه واصوات الكلاب مرت في ذهنها بسرعه..دق قلبها بشده ..واختفى لون وشها..جريت كام خطوه تدور عليه بعيونها..وللاسف مش ظاهر..قربت اكتر ..وهي تنادي بس من الخوف همست بينها وبين نفسها
: كرم...كرم.
نفسها تعلي صوتها بس الدموع خانقتها..وعيونها اتملت بالدموع..وحست ان الناس اللي حواليها غريبه ويبصولها بستغراب..
: كرم كرم.
سرعت في خطواتها..يمكن هو مد عنها شوي..بس من غير فايده ..وجريت اكتر واكتر..ونفس السراب ..نزلت دمعتها غصب عنها ..وقلبها يأس..وقفت بالنص..بين الناس وحطت ايدها على بؤها تمنع شهقتها وعيونها على كل اللي بيمرو ...فيهم ممكن تلاقي كرم!!..وازاي ترجع للفندق..وهي حتى ماتعرفش اسمه
حست انه ولا حس حتي بختفائها ولا أهتم ليها..ئعدت على كرسي بأنهيار..خلاص انهارت وعيطت..ثواني ودموعها سيل على خدودها ..وغطت وشها بأيدها..
....
ومن وجهه تانيه..لف وراه ومالقاهاش..
كرم بعيون زايغه في كل مكان: فتون فتون..."ورجع يدخل بين الناس زي المجنون...وهو بيدور عليها ويناديها "...فتون ...فتون.." طلع موبايله واتصل بيها بس كان مغلق" ضرب جبينه بعنف يقطع الغباء ازاي ما فتحتش موبيلها دولي.."وصرخ بصوت عالي"فتتتتون..
ومشى بنفس الطريق اللي كانوا جايين منه..تأنيب الضمير وجع قلبه..ازاي بس يسبها لوحدها...وياتري ايه شعورها وهي تايهه بسبب اهماله..سرع في خطواته وحاس ان الدنيا ضاقت في عيونه..
وفجأه وكأنه شاف النور قدامه..لمحها قاعده على الكرسي بلبسها المميز..واخترق الزحمه وقف قدامها واتنفس براحه..بس سمع صوت بكاها و قلبه اتقطع عليها..
وهمس لها: فتون...
فتون ما صدقت انها سمعت صوته..رفعت راسها تتأكد من صاحبه..والدموع شلال ع وشها.
:كرم !! "وقفت تتكلم زي الطفله" ليه سبتني..انت عارف اني معرفش ولا مكان..والله خفت..عارف....عارف ان قلبي طلع من مكانه..ليه سبتني ومشيت..انا بس كنت بظبط..................
وقطع كلامها ضمة كرم الحنونه..: والله اسف..ما قصدتش اسيبك ..سامحيني..
فتون برقت عيونها..ودقات قلبها اللي ظنت انها هدت بالعكس زادت بجنون وانحرجت منه ومن الناس..
بعد عنها وهو حاضن بأيديه الاتنين وشها بصوابع الابهام مسح دموعها ..
كرم برقه متنهيه: اوعدك.. عمري ما أسيبك مره تانيه..
فتون بصت في عيونه...فيها كلام كتير...تحكي مشاعر..واحاسيس..وحاجه اكتر من كدا..حست ان وشها ولع من نظراته ولمسته لها...نزلت راسها..
مسك ايدها وقعدها على الكرسي..
كرم: استنيني هنا..ما تتحركيش اوك..
فتون هزت راسها وهي تمسح بقايا دموعها: اوكي..
راح ثواني ورجع ومعاه كوفي دافي..لان الجو فعلا بارد..ومده ليها: خدي ده يدفيك ...ويهديكي...
فتون اخدته منه وهي بصاله وبنفس الوقت مش مستوعبه كرم وشخصيته..هي حقيقته كدا !! حنين وطيب ؟؟ معقوله خاف عليها واهتم للدرجه دي..
واخدت لها رشفه من الكوفي وهي حاسه بنظراته عليها..بس ما قدرتش تحط عينها بعينه..
بعد دقايق..
وقف كرم ومد ايده..: دلوقت تعالي معاي..اخدك لمكان هيعجبك..
فتون بصت لـ ايده وبعدها بصت لعيونه..وما أتردد لحظه انها تمسكها..عشان ما يتكررش الموقف معاها..
كرم من لمست ايدها .. حس بكهرباء سَرت بجسمه..وجواه ابتسم...امانيه بدئت تتحقق...والدنيا بدئت تبتسم له...فتون معاه رغم كل شيء حصل وبيحصل..
اخدها على مكان عالي..شكله من برى ساحر..
فتون تتأمل طول الارتفاع: واو.. كلمه روعه شويه عليه..
كرم وهو يلاحظ ردة فعلها الدهشه ماليه وشها..بس فعلا كان المكان يستحق ردة الفعل دي..
كرم: من جوه اكيد هيعجبك اكتر.
فتون اتحمست: طيب يالا ندخل..
جوه مركز تجاري..وكان مكتظ بالناس..
