امراة في الثلاثين

الجزء الثالث

بعد اسبوع
عائشة مزال متخطات موت امها ...من حدها غدا وهي كتكتئب صعيب علها تنسا مها بهاد السهولة  وتعايش مع موتها بالسهولة نفسها
جالسا فبيتها كتبكي وكتفكر ...فكل ذكرى زوبية جمعات بينها وبين امها وبين باها .  عمرها ظنات انهم يقدرو يخطاوها وانها تقدر تيتم من بعدهم ...لكن شكون يثيق بتقلب الزمان وتقلب الدهر .. 
شدا صورة مها وباها كتشوف فهم وعينها شلال من اادموع ...كتفكر شحال عاشت معاهم مبسوطة ...مرتاحة ...عمر الحاج حرمها من اي حاجة ..  لا ماديا ولا معنويا ،كان ديما واقف فجنبها راجل ونص ...حاميها وحامي ظهرها لكن نسا حاجة مهمة ان نصيب عائشة اقوى ..من الموت ..واقوى من الحياة ...وهاما ماتو خلاوها امراة تحت الصفر ... لا علم يتتفع بيه ...لا عائلة تحن فها فها ..ولا صنعة تعيش منها ...لمن غادي تعطي الراس ..وشكون غادي حن فها بعدهم

في مكان اخر جالسا حادة رقق زوجها ابراهيم... اخ عائشة ...فبيت النعاس جلسة حميمية
حادة لكانت لابسا شوميز اسود فالنوار ...طويل ومفتوح من كلنا الجوانب وكلو مفضوح ومع حادة كلها هضاب بانت ...فه
حادة بصوت رقيق كلو انوثة ...
حادة :ابراهيم ...ختك غدا وكتكتئب عارفا صعيبة علها تعيش بلا مها لكن مخاصناش نخلوها هكا تتحماق ...
هو :(هز عينو فها )اش بغتونا نديرو احادة  دبا تنقزها كانت متعلقة بااحاجة والحاج بزاف
حادة :(ابتسمات )عارفا لكن مكتشوفش ان ختك خاصها تزوج را قريبة تفوت الثلاثينات ودخل في الاربعينات وكيف كتشوغ مقرات ومتعلمات شي صنعة تدخل الفلوس وانا خايفا علها تضيع ان كيف مكان انا امراة وحاسا بيها وهي كراناتها ولدو ...وهي مزال تراجل مدق علها
هو :(تنهد )اش بغتني ندير واش بان ليك شي راجل بغاها وقلت لا عمر ..شحد خطبها ولا حاول معرفش علاش واش حيث نقرياش ولا حيث ماشي شي زين .لا مكتابها مزال مجا
هي : داكشي ديال الله ....شوف ...را لعيالاة تاع اادرب اتفقو يزوجوها  وعطا الله لبغا بتزوج ...اقل حاجة الواحد بمشي لجامع ويطلب لفقيه لكان تعرف شي راجل ولد الناس ...عطا الله لباغي تستر خاصك اتوافق ابراهيم ختك كتبقا في بخال ختي والله
بدات تدمع بحزن مصطنع والدموع تخرجو منها بشكل انسيابي ...
اهئ اهئ ..مسكينة اخالتي  كنت بغتي تزوحبها عاد تموتي لكن الموت سرقاتك مننا ....عفاك اابراهيم تعاون معايا ..تستروها متعرف تكون هادي صدقة جارية....
هو :(تشوف فها ....بلا عقل ...)وخا احبيبة يكون خير ...اجي عندي .....
تلاح علها ....وهي كتضحك وكتفرنس .. حيث طرقات واحد المسمار

_______________________________
بعد يوم
فمنزل خدوج الخاطبة ..تاع الدرب ...لكلشي عندها بااوجهيات وباامادة ..ميمكنش تزوج من كان لا  ادا بغتها تزوجك  خاصك المعرفة الصحيحة ...ولا يرشيها بمبلغ كبير

