رسالة من مجهول 📝💖

الحلقة ٢٧

الحلقة ٢٧
#رسالة_من_مجهول
#بوسى_مصطفى
______________

في شقة سونيا
سونيا بتزعق بصوت عالي وهي فاتحه باب الشقة
سونيا : اخلص بتعمل ايه كل ده
حمدي : وطي صوتك شويه
انتي ايه عايزة الناس كلها تتفرج علينا
سونيا : لا ياشيخ
مين اللي بيتكلم دلوقت
طب اهوه ودخلت سونيا جوه جرى اخدت شنطة الهدوم بتاعك حمدي اللي كان لسه بيحاول يقفلها خطفتها من ايده وخرجت بيها ع السلم وحدفتها
حمدي : ايه اللي عملتيه دا يامجنونه
سونيا : هو انت لسه شوفت حاجه
انا بقى هوريك المجنونه دي هتعمل فيك ايه
وقربت تخربش في وجهه ورقبته وهو بيحاول يبعد عنها
وهي بتصرخ وبتخرجه بره الشقة
سونيا : مشوفش وشك هنا تاني
حمدي : ماشي ياسعاد بس هندمك على كل اللي عملتيه ممعايا
سونيا : انا اللي ندمانه اني ضيعت شبابي مع خسيس وندل زيك
حمدي : هتتحاسبي ع كل كلمة قولتيها ياسعاد
ولعلمك انا خسرت في الجوازه دي اكتر منك
روحي وانتي طالق
ومبقاش فيها رجوع خلاص ياسعاد
سونيا بسخريه : رجوع مين يااخويه
ليه فاكرني اصلا هفكر فيك تاني. تخلص بس شهور العده بتاعتي
وهتجوز واحد برقبتك
حمدي : خليه يشرب المغفل
سونيا : محدش مغفل غيرك وغور في ستين داهيه بقى
وقفلت الباب بكل قوتها
حمدي : ماشي ياسعاد الشاطر هو اللي يضحك في الاخر
كانت جارت سونيا واقفه اول لما لمحها حمدي دخلت جوه بسرعه وقفلت الباب
_______________

تاني يوم في المدرسة
كل المدرسين ب يباركوا ل نبيل
_ألف مبروك يااستاذ نبيل
_ألف مبروك عقبال الليلة الكبيرة بقى
_ألف مبروك ولو اني زعلان اوي اني ماعزمتش هههههه
_ألف مبروك يااستاذ نبيل هنعديهالك المرادي بس
في الفرح بقى مفيش أعذار هنتعزم يعني هنتعزم
_ألف مبروك يابخيل هههههههه احنا كنا هنقوم بالواجب برضو مش هنيجي كده وخلاص
_الف مبروك يااستاذ نبيل هي الميزانيه مكانتش مستحمله ولا ايه
نبيل : هههههههههه ايه ياجماعه الجو دا
تقطيم كده من تحت لتحت
مش كده يااخوانا
هعوضهالكم في الفرح... إن شاء ﷲ
كانت رؤى داخله تسأل ع حاجه ونبيل بيعلي صوته
اصل الفرح كمان اسبوعين يعني هانت اهوه
الزمله
_ألف مبروك
نبيل : متشكر اوي
وكلكم معزومين طبعا
رؤى : ألف مبروك يااستاذ نبيل
نبيل بهمس : من قلبك
رؤى :"اكيد طبعاً
نبيل : انا مستعد ارجع في كلامي عادي
اصل اللي بيحب صعب اوي ينسى حبيبه
رؤى : عندك حق بس دا اللي بيحب بقى
بعد اذنك عندي حصه
كانت أميرة داخله تخبط في رؤى وهي خارجه
أميرة :" انا اسفة
رؤى : مفيش داعي للأسف انا اللي غلطانه معلش
خارجه بسرعه وم اخدتش بالي اصل عندي حصه
اميرة : اتفضلي
نبيل قرب من أميرة بعد م رؤى خرجت :" في حاجه يااميرة
أميرة : لا مفيش حاجه
نبيل :"طب انا خلصت الحصص بتاعتي
مش هتروحي
اميرة : هستأذن واروح... اصل دماغي مصدعه شويه
نبيل : ألف سلامة عليكي
انا معايا حاجه للصداع هتخففه ع طول
اميره :"لا انا م باخدش حاجه للصداع
بروح اكل كويس وانام وبصحي كويسه ... الحمد لله
نبيل : اوك يلا بينا