...........................
فتون السعاده واضحه على ملامحها..وهي شايفه كل حاجه حواليها وكرم ياخد لها من كل حاجه تشاور عليها او تطلبها...بصت ع ظهره وهو بيحاول يخترق فيها الزحمه وايده ما زالت شابكه بأيدها..فكرت فيه شوي..هو فعلا انسان مش سئ..فيه حاجات حلوه..ممكن تجذب أي بنت..صحيح تصرفاته تقهر لكن هي جواها متأكده ان كل بنت تتمناه..مع انه بقي قدرها غصب عنها..وكل الظروف اللي مروا بيها اجبرتها عليه..من بداية شغلها معاه..لحد قرار جوازه منها..
خطر في بالها طلبه في اول يوم جوازه..
" بدايتنا كانت صعبه..في امل تتغير !!"
لسه مستوعبه الجمله دي..يكون قصده...ان نفسه..تتحسن..ويعيشو زي أي زوجين..
صحت من تفكيرها على صوته..
وهو يتأمل المنظر: ايه رايك؟؟
كانوا في اعلى المكان..ويطل على مدينة المانيا كامله..منظره ما كانش عادي..كان فوق الخيال..ابداع خرافي..
فتون بأنبهار: واو..ايه ده !! بجد بجد ما اقدرش اوصفه..
كرم ابتسم: البرج ده بيطل على المانيا..
فتون قربت من كرم اكتر وفضلت تتأمل بعيونها..
كرم رفع الكاميرا المعقله على رقبته..
: اخد لك صوره !!
فتون اتكسفت: لا..لا ..المنظر هو اللي يستحق..
كرم نزل الكاميرا عن عيونه وبصلها: انتي احلى منه.."وبسرعه رجع الكاميرا واخد صوره لفتون مبتسمه بخجل " وطلعت عفويه وحلوه..
كرم بص للصوره وابتسم..بدون تعليق..
طلعوا من المكان..واخدوا لهم تاكسي وراحوا لواحد من المطاعم العربيه القريبه يتغدو فيها..وبعدها رجعوا للفندق يرتاحو..
فتون حطت شنطتها بتعب وئعدت على الفوتيه وفكت شعرها
كرم كان بيراقبها..وئعد جنبها..
: شعرك لونه طبيعي !!
فتون مسكت خصله من شعرها وتشوفها: ليه باين انه مش طبيعي !!
كرم: لا..بس ما شاء الله سواده حلو..
فتون حست ان كرم اليوم متغير كتيييير: لا ده لونه الطبيعي..
وسكتوا..
فتون افتكر حاجه: كرم..
كرم طلعت منه عفويه: أأمريه..
فتون اربكتها شوي بس كملت: انت تعرف حد هنا ؟؟
كرم بعدم اهتمام: هنا ...لا..
فتون سكتت..
كرم بصلها: ليه ؟؟
فتون: لابس مجرد سؤال.."وقامت ودخلت الغرفه وقفلت على نفسها الباب..وئعدت على السرير.."
: حاسه...ان فيه حاجه غلط منه..مني..من الجو !! ولا الاكل ؟؟ مستحيل يكون ده كرم الجدار..
كرم اللي ما حبش يضايقها..خلاها على راحتها..وما حبش يضغط عليها..
........
في بيت مرام..
قاعدين عصير وشاي وكلام ..
شهد:والله ابتهال ناقصنا..
مرام: المشكله صعبه انها تيجي هنا ..مين يوصلها دايما..
شهد فاتحه سيرة ابتهال قاصده: الا على سيره ابتهال..ما قلتلكيش..اني كلمت ابتهال عن عبد الله اخويا..
مرام اتحمست: بجد !!! و ردت عليك بأيه.؟؟
شهد: في البدايه ما قالتش..بعدين قالت انا بعتبره زي اخوي سامح
مرام زعلت شوي: معليش ربنا يعوضهم خير..
شهد: ان شاء الله..الا علاء اخوك ما فكرش يخطب..
مرام بعدم اهتمام: معرفلوش..ولا بفكر انه بيفكر اصلا يتجوز..
شهد: ليه !! ايه ناقصه ما شاء الله..ظابط اد الدنيا..وكل بنت تتمناه..انتوا اسألوه..يمكن بيحب ومكسوف..
مرام بدءت تفكر:رايك نسأله ؟؟ يارب يقتنع لان امي بتموت على ما تشوفه عريس..وانا نفسها ..متحمسه لجوازه..قبل كام سنه كنا دايما نجيب له سيره الجواز وهو كان رافض..لكن دلوقت هرجع المح له تاني
شهد: عاوزه نصيحتي..خدو له ابتهال..والله لو يلف الدنيا ما هتلاقو احسن منها..
مرام في البدايه اتصدمت من الفكره بعدين اتحمست : والله لو ابتهال توافق على اخوي...انا ساعتها ممكن اطير من الفرحه...بجد تناسب علاء ..وخصوصا انا عرفاها وعارفه اخلاقها..