دخلات حادة عندها مع عيالاة اادرب .....جلسات وشافت فهم
خدوج :ممم اهلين بالحباب اش بغتو ..زواج ...سحور ...ولا كارطا
حادة :(ضحكات) لادقتك زوينة.   تبنا ال الله ...دبا بغنا زواج
خدوج :(ضحكات وجبدات الصحكة )ممم  بصحتكم اوا شكون لغادي تزوج
السعدية :كتعرفي عويشة بنت المرحومة لالا طامو ...
خدوج :اه مالها
السعدية :بغنا نديرو فها خير مسكينة وصلات 35عام ومزال متزوجات ومها ماتت دبا ولبنية لا حول االه مصابراش عل مها
حادة :زعما معندكش شي راجل  باغي يتزوج مبهمش العمر المهم هو الحلال ويستر عويشة 
خدوج :(كتدور فعينها )مسكينة لكن معنديش العزاب دبا حيث اغلب الرجال العزاب تحت ثلاثينات تجو مواتهم باغين عريسات لولادهم وتشرطو علي تكون مفايتاش 22عام ..
حادة :واه را عارفين  لكاين بغنا راجل وصافي
خدوج :صافي عندي طلبكم ...كاين راجل عندو 42عام باغي يتزوج اي امراة ممحددش ..ومتهموش زين .لا القرليا وطالبها فالثلاثينات
العيالات شافو فبعضياتهم وضحكو
السعدية :مزيان 42عام مكاينش الفرق بزاف ...قولي فاش خدام
خدوج ً :(ضحكات )مقتدر بدارو ...مخاصو تخير لكن كاين واحد للمشكل عويص
حادة :(خرجات عينها ) شنو هاد للمشكل
خدوج :السيد مزوج ...ومرتو مكتولدش باغي امراة ثانية لوافقات وبغاتو ميخصها تخير معاه
حادة :(كتدور فعينها )مزوج 😨😨
خدوج :اه مرتو مكتولدش وهي لبغاتو يتزوج حيث هو بغا الولاد ....ولبغات عايشة مرحبا المهم الراجل مقتدر ....وكاع طلباتكم اوامر هو مزروب عل الزواج
حادة شافت فالسعدية وتخموو
حادة :خلوني نقنع خوها بعدا ...عاد نشوف هي اش بان ليك السعدية 
السعدية :طالما مرتو هي لبغاتو يتزوج  وموافقة تحنا غادي نوافقو غرضنا نسترو لبنت وتولد ولادها
حادة :صافي اعتبرينا موافقين
خدوج :غادي انتصل ببهم ونشوف امتا ناوين يخطبو لكن متنسايش رزقي احادة
حادة :والله يصدق هاد الزواج تنبرع اختي ...يلا بيناتنا تلفون نمشي نقنع ابراهيم عاد نشوف اختو ...دوزي بخير
خدوج :يكون خير
في منزل عويشة
..لابسا كندورة تقليدية.   دايرة شدة عل راصها ..وحالسة كتلبس ولاد خوها  لغادين المدرسة ...
عويشة :( واقفا كتدير لكرينات لبنت خوها ومبتسمة وخا القلب ربي لعالم بيه لكن خاصها تكمل حياتها البكا من ورا الميت خسارة ..الحياة مكتوقفش عل الميت مستمرة رغم الم الفقد ..والم الابتلاء .
عويشة :(.كتشوف فبنت ختها بكل حب )
هانتي احبيبة درت لك سندويتش تديه معاك المدرسة ...وفالعشية نجي نجيبك
منى :(ابتسمات )وتشري لي مومو اعمتو
هي :وخا جاتك يلا لبسي الطابلية ...خوك تتسناك.
لبسات الطابلية  وهبطات تجري مع خوها ..بقات حاضياها من الشرجم  تمشات عاد تبسمات....بقات تدعي معاهم ....
دخلات لكوزينة تغسل الماعن ..وتفكر فنصيبها لبلا لون...من نهار وعات عل الدنيا وهي معدبة .. محلتها لمسؤوولية الدار....ولا مسؤولية الزنقة ....لمن تقدية ..اداء الما ...والضو ...وكاع المعاملات ..لهزاتهم عل باها .. زيد علها و.تربية ولاد ختها ....لرباتهم بادها ....تقولو ان الام هي لكتولد ...لكن للاسف فزماننا للام ...كتولد اباش تشد الراجل ... متهمهاش واش يقرا ...ولا ميقراش ....وحادة مثال سيء عل بعض نساء بلدي ...لمتهمها واش واادها قراو ولا مقراوش كل لتهمها هو ...الفلوس ...ثم الفلوس ...لبغا يربح العام طويل ....المهم تشبع نعاس ..  وتعيش اميرة فدارها ....الحمد لله كاين لعتني لها بولادها وكاين لشقا واي شخص تعترض تخرج ابراهيم نيابو