الحلقة ٢٦
#رسالة_من_مجهول
#بوسى_مصطفى
_______________
شادي : سيف انت كويس
سيف : الحمد لله
ايمن : كابوس دا ولا ايه
سيف مردش ووضع ايده ع دماغه
شادي : احنا بس حبينا نطمن عليك
تصبح على خير
ايمن : لو احتاجت حاجه احنا سهرانين ع فكرة.. مبنامش دلوقت
سيف : متشكر ياايمن
ايمن : ع ايه بس احنا اخوات
تصبح على خير
سيف : وانت من اهل الخير
_________
في شقة راوية
فادي : مش انا راجل اهو
بس بقولك خدي اللي بيحبك
هو دا اللي هيخاف عليكي علشان هيخاف تضيعي منه
لكن اللي بتحبيه دا ألف واحده ممكن ترسم عليه دور الحب وتوقعه في شباكها
لكن الراجل لما بيحب.. بيحب بجد.. صدقيني
أميرة : ونبيل بقى قالك إنه بيحبني؟
فادي : بصراحه كنت هضربه
بس عذرته
هههههههههههههههههه
م انا وقعت قبله كده
أميرة : ايوه يافادي بس شهر قليل اوي
علشان نعرف بعض
فادي : هههههههههه
تعرفوا بعض ايه بس يااميرة
دا ابن خالك
وبعدين بقالكم قد ايه
رايحين جايين مع بعض من الشغل
يعني اكيد اتكلمتوا
أو على الأقل فهمتيه وهو فهمك كويس
أميرة :"ايوه يافادي
بس انا اسمع إن الشباب بيحبوا يعني يتصنعوا حاجات مش موجوده اصلا عندهم
اقصد يعني في شخصياتهم
بص هو انا مش عارفه اجمع الكلام
ومتلخبطه اوي
فادي : هههههههه
عارف انا اللخبطه دي
بقولك عيشتها قبل كده
بس بكره تاخدوا على بعض وتحبيه زي ماهو بيحبك
أميرة : تفتكر
فادي : المهم يكون عندك دافع ل ده
أميرة : ازاي يعني
فادي : افتحي قلبك يااميرة
بلاش القلفه دي
وحشه بجد
والراجل بيزهق ع فكره مهما كان بيحب فخدي بالك بقى
أميرة : هو قال لماما ايه
فادي : خالك اللي كلم ماما
وقالها إنهم جايين بكره
اتجهزي بقى
أميرة : ع طول كده؟!
فادي : هنستني ايه يعني
هنروح نسأل عليه وع عيلته
في ايه يااميرة مالك
أميرة : لا ولا حاجه
فادي : أميرة ل اخر مرة بسألك
الواد دا لسه بيكلمك
أميرة : قولتلك يافادي لأ
فادي : طيب.. تصبحي على خير
أميرة : وانت من اهله
وخرج فادي من الغرفه.. وقعدت أميرة تفكر في القرار اللي اخدته
ياترى صح ولا غلط
طب ماهو بيحبني زي م قال فادي!
بس قلبك بيقول غير كده يااميرة!
وهو قلبي اصلا معايا دلوقت
قلبي في حته تانيه خالص
لا يااميرة مينفعش تفكري كده
لازم تنسى بقى
انتي كده هتبقى بتخوني اللي هترتبطي بيه!
يعني خلاص ياسيف مينفعش افكر فيك تاني
انا خلاص بقيت لحد تاني غيرك !
اااااه ياقلبي
يعني لو مش موضوع مامته ده
كانت الدنيا مشيت عادي جداً
وبقينا مع بعض دلوقت!
متعيطيش يااميرة اكيد نبيل هيعوضك عن وجع قلبك ده
ماهو يعني مش هتتوجعي مرتين
ايوه صح
انا هنام وبكره هيبقى يوم حلو في حياتي
ابتسمت وهي بتمسح دموعها ووضعت دماغها ع الوساده ونامت
______________
في شقة جلال
نوران أخده ولادها في حضنها وعينها ناحية باب الغرفة
منتظره جلال اللي عدت الساعة واحده ولسه مجاش عندها
ومفروض هيبات الليلة عندها
لكنه قاعد مع مديحه في اوضتها
نوران : ياترى بيتكلموا في ايه دلوقت؟!
معقوله اللي بفكر فيه دا هو اللي بيخططوا ليه دلوقت
ايه يانوران كنتي مجرد واحده جايه تقضي مهمه وخلاص
مبقاش ليكي لازمه دلوقت
طب ولادي ذنبهم ايه
العيل الصغير دا ذنبه ايه
بعد م تعلق ب بيت وأسرة وحياة تانية جديدة
فيها بابا وماما فجأة كده كل شيء ينتهي
طب بنتي الصغيرة دي كمان ذنبها ايه
تعيش وتتربى بعيد عن باباها؟!
في ايه يانوران... ايه الهبل اللي بتقوليه دا؟!
مش معقول جلال يعمل كده!
ايوه جلال بيحبني... ومستحيل يفكر كده !
ايوه بس مديحه اكيد هتفكر في ده
ايه اللي يخليها تستحمل ضره وتعيش معاها واحده تشاركها في جوزها
ايوه بس انا ذنبي ايه
بعد م حبيته واتعلقت بيه ؟!
يضيع مني بالشكل دا ؟!
___________
أنت تقرأ
رسالة من مجهول 📝💖
चिक-लिटرسالة من مجهول 🗒️ كادت أن تغير حياتي ولكن عائلتي كان لها رأي آخر 😔
