بقلمي انا وهيبة يامو
صاحبة القلم الجريء
🎀إمراة في الثلاثين 🎀
عشت حياة مثالية مع الوالد ...لتمنتتها كتجي تال عندي مخلاني محتاجة لوالو ...لا ماديا ولا معنويا ....حتال نهار مات عاد حسيت بمعنى اليتم الحقيقي ...حسيت بمعنى الجوع ...والعرا ...حسيت بمعنى الوحدانية ...حسيت بمعنى كلمة مراة .. المراة لجايا من المرارة. من الصبر ..من الهم ..كلشي هادشي حسيتو بعد موت ااوالد فبعد كنت عايشة كاميرة .. فعيون بابا وخويا كلشي تبدل بعد موتو، وبعد زواج خوبا الحنين ...لتحول ال شخص اناني ،قاسي ،ديكتاتور،خاتم فايد مرتو تحركو كيف يشاء
سؤال يدورو فدهني
علاش لخوت تكونو خوت قبل للزواج تمارسو رجولتهم ....وحنانهم ...بشتى الطرق لكن غير تتزوجو تتبدلو ،وتتحولو ال غرباء ،حاملين قلوب كلها انانية ...وتسلط ...
واش العيب فهم ...ولا فزوجاتهم
ولا العيب فالمجتمع ديالنا لديما تنظر لاخت بنظرة عدوانية كانها المتسلطة العدوانية لي كتفرق بين الرجل والمراة ..ونساو انها أنثى ضعيفة بغات اتحامى فحضن خوها بعد مات باها وخلاها يتيمة
واش محانش الوقت نحسو بالانثى طالما حنا نساء ؟؟محانش الوقت نفيقو ...ونحبو بعضباتنا بعيدا عن سياسة العروسة والطفلة والعدوزة ...الاسلام جا ...باش ينشر للسلام بدءا بقلوبنا ثم ارواحنا مجاش باش يفرقنا ويظلمنا ويحولنا ال موؤودات بلا وأد
رفقا بالقوارير
____________________________
في العزو
كل واحدة علاش جايا .. كاينا لجايا اتسمع اخر الاخبار . باش تشرب اتاي وتجمع بفضائح واسرار المرحومة وتشرب بها اتاي والفقاص
وكاينا لحايا تبكي عل همها ...وعلى مشاكلها
وكاينا لجايبها الجوع ...جايا تاكل الكسكس تعمر كرشها وتنمم فعباد الله وتمشي
كل واحد علاش جاي ... لكن الحقيقة للمرة تحد مجاي عل قبل المرحومة ...كية لجات فها ...كلشي جاي عل مصلحتو ....كل علاش تبكي
الا عائشة كتبكي عل ميمتها ..كتبكي عل الحضن لخلاها يتيمة ...وحيدة ..لا اب يحن علها ...ولا ام.تطلطب ولا اخ ...يدلع ..ولا علم تنفع بها ...ولا صنعة ...ترزق منها بقات يتيمة . وحيدة موؤودة ...خلقت للعداب ...والليلة غادي تزف قربان ليه ...
اانسا تشوفو فها بحزن وتتقطعو ...علها خصوصا صحابات المرحومة .جراتها
المراة : (السعدية جارتهم ..وفمقام مها قربات منها وعنقاتها ) صافي ابنتي متبكيش دعي معاها بالرحمة كتحرقيها
هي :(دموعها دايزين شلال وكلها كترعد وكتنخسس بكات كاع النسا لفالصالون )ميمتي مشات وخلاتتي اخالتي ...ميمتي مشات بلا رجعة ...شكون غادي طبطب علي ..وشكون غادي مسح دمعتي ...وشكون غادي هون علي مصائب الدهر اهئ اهئ علاش اربي دتيها كون دتينا معاها لمن غادي نبقا لمن ...
كتضرب صدرها لتضرها وكتنتف شعرها
اه يقلبي .... كنتعدب اعباد الله ....جيبو لي ميمتي ....جيبو اي لحنانة جيبوها لي
المراة عنقاتها وزيرات علها ....
الحاجة :صافي ابننتي صبري ربي داها ...واش نقولو له لا عفاك ابنتي صبري ....ربي بغاها استغفري مولاك ابنتي ودعي لها بالرحمة ابنتي
عائشة :(كتبكي وتنخسس مقدراتش تستحمل ميمتها تمشي ونخليها بقات تبكي بنادم والنسا تشوفو فها بشفقة )
أنت تقرأ
امراة في الثلاثين
Humorهي عانس اجبرت من الزواج برجل كزوجة ثانية ....بديلة لمرتو العاقر . ترى واش هاد الزواج.غادي نجح والا غادي انتهي بالطلاق