شهد ابتسمت براحه: طيب روحي على طول لامك وكلميها..ابتهال بنت ما تتفوتش..بسرعه لا تطير منكم الخطاب طوابير عند بابهم..
مرام دخلت الفكره براسها وبتحاول تقنع اخوها بيها...
.....
$$المانيا$$$$
بغرفتها..ودبحها الملل مش عارفه تعمل ايه..قفلت التلفزيون الموجود بالغرفه.. لان ده كمان ملت منه..
: ياربي..نفسي ا خرج"وفضلت تدور بالغرفه" اطلع ولا ؟ اه اهلي وحشتوني "وبسرعه راحت لموبايلها بعد ما فتحهولها كرم دولي واتصلت على ابتهال"
ابتهال شافت رقمها وما صدقت: الووو...اهلا فتونه..
فتون اشتاقت لها ولصوتها : اهلا بيك يا قلبي..وحشتوني موووووووووت عاوزه اعيط..
ابتهال بكت بس بتحاول ما توضحش: حتى احنا والله ضايعين من غيرك.
فتون:حبايب قلبي والله..اخبارك واخبار سامح واخواتك؟؟ ان شاء الله كلكم بخير..
ابتهال: احنا تمام ..انتي طمنيني عنك وعن كرم؟؟
فتون: بخير الحمد لله.
ابتهال بتردد:اتخانقتو؟؟
فتون بخبث: نتخانق ؟؟ ليه...وانا في اول ليله كنت في حضنه ..
ابتهال اتكسفت: ههههههههههههههه يا جمالو ..
فتون: ابتهال..مشعارفه اعمل ايه...
ابتهال: في ايه؟؟
فتون: مع كرم..محتاره مش عارفه ازاي اتعامل معاه...
ابتهال: فتون كرم طيب..انا دايما اقعد معاه وانبسط ومش بمل منه..شخصيته حلوه..حاولي تتقبليه..وتشوفيه بنظره تانيه..
فتون سكتت شوي وغيرت الموضوع: واخبار عمي؟؟سالي رجعت؟؟
ابتهال: عمي والبنات بخير..بس سالي ما رجعتش..
فتون: احسن لحد ما ارجع مش عاوزها ترجع غير وانا موجوده ..
ابتهال: انتي ما تشيليش همنا بس...خليك في جوزك وخدي بالك منه...والله راجل كنز..والبنات عيونهم عليه...
فتون بدون نفس: اه صح كنز..يالا اكلمك بوقت تاني تامريني بأي حاجه حبيبتي !!
ابتهال: لا سلامه قلبك بس اهم حاجه الهدايا..مستحيل نستقبلك من غيرها..
فتون: ههههه حاضر..مقدرش انساها..سلمي لي على الكل ..باي..
ابتهال: يوصل باي..
فتون رمت موبايلها على السرير..
: اهلي وكلمتهم...وبعدين !!
وفجأه سمعت خبط الباب: فتون..
فتون دق قلبها وخافت : ايوه..
كرم: نايمه؟؟
فتون وهي تظبط شكلها قدام المرايه: لا ...مش نايمه..
كرم لنفسه " امال ليه قاعده لوحدها "...:اوكي مستنيك برى..
فتون : طيب " واتنفست براحه" يمه..ليه خفت.. صوته ليه بيخضني.
كرم قعد على الكنب وهو مقهور منها ..مش نايمه ليه حابسه نفسها في الاوضه..وسمع صوت قفل الباب اتفتح وطلعت له لابسه جينز برمودا وشيرت "قميص" وردي..وراقبها بعيونه لحد ما ئعدت وواضح انها مكسوفه لانها ما حطتش عينها بعينه..
كرم اذا شافها يبقي عاوز يبتسم..كدا بيكون سعيد بدون ما تقدم له حاجه ..وجودها قربه كفايه..!!!
فتون اتوترت من نظراته وفضلت تظبط شعرها..تبص في ضوافرها..ترتب التشيرت..وتشوف قصر البرمودا..
كرم قطع الصمت: كلمتي اهلك..
فتون اتخضت:ها...ايوه..قبل شوي كلمتهم..
كرم: وان شاء الله الكل تمام..
فتون اخدت نفس عميق من الربكه: لا الحمد لله ..الكل بخير..
ورجع الصمت من تاني.
كرم بجد وتره الصمت..ليه ساكتين..معقوله مافيش موضوع يفتحه مع فتون..
قال: نخرج ؟؟
فتون: براحتك..
كرم: اوك يالا...غيري هدومك بسرعه وتعالي؟؟
دخلت فتون وبسرعه غيرت وطلعت له..وكانت متدفيه شوي لان الجو ربيعي عندهم..
وطلعوا..
فتون مشت جنب كرم..دايما معاه تحس بشعور بالامان..في كل مره..تكون خايفه فيها..ويجي جنبها تحس بالامان..في كل مره تكون فيها خايفه..لما يجي جنبها تحس بالراحه والامان..قربت منه اكتر: اخبار سامح معاك فالشركه؟؟
كرم انبسط بأنها هي اللي اتكلمت حتى لو كان عن اخوها بس على الاقل حابه تتكلم معاه في موضوع.
