رواية #جعلتني_أحبها
#الحلقة_الحادية_عشر
في الفجر ناضت سارة للصلاة،مشت توضت وصلت،طلت على دار ملاك وغطتها كويس وباستها على رأسها وطلعت،مشت للصالة بتنوض أحمد للصلاة،لقت أحمد على نفس وضعية أول يوم!
كان راقد والنقال في يده عرفت انه يشوف لصور آية الله يرحمها،خدت النقال من يده وزي ماتوقعت كانت صورتها،تنهدت وحطت النقال على الطاولة،قعدت تنوض في أحمد بس نومه كان ثقيل شوي،واضح انه راقد متأخر أكيد سهران يفكر في آية!
بلمسة لا إرادية من سارة مسحت بيدها على شعره ،كان شعره جميل جدا ونااااعم واجد مع سواد لونه وسواد عيونه ولحيته كان وسيم بكل معنى الكلمة ناعم زي الطفل بس بملامح رجولة واضحة.
تحرك أحمد فجاة ،وخرت سارة يدها بسرعة خافت ان ينوض يشوفها هكي😅 بس كانت قريبة منه،فتح عيونه بكسل
سارة:صباح الخير
أحمد يحك عيونه بكسل:صباح النور
أحمد:أكيد ليك ساعة تنوضي فيا،رقدت متأخر منغم عليا النوم والله
سارة:اممممم لا مش من واجد توا بس 😅
أحمد وسارة قاعدين ع الوضعية اللي هما فيها كانت سارة قريبة منه مقعمزة على ركبتها ،أحمد بعد صحصح حس بربكة مش قادر ينوض ،قعد يتنحنح،وخرت سارة وصبت بلبكة.
سارة بانحراج وعيونها لوطة :آسفة
أحمد صبى:ولايهمك سارة
سارة بعد سمعت اسمها منه رفعت رأسها فيه
وقعدت تشوفله
أحمد تبسم ليها ومشي للحمام .
أم أحمد مع بنتها حنين.
حنين :أريج مش ناوية تبطل عوايدها يا ماما
أم أحمد:شن دارت بسم الله لحقت ادير شي هيا
حنين:اي امس قعدت ادير نفس الحركات والكلام اللي كانت ادير فيه لأية الله يرحمها
أم أحمد:ماتعدليش عليها شن بدير
حنين:يا ماما تعرفي انها ادير اي شي والا ناسية المشكلة اللي دارتها لأية وكيف حاولت تشوه سمعتها ووزعت رقمها وخدت صورتها عطتها لفرخ وقريب راحت فيها
أم أحمد:اي والله يابنيتي بس ستر ربي وقتها
حنين :وانا خايفة ادير هكي مع سارة او اكثر اقله آية أحمد يحبها ويعرفها ماصدق فيها شي ووقف حتى معاها ضد خوتها بس سارة خايفة يخسرها بدون مايعرف قيمتها!
أم أحمد:ان شاء الله مايصير الا الخير يابنتي
حنين:ان شاء الله ياماما
عند أريج
أريج:صباحو الحلوين
وتبوس على أمها وأبوها
أم أريج : يسعدلي صباحك بنتي الحلوة
أبوها : صباح الخير يابنتي
أمها:خيرك نايضة من توا
أريج:مش قتلك بنعدوا للنادي انا وندو
أمها:اي قلتي بس مانحسابش من صبح ربي
أريج :قبل بنعدوا العشية بس ماصارش الست نادية مش فاضية بتسجل في دورة جديدة وهيا من دورة لدورة
أمها:ياريتك متعلمة منها وانتي من نادي لنادي والا مصيف والا قهوة والا منتجع والا مول والا دوران بالسيارة
أريج:يا ماما واك ليش تحبي النكد انتي قتلك القراية مانحبهاش ما نحبهاااااش والخدمة في بالي مشروع تو بعد نكمل تخطيطه نقوللكم تدعموني
أمها:اي عاد كل شي واتي ناقص الفلوس بس هوا عاد زي مشروعك الاول اللي طار الربح ورأس المال
أبوها:يابنت الناس خيرك معاها عادي التجارة ربح وخسارة اهم شي تتعلم بس والفلوس ماشاء الله ربي رازقنا
أريج بحب😍:حليلي منك يا بابا يا احلى أب في الدنيا كلها
