عشقك عذابي ❤️🔥

البارت 17

‏-
تبقى اول شخص هزني وحبيته الف مره !💛" 💍

عشقك عذابي ❤️

للكاتبة :- كوجـــي 🎀

🎈🎈🎈🎈🎈🎈🎈🎈🎈🎈🎈🎈🎈

نور

كعدت الصبح تقريبا ب 8 اول ما فتحت عيوني لكيت علي وجه بوجهي انصدمت اول شي بس بعدين استوعبت وجوده

بعدين ما اعرف ليش ظليت اباوع عليه واتمعن بملامحه بس فجاءة تذكرت الي صار بليل

ضجت وكمت دخلت للحمام سبحت وطلعت
لبست دراعة لان هاي تعتبر صباحية عرسي خليت مكياج خفيف

بعدها اندك الباب هو فز وكال

علي : منووو

صفاء : اني صفاء اتكول امي أنزلو لان بيت عمي هنا علمود الصباحية

علي : ايي جايين روحي انتي

باوع عليه ونزل راْسه ودخل للحمام رحت اني رتبت الغرفة و طلعت اله ملابسه وخليتها ع الجوباية
ورة شوي طلع لاف بس المنشفه ع خصره اني درت وجهي وسويت نفسي اكمل المكياج

هو باوع ع الملابس ولبسهن بعدها لبست حجابي و ردت اطلع جرني من أيدي بكل قوته وكال

علي : اي شي يسالونج عليه تكولين تمام فهمتي لو لا واذا سألوج ع النيشان كولي عند علي والي يريده ياخذه مني ‎آوكہ

نور :
هزيت برأسي وطلعت واني الدمعة بطرف عيني بس تصنعت الابتسامه ونزلت وهو وراي
دخلنا الصالة ولكينا الكل كاعد
فرح اختي و خلود جايبات ريوك العرسان
اول ما دخلنا مرت عمي و البنات يهلهن

سلمت عليهم وباركولي بعدها سلم علي عليهم

بعدين نصبو السفرة وكعدنا نتريك خلصنا و صفاء و البنات شالن السفرة ما خلني اكوم
ورة شوي صدنا فوك اني ومرت عمي والبنات بس صفاء جوة تنظف وظلينا نسولف شوي وكالت مرت عمي

ام علي : اي يمة وين النيشان ولو ما يحتاج انتي بتنا

من حجت هيج خالتي الدمعة صارت بطرف عيني وكلش خجلت لان لازم اكذب عليها كتلها

نور : خاله النيشان عند علي وكال الي يريده يجي ياخذه مني