رد: لا ما شاء الله شاطر جدا وذكي..هو حاليا سكرتير مكتبي بدال ياسر"وسكت شوي" بس بعدين برقيه ادارة قسم..
فتون بجديه: كرم!..ممكن اتكلم معاك في موضوع ياسر وبهدوء..
كرم اللي الغيره بدءت تظهر ع ملامحه : وده وقته..!
فتون: ده انسب وقت..
قعدو ع تربيزه صغيره مدوره وكرسيين قريبين من بعض..
: احم ..كرم..رجع ياسر مكانه..
كرم: اظن ده يرجع لي..مالكيش دخل فيه..
فتون: كرم..انا قلت لك انك فاهم الحكايه غلط..وبالاصل ما كانش في بينا حاجه..بلاش تقطع رزق الولد وانت ظالمه..
كرم: انا ما ظلمتش حد..انا حكمت على اللي شفته..
فتون: حكون صريحه معاك..انت ظلمتني وظلمته..بس انا سكت عشان... كنت مقهوره منك وعاوزه اردها لك..و ياسر ولا اعرفه ولا يعرفني..وعلى فكره هو كلمني مره واحده قالي عاوزك في موضوع خاص..قلت له مهما كان موضوعك تعال في بيت عمي..وهو جه على كلامي اعتقد انه مارتكبش جريمه تستحق العقاب..وانا مش بقولك الكلام ده عشان ابرر لك..قلت لك عشان ما يكونش ذنبه في رقبتي..وانت القرار راجعلك.
كرم نفسه يصدق: يعني عاوزه تقنعيني ان مفيش اي حاجه بينكم..!
فتون: معرفوش..ولا اعرفه عنه غير اسمه وبس..
كرم واضح عليه انه تفكيره أتشتت..ومشعارف يعمل ايه..يصدق فتون ويرجع ياسر..ولا يصدق ظنونه..
فتون بصرامه: واذا فكرت تشك فيا وفي تربيه امي مره تانيه..صدقني مش هسكت لك
كرم ما علقش على الموضوع..لان بجد لو كانت ظنونه غلط..بيكون شك في اخلاق فتون وياسر..وظلمهم وظن فيهم السوء..وطرد فوقها ياسر..
كرم اتنهد ووقف..فتون وقفت معاه..ومشوا لحد ما اخدو لهم تاكسي..
اخدها على منطقة شعبيه ..وكانت بجد حلوه..لان السايح يقدر ياخد منها حاجات وهدايا حلوه للذكرى..
فتون بحماس وتشاور لبعيد: كرم شوف هناك المدينه الترفيهيه..
كرم: دي اسمها دزني بارك..
فتون: نروح لها..؟؟
كرم مستغرب: تلعبي ؟؟؟
فتون: ايوه..ليه فيها ايه ؟
كرم ابتسم: لا مافيهاش..بس معرفش انك من الناس اللي بتحب اللعب..
فتون بعفويه: لا انابموت في الاكشن..خلينا نروح لها..
كرم: يالا امشي لها..
وفي وسط بارك..
فتون بدهشه: واو ..ده انا دخلت في عالم الاحلام .
كرم شاف الالعاب حواليه والناس والزحمه ورجع يبصلها وابتسم بأستهزاء: طيب يالا عيشي احلامك..
فتون بنص عين: ايوه هعيشها.."ومشت كام خطوه" اول حاجه عاوزه من ده ..حلاوه شعر..
كرم طير عيونه: حلاوه؟؟؟؟
فتون: ايوه بسرعه تعال عاوزه واحد..
كرم حس ان فتون وكأنها طفله..ما توقعهاش بتحب الحاجات دي قرب من الكشك واخد لها واحد..
فتون بأصرار: لا خد لك معايا واحد..مش بحب اكل لوحدي..
كرم: لالا انا مش بحب الحاجات دي..
فتون: عشاني خد واحد..والله طعمه لذيذ..
كرم ابتسم: انا عارف انه لذيذ بس مش عاوز..
فتون كتفت ايديها وزعلت بطريقه طفوليه : خلاص انا كمان مش عاوزه.
كرم بصلها وعاوز يضحك ورفع حاجب مستغرب: فتون !!
فتون حست انها عفويه بزياده..وكرم مستغرب منها..بس عجبه الوضع..
فتون بأصرار: خد لك واحد ولا انا مش عاوزه.
كرم اتنهد: امري لله.."واخد له كيس"
فتون مستمعه لابعد حد.. تاكل حلاوتها المفضله..وتتصور مع دمى افلام الكرتون..
وقعدو على الكراسي..
فتون لسه حماسها مستمر: بعد شوي هلعب..
كرم اخدها على قد عقلها : اوك شوي وألعبك..
فتون: انت مش هتلعب معايا..
كرم بسرعه: لا دي انسي..ولا حتي تحاولي معايا!!!!