أمها:زيد فسدها بها الدلال تي هناك تجارة وصاحبها طول الوقت تنسريف ما يندري على شي
أبوها:تو تعقل وتتعلم غير ما تضغطيش عليها بس
أمها:آخ يا مرارتي انا بس
أريج تضحك وفرحانة بدعم بوها:يله باي يا حلوين
عند سارة وأحمد
سارة وتت الفطور لان احمد رجع رقد بعد صلاة الفجر ماناضش جهز الفطور زي ما متعود
ملاك ناضت وجت شادة لعبتها في يدها وفي عيونها نوم تنادي:بابا ناضيت انا
لقت سارة في المطبخ،سارة:ههههه يسعدلي صباح الأمورة النشيطة وتقرب منها تبوسها
سارة:آخ ما أحلاها بوسة النوم
ملاك ببراءه :حتى انا نبي بوسة نوم الحلوة😇
سارة تضحك 😂😂😂😂:حليلي انا بس
أحمد خش عليهم فجاة سمعهم يتكلموا في طريقة للحمام
أحمد😂😂:تعالي خودي من بابا بوسة النوم الحلوة😍
ملاك😍هاتها
عطاها أحمد بوسه وباست ملاك عليه،
سارة:وهاذي بوسة النوم الحلوة
ملاك بتكشيخ:هذي بوسه كلها نوم مش حلوة😒
سارة انفجرت ضحك:😂😂له يا ملوكة هكي تقولي على بوسة بابا
أحمد بإصرار دروحه حمق :معاش فيه بوسة😒
ملاك:😌أصلا عادي تو ناخد بوسة خويلة سارة😍هيا سمحة
سارة انحرجت 😅:ابتسمت وخلاص
سارة لملاك :تعالي ياسمحة وليك أحلى بوسة😍
جتها ملاك تجري ضمتها وباستها.
أحمد دار روحه زعلان:حسابكم بعدين باهي ياشينين😒
ردت عليه ملاك:نحنا حلوين ومدت لسانها تناشب لا لا😛
فطروا احمد وسارة وكالعادة مشت ملاك لحوش حنتها بس طبعا كانت معاها سارة وتغدوا غادي وزي ما أحمد متعود كل يوم يمشي للمزرعة طبعا هالفترة موقف عمل شهر إجازة جبره عليها خوه لأنهم يخدموا أعمال حرة ومع ان احمد كان رافض بس احتراما لخوه الكبير وحتى أمه.
في هالأيام بعد الزواج بأسبوعين تحسنت العلاقة بين أحمد وسارة صاروا قراب جداً جداً ، بس قرب أصدقاء وحب من طرف سارة بس اللي تغير ان أحمد قعد يتعود على سارة في حياته ويحب وجودها وحتى انه حس بإعجاب ناحيتها بس قلبه رافض هالشي يشوف فيه ان خيانه لحبه لآية ،بس بنت الناس لأمتى رح تصبر وترضى بها الشي مش عارف ،بس يعرف شي واحد ان مش مستعد يخسر سارة بأي طريقة،حتى لو مش عشانه فعشان ملاك.
يوم الجمعة بعد مرور ثلاثة أسابيع على زواجهم ،اتفقت العيلة كلها تمشي للمزرعة ويقعدوا يوم كامل غادي بس أم أحمد أصرت ان أحمد وسارة يقعدوا في المزرعة يباتوا فيها طبعا قنعت أحمد وأحمد اقتنع على ان حتى ملاك معاهم يعني مافيش مشكلة بس أم أحمد كانت مخططه تاخد ملاك بس هالمرة مش ح تاخدها هيا لان تعرف ان أحمد ح يجي يأخذها زي يوم العرس ومش ح يهمه شي ،فا جهزت كل شي واتفقت مع وحدة من خالات ملاك ع أساس تطلب ملاك تبات في حوش خوالها زي ما متعودة من فترة لفترة وهكي أحمد مش ح يرفض .
#بيسان
نتمنى ان الحلقة عجبتكم ،ونتمنى دعمكم وتشجيعكم .
أنت تقرأ
رواية .....جعلتني احبها للكاتبة #Besaan💓
Fiksi Umumرواية ليبية ممزوجه بالخيال و الواقع تحكي عن حب حياته الي مقدرش يحب من بعدها💔 و متوقعش انه حيجيه يوم يحب مرة تانية 💓 دخلت حياته و قلبتهله رأس ع عقب💓 #الایمیل_الاول_تصکر_و_حنزلهلکم _هنا_انشالله_نبی_دعمکم🤗