فتون بدون نفس: انت الخسران..
كرم:اجبلك بوب كورن..
فتون هزت راسها: ايوه..مش مشكله..
كرم: طيب خليك قاعده وانا مش هتأخر .
فتون بصتله وهو ماشي..فعلا كرم زي ما قالت ريهام مش سئ..وكأنه انسان تاني قبل الجواز..مش عارفه سبب تغيره..تعبت من التفكير وحطت السبب اكيد في تقلب مزاجه الدايم..
لفت للجهه التانيه وانصدمت من اللي قدام عيونها وبصصلها ومبتسم..واضح انه كان بيراقبها من فتره..
الشاب: انتي اللي شفتك بالفندق صح ؟؟
فتون بملل: ايوه انا..تامرني بحاجه.
قرب منها اكتر: انتي بتدرسي هنا ولا ايه؟؟
فتون: مش ملاحظ انك زودتها.
الشاب عيونه ع كرم من بعيد: لا بس حبيت اسألك ازاي اتعرفتي ع ده ؟
فتون لفت ع كرم ورجعت تبصله: ده شيء ما يخصكش ورجاء ابعد عني..لا اتفاهم معاك بطريقه غبيه..
الشاب: بس بجد انا اول مره اشوف بنت مع الانسان ده فا حبيت اسأل..
فتون بدئت تفلت اعصابها : بقولك روح بالطيب احسن لك..
الشاب رجع كام خطوه: اوكي اوكي..متتعصبيش ..بس عاوزه الصراحه جمالك فتني..ولا شفت زيه..ده اللي كنت حابب اقوله.. وهنتقابل مره ثانيه..انا متأكد...باي..
فتون اتنفست براحه لما شافته بيبعد.
: بجد منين المريض ده طلع لي ؟؟معقول يعرف كرم للدرجه ان يقول اول مره يشوفه مع بنت.."وابتسمت" شكل كرم عاقل ومطنش البنات وانا البنت الاولى بحياته..
وسمعت صوته فوق راسها: خير ايه الي جالك قاعده توزعي ابتسامات..!!!
فتون وهي تاخد البوب كورن منه والعصير: افتكرت موقف وابتسمت..
كرم قعد جنبها: ومينفعش اعرف الموقف ده؟ ؟
فتون: لا مينفعش.
وبعدها ركبت فتون كل الالعاب..ولعبتها تقريبا كلها..وفي كل مره تحاول تقنع كرم وهو رافض..
فتون: طيب دي...هاديه وحلوه..
كرم: فتون..روحي العبيها وانبسطي انتي..انا قاعد هنا مستنيك
فتون برجاء: انت جربها طيب ..
كرم قعد : لا هستناك هنا احسن..
فتون: اوك خلاص براحتك..بس لو جربتها كان احسن
كرم قاطعها: فتون..!! مالك بقيت زنانه...خلاص روحي العبيها وانا قاعد هنا مستنيك.
فتون: اوك اوك خلاص هروح لوحدي.."وراحت"
كرم ابتسم : والله متجوز طفله..
ركبتها وقفلت الحزام..وحست ان واحد دخل بسرعه وئعد جنبها وقفل حزامه..فتون ما انتبهت له ..
.....: اوه ...شكل القدر جمعنا بسرعه..
فتون وقف قلبها ولفت عليه: انت !! انت عاوز مني ايه؟؟
الشاب: انا هعوز منك ايه ؟؟ مش عاوز اي حاجه..بس اتوقع القدر حابب يجمعنا..
فتون لفت وشها للناحيه التانيه عنه..واللعبه هتبدء بعد شوي..بس هاديه..
الشاب: طيب اسألك حبيتي الانسان اللي معاك ده ؟
فتون بشك:انت تعرفه.؟؟
الشاب: ايوه اعرفه..ومعرفه قويه كمان..
فتون: طيب الانسان ده له اسم واسمه كرم..
الشاب: لا انا ما اقدرش على الحب ..وبتدافعي عنه كمان ..بصراحه انجز كرم
فتون ملت منه: الصبر جميل والله جميل.
الشاب: شكل العلاقه اللي بينكم رسميه..او لسه متعرفه عليه..
فتون ماردتش عليه..
الشاب: طيب هو انتي اللي رحتيله ..ولا هو اللي طلب يتعرف عليكي..
فتون نفس الطناش ما ردتش عليه..
الشاب: وانا اقول ليه الاخ بيحب المانيا ويسافر لها دايما..يمكن عشان انتي فيها..
فتون خلاص وصلت معاها: جري ايه ..شوف انا جايه هنا انبسط وانت عاوز تنكد عليا..وبعدين انت مين انت وعمال تسالني بحبه ولا مش بحبه . اظن كل الامور دي ما تخصكش..
الشاب: اوك هدي اعصابك..بس اللعبه حلوه..
فتون بصتله بنص عين..شعره ع جنب واو وسامته خياليه...واكتر يجذب فيه ستايله وطريقة لبسه انيقه ومميزه جدا.
كملوا اللعبه كانت لما ترتفع يرفع ايديه ويصرخ وهو بيضحك
فتون ماسكه ضحكتها غصب عنها وكل شويه تحط ايدها ع بؤها تمنعها..
الشاب: اعملي زي..هتحسي بشعور غريب..
فتون عاوزه تقوله انه بجد رخم وسخيف..وبصتلو بحتقار
الشاب: جربيها والله ما هتندمي..
فتون بعناد: مش هجربها..
الشاب رفع ايده وصرخ: صدقيني احلى حاجه في الحياة انك تتمتعي بأبسط حاجه فيها..عيشي حياتك..
وقفت اللعبه : اوعدك اعيشها بس مش جنبك.."ونزلت وبسرعه راحت لكرم"
كرم: انبسطتي؟؟
فتون لفت على ورى عاوزه تلحق تشوف الشاب وتخلي كرم يشوفه..بس فجأه اختفى..
كرم: مالك؟؟
فتون: لالا..ولا حاجه....نمشي ؟
كرم وقف: يالا..
وطلعوا منها..
>>>>>>>>>>>>>....>>>>>>>>
شافت اخوها خلص غدا..وقعدين قدام التلفزيون..
ئعدت جنب امها وحبت تفتح الموضوع قدامه..
مرام: ماما ايه رايك في ابتهال صحبتي..
علاء اول ما سمع الاسم بس ..ركز معاهم..
امها: والله من زينة البنات..
مرام: طيب..ليه ما نخطبهاش لعلاء.
امها: هو خليه يوافق على الجواز..وبعدها نتكلم..
مرام همست لها: اوك خلينا نقنعه..
اامها لفت على ابنها : علاء..امتى ناوي تفرحني بيك واشوف عيالك..كل الامهات جوزو عيالهم..وانت مفيش حاجه نقصاك ..كامل والكامل لله..
مرام قربت عنده: وبعدين ابتهال صديقتي بنت عارفها اخلاق ودين وجمال...فكر فيها قبل ماتروح من بين ايدك
علاء بتردد: يعني في حد هيخطبها؟؟
مرام انبسطت على الاقل تجاوب معاها: هو كان فيه..بس رفضته..
علاء وقف: خلاص اعمله الي تشفوه..
مرام ما صدقتش وحصلته: لحظه لحظه..نعمل الي عاوزينه..يعني نخطب لك؟
علاء: براحتكم..
امها: خلاص بقي تعالي انتي عنه لا يرجع في كلامه..
علاء ضحك عليهم وطلع..
مرام ئعدت جنبها: ماما بجد وافق..
امها : ما سمعتيهوش قال اعملو الي انتو عاوزينه
مرام: يعني ناخد له ابتهال..
امها: ان شاء الله..وزرغتت
>>>>>>>>>>>>>>>>>>>>>
في الفندق
كانت لابسة قميص اسود وعليه رسومات بلون الأصفر بسيط جدا مع صندل اصفر و سلسة صغيره و مكياج رقيق وفردت شعرها
الأسود الجميل قدام المرايا
كرم وقف وراها وميل:يا جماااالك و باس شفايفها و رقبتها الا
فتون بعدت عنه : كرم انت متأكد انك عاوزني في محور حياتك
كرم سحبها وداااب بطعم شفايفها: طبعا
فتون حاوطت رقبته ومزجت شفايفها بشفايفه كرم عجبته جرائتها و كان دايب على الاخر فتون في اللحظه دي ولا فكرت في اي حاجه كانت مسلمه نفسها كرم شالها ووداها غرفة النوم وووووووووووو
كرم صحي و هو فرحان كانت ليلة حلوة جسمها شفايفها شعرها عيونها و كل ما فيها يجنن
فتون كانت نايمة بحضنه عريانه.
فتحت عيونها..وشافته نايم جنبها..افتكرت ليلتها امبارح وحست ان وشها احمر من الخجل..
ودخلت الحمام..وبعدها طلعت وصلت الفجر..وعاوزه تصحي كرم بس الخجل مانعها..
حس بحركتها وفتح عيونه..
فتون على طول بعدت عيونها عنه..
كرم: صليتي؟
فتون: ايوه..يالا قوم صلي..."وطلعت من الغرفه"
كرم رمى البطانيه وهو مبتسم..ودخل الحمام.
فتون واقفه عند الثلاجه وراشقه فيها تشرب ميه..: وشي فين اوديه من الكسوف
شوي ورجعت الغرفه وهي متوتره..بس شافته رجع نام ارتاحت..دخلت الغرفه وقفلت الباب ورجعت للسرير ونامت الناحيه التانيه..ما حستش الا بكرم حضنها من ورا و باس رقبتها : عجبك لليلتنا
فتون جسمها قشعر من بوسته حست كأنه اول مرة يبوسها
كرم دفن وشه في شعرها: وحشاني تاني وبسرعه عضها
فتون بعدت عنه : اااااه
كرم قرب منها : سامحيني مش قصدي اوجعك
فتون بتموت من الكسوف: لا عادي
فتون مغمضه عيونها بقوه.. وقلبها يدق بسرعه..مشكلة كرم اي حاجه يقولها بسرعه..ودايما مستعجل..
تغير سريع في علاقتهم..قلبها من فوق لتحت..بس كان احلى تغيير..بقت الدنيا احلى في عيونهم..بدؤ يعيشو قصة حب زي اللي في قصص الافلام..مشاعر جياشه ومتضاربه عايشنها الاتنين..بجنون مع بعض!!!!
كرم اتغير فتون دفعته لقدام كتير..وحبها زاد اكتر واكتر..
وبدئت تميل لكرم..اكتشفت انه انسان اكتر من رائع..وفعلا كل بنت تتمناه..يمكن كان ده شعورها جواها في الاول ..بس كانت تخفيه بأمور تانيه..تزيد نفورها منه...اتغيرت طريقة التعامل...والاسلوب..وحتى طريقه الحوار..بقت اجمل بكتير ..وانسجموا مع بعض..
وعاشوا فعلا زي أي زوجين..واحلى بكتير..كل واحد دايب في التاني
>>>>>>>.....>>>>>>>>>>>>
لابسين ومنتظرينه..
ابتهال: اتأخر صح؟؟
نسمه: الساعه 10 نلحق نطلع ونرجع واحنا عندنا مدارس..
هبه: هو قال استعدوا..
ابتهال: هتصل بيه.."طلعت موبايلها من شنطتها واتصلت بيه"..الو سامح فينك؟...طيب اوك..باي......... بيقول انه قريب..
وبعد نص ساعه دخل عليهم ..
دخل: السلام...اسف اتأخرت عليكم..
كلهم بصوله بصدمه..
هبه وقف قلبها من الخوف: ايه ده الي فيها ايدك؟؟
ابتهال وقفت: متعوره؟؟؟؟
هبه بسرعه راحت لعنده ولا شعوريا مسكت ايده وبصت في وشه تتأكد ان مافيهوش حاجه
هبه: سامح جرالك ايه..في مكان تاني يألمك؟؟
ابتهال جنبها: سامح..ايه الي حصل لايدك؟
سامح لاحظ اهتمام هبه وحط ايده التانيه ورى على رقبته دايما يعملها لو اتكسف : فيكم ايه انتم اكلتوني..خلوني ائعد..
نسمه: سيبوه..خلوه يرتاح..
ئعد سامح وهبه على يمينه..وابتهال على شماله.
سامح: مفيش حاجه خبطه خفيفه .
هبه دمعت عينها: امانه يا سامح حصلك ايه
سامح شاف دموعها وحس قلبه وجعه: هبه ..والله انا كويس..بس كنت بقطع شارع ضربتني عربيه خطبه خفيفه جدا..
ابتهال: متأكد مفيش حاجه بتوجعك ؟؟
سامح: لسه جاي من المستشفى..انا الحمد لله..
هبه حطت ايدها على قلبها: الحمد لله..
نسمه: بجد تجيبو الجلطه..انا قلبي كان هيقف بسببكم ومن اسلوبكم..
سامح بص لهبه لما ردت ع نسمه بنفعال..
هبه: ماشفتيش ايده..قلبي وقف والله.
وجت عينها بعين سامح..وسامح كسر عينه بسرعه..ولف على ابتهال
:وانتي ارتحتي..؟
ابتهال حست انها بتبكي وضمته:بعيد الشر عليك..ما تشوف شر يا حبيبي.
سامح: هههه خلاص يا بنت انا قدامك..ليه بتعيطي ..
ابتهال:مش عاوزه افقد حد منكم..كفايه اللي راحت..
سامح: الله يرحمها..ربنا يجمعنا معاها بالجنه ان شاء الله..
ابتهال تمسح دموعها: ان شاء الله.يالا سموح قوم نروح الملحق عشان ترتاح..
وقف وقفت معاه: معليش وعدتكم النهارده ولا نأجلها.. لحد بكره نطلع مع السواق ..
هبه: لا مش هنخرج.اهم حاجه سلامتك..
نسمه: ما تشوف شر يا ابن عمي..
سامح: الله يسلمكم...تصبحو على خير..
واتحركت ابتهال وسامح معاها..
.............................
يوم جديد..
نزلت ريماس وهي متردده..وخايفه من ردة فعل امها ..وئعدت على الكرسي..
مياده كل ما شافت ريماس وجعها قلبها وتفتكر الي عملته
الهام: يالا انا شبعت الحمد لله..باي..
ريماس وقفت معاها: واناكمان.
مياده: انتي ائعدي..
سيف: ليه ! عندها مدرسه خليها تروح..
مياده: لا عاوزاها..عندي معاد فالمستشفى وهخدها معايا..
سيف وقف: اوكي..انا شبعت الحمد لله..مع السلامه..
مياده: مع السلامه .."وبصتلها" مش قلت لك طلوع من البيت مافيش ؟؟لازم تحرجيني مع ابوك..حتى مدرسه ماانتيش رايحه..
ريماس: ماما بس دي اخر سنه لي..
مياده بشده: انسي المدرسه
ريماس طلعت غرفتها بسرعه..
مياده اتنهدت: اعمل ايه يارب معاها البنت...ربنا يهديها ويصلح حالها..
...................
بعد اسبوع..
دخلت الملحق الخارجي : انا وصلت..فينكم يا عرب..
ركزت عليها ابتهال وكأنها مش مصدقه: فتون !!
فتون: ايوه فتون اختك الكبيره والعروسه..
ابتهال ما صدقتش عيونها وبسرعه طارت لحضن اختها: وحشتيني وحشتيني موت..
فتون ضمتها بحنان: وانتي واحشتني اكتر..والله فقدتكم واتمنيتكم معاي..
ابتهال من بين دموعها ضحكت: معاكم بشهر العسل متأكده؟؟؟
فتون رجعت تضمها وضربتها: هبله..وسخيفه..انا ناويت أربيك من اول وجديد على قلة الادب اللي انتي فيها..
ابتهال: الحمد لله انك رجعتي لي..
فتون: فين اخواتك...وسامح؟؟
ابتهال: سامح برى..والعيال اكيد فالجنينه
فتون: امشي نطلع لهم..
ابتهال طلعت وشافت كرم ينزل الشنط من العربيه..
وراحت له: حمد لله على السلامه..
كرم ابتسم لها: الله يسلمك..عامله ايه؟؟ تصدقي وحشتيني
ابتهال انصدمت في البدايه من الاسلوب بس مشتها: ههههه وحتى انت وحشتني.. بس لا تسمعني فتون وتدبحني..
كرم بص لفتون بحب وهي بتحضن تامر وتمارا وتسلم عليهم: ههههه لا اطمني ما بتغيرش منك..
فتون ضمتهم بقوه..اكتر ناس قلقت عليهم ووحشوني تامر وتمارا..
تمارا: خلاص ما بتروحيش مره تانيه..
فتون: لا توبه خلاص..
تامر: متروحيش..عشان تمارا بتقولي انا فتون الكبيره لحد ما ترجع ..
فتون شهقت بطريقه مضحكه: هههه كمان سرقتي اسمي...
جانيت: حمد لله ع السلامه مدام فتون..كتير اشتقنا اليك..
فتون: الله يسلمك..وانا كمان اشتئت لك...
ودخلوا الصاله وشافوا هبه ونسمه وريهام..وسلمو عليهم..
ريهام: والله بجد فقدتك..وكتير كمان.
فتون: القلوب عند بعضها..انتي كمان وحشتيني والله اكتر..
نسمه: ريهام ضاعت من غيرك..
فتون: ريهام قلبي والله..
هبه: البيت من غيرك هادي ومالوش طعم..
فتون ابتسمت لها لما شافت لبسها طويل: وانتي احلويتي كتير..
هبه فهمت انها تقصد الطويل: الله يسلمك عيونك الحلوه...
دخل كرم وسلموا عليه وئعدوا مع بعض..
ربع ساعه ودخل سامح..
وشاف الشنط..
وبصوت عالي: حمد لله على سلامتكم البيت نور ..
وسلم على كرم: الله يسلمك..
سامح: وحشتني جدا يا مديري..
كرم: ههههههه يارب يكون الشغل تمام يا سكرتيري النجيب.
وسلم على فتون : وحتى اختي الكبيره وحشتني جدا
فتون بخوف: سامح فيها ايه ايدك.؟؟
سامح: لا متخافيش خبطه بسيطه..
كرم: ايه الي حصلها ؟
سامح: خبطتني عربيه بس خفيفه والله..
فتون قلقت: بجد !! احلف انها خفيفه..ومحصلك حاجه تانيه
سامح: والله خفيفه..
وطلع سَيار من مكتبه على اصواتهم
: وصل كرم !!
كرم راح لابوه وضمه بحب: ايوه وصلت..
سَيار: حمد لله على سلامتك..
كرم: الله يسلمك..
فتون راحت تسلم عليه وباسته : حمد لله على سلامتك يا بنتي ..البيت من غيرك ضلمه..
فتون: الله يسلمك يا عمي..
كرم برق عيونه: وانا؟؟ البيت من غيري ما تحرك فيه ساكن؟
سَيار: ههههه لا انت متعودين عليك دايما مسافر..
ضحك الكل عليه..
كرم مثل الزعل: انا شكل محدش بيحبني في البيت ده!
ريهام: كفايه عليك حب فتون.وغمزته
فتون قلب وشها للون الوردي بسرعه
كرم بصلها مبتسم: أه والله يكفيني..
البنات: يا هو ياعم الرومنسي ما نقدرش على كدا..
نسمه بهمس: هبه اخوكي شارب حاجه .
هبه: ملاحظه !! بقي روميو زمانه..
ابتهال: ههههه دي اختي فجرت مشاعره ..
وضحكوا البنات..
ريهام: ضحكونا معاكم..
ابتهال : المشكله انها للمراهقات فقط..
