فصليتي ضابطة الجزء الثاني (٢)

البارت السابع عشر

صكر.. فكرت وفكرت سماهر لو نيلوفر بعدين كلت انو نيلوفر كل هالجنود وياهة وغير هاذا انو هية متعودة وحاله كومة قضايا اما سماهر فأذا تركتهة حتموت ومحكدر اسامح نفسي بوقتهة وصيت سجاد وكتله إذا كدرتو تلزموهم لتخلوهة تفوت لمن يربطوهم ويتأكدون أكثر لأن ادري بيهة حتتهور وكتله انو يكللهة إذا سئلت عليه انو صار عندي ضرف. انسحبت بهدوء ومن ابتعدت عنهم كمت اركض لمكان السياره وركبت ومشيت كل سرعتي وأربع مرات ردت اندعم بس الله ستر وصلت لمنطقتهم وفتت فرعهم ماكو شي كلبي لعب بس كلت كذبت نفسي ودخلت للبيت وصحت بأسمهة صاحتني من غرفه ركضت عليهة وفتت لكيت ملابسه مشككة وشعرهة مكفش وردت أسئلهة فجأة ظلت تصيح بأسم اخوهة وتكول الحكني اني اريد اعرف شنو السالفه مداافتهم شي بس شفت اخوهة دخل مثل الإعصار وهية ركضت لحضنه وتبجي وتكله راد ينتهك شرفي اني انصدمت وبعدني محاجي اخوهة تولاني ضرب دافعت عن نفسي وأريد افهمة يكللي اكو وحدة تجيب السمعه آلهة وكال اليوم بليل انتم وعمامك بديواني طلعت منهم مصدوم شلون كدرت هيج تسوي واني وثقت بيهة اه يارب ساعدني انت تعرف الحق من الباطل صعدت السياره وتندمت بكد شعر راسي شلون عفت نيلوفر واتصلت بواحد من المتدربين اعرفه يصير ابوه صديق الشيخ ومرة عدهم فصل الشيخ حلاه الهم وتطورت علاقتنه فعندي رقمة اتصلت بي وسئلته عن نيلوفر كال ربحت القضية وولا واحد كدر يهرب فرحت آلهة بس اتمنيت مشاركهة الفرحة ومرايح لسماهر وصلت للمقر نزلت من السيارة ودخلت كلهة ملتمة يم غرفة الرئيس ويسمعون عطت بيهم كلهم راحو دخلت من كد الهوسة منتبهو لوجودي ونيلوفر منطتني ضهرهة وتتصايح هية والرئيس باوعلي الرئيس وهي انتبهت دارت عليه وصفنت عرفت لأن مبين مظروب خزرتني بس محد شافهة وفسحتلي المجال يم الرئيس متوقعت حتتخله عني بالهلسهولة..............................
نيلوفر.. التفتت شفت صكر انتبهت عليه مضروب خزرته وسويتله مجال أتقدم واني أشرت للرئيس
نيلوفر.. سيدي اني ادري بالضابط صكر من راح واستأذن وبعدين بطل بس اني الي لحيت علي لأن جان عنده ضرف عائلي.
الرئيس.. لعد ليش دخلتي مفزوعه وترجفين وسئلتي عليه
نيلوفر.. دنكت راسي لأن صدك خجلت 😥 بس حافضت عله هدوئي وكتله مو معبالي يتأخر كل هالوقت وجان اكو احتمالات هوايه انو يلحكوه أثناء الانسحاب ويخطفوه ويسووهة وحدة بوحدة.
الرئيس.. اوك بس تره احنه من خوفنه عليج هيج حجينه
نيلوفر.. تسلم سيدي
الرئيس.. بس لازم يتعاقب 🙄
نيلوفر.. نعم !!!!! مستحيل
الرئيس.. اشاقه بنيتي 😂
نيلوفر.. 😶
الكل.. 😂
الرئيس.. بس ها ماكو مفر من التحقيق باجر هوة والضابطه نرجس حيتولون التحقيق وي أعصابه.
نيلوفر.. لعد واني وين رحت
الرئيس.. اخذي استراحة باجر
نيلوفر.. لأ ماكو داعي راحتي بأنهاء شغلي اني حتولا التحقيق.
الرئيس.. اوك انتي والضابط صكر والضابطه نرجس.
نيلوفر.. اوك من رخصتكم واشرت لصكو وسلمت وطلعت ضليت منتضره صكر لأن حنرجع بسيارتي اجة وشكرني لأن وكفت ويا وكتله العفو وانو لو هوة بمكاني جان سوة نفس الشي وأكثر . كتله احجيلي وين رحت
صكر.. اليوم حتعرفين من احجي للشيخ
نيلوفر.. انشاء الله خير. اتنهد صكر بصوت عالي وصراحة الموضوع مبين مو سهل. وصلنه للبيت وتلكتنه الحجية سلمنه عليهة وصكر كاللهة بعد ربع ساعة اريدكم بالديوان هية مناقشته لأن مبين عليه عصبي. راحت الحجيه وضل كاعد علة ميز الطعام واني جريت كرسي وكعدت كتله لتخاف الله حينصر الحق صدكني ويجوز هذا اختبار من ربي الك يشوف صبرك.
صكر.. ونعم بالله
نيلوفر.. ويالله صكيران ارجع العكره الجامد احسك تستفزني من تضوج 😂
صكر.. اوك 😂
نيلوفر.. ردت اروح لغرفتي ماحس إله نجريت وارتطمت بصدر صكر هوة أطول مني واضخم فضمني لصدرة صرت كتكوتة 😂 بس صدك حسيت بالأمان بحضنة هوة الوحيد الي بحضنه احس وكأنو حاضنه أبويه نفس الأمان الي يقدمولياه اني بادلته وهوة قوة حضنة أكثر ضلينه دقايق متحاضنين بالمطبخ مانسمع إله صوت شهكة اندار صكر واني طلقة مرتين ردت اوكع من الدرج واسمعه يضحك بصوت عالي ومروة تضحك وياه لأن هية إلي شهكت استوهة اجت من الكليه وانصدمت😂 والله حقهة سبحت وبدلت ولبست تراك زيتوني عكس عله لون عيوني وطلعن زيتوني عله أخضر عبالك لابسه عدسات 😂 نزلت تلكاني كرم باسني من راسي اتعلم من صكر 😂
وركز بعيوني يعني وجهة قريب عليه صار اني بسرعه رجعت ليورة هوة يضحك ويكلي لابسه عدسات ولج وتكولين اني مو بنوته كيوت 😂
نيلوفر.. أنجب لاتخليني افضحك هسة تره لسه الصور بفوني وبعدين اني ملابسه عدسات يالفهيم لون التراك عكس على لون عيوني وصارن هيج 😂
كرم.. يعني اذا البس زيتوني يعكس عله عيوني
نيلوفر.. أي. لأن عيونة اني وكرم تتشابه نفس اللون بس مروة وصكر عسلي. صدك راح سبح وبدل اجة لابس زيتوني ويحضن بيه يكلي شكرا بعد ماكو داعي البس عدسات. لأن هوة يعشق العيون الخضر أو الزيتوني اتمشينه للديوان وشكلنه كيوت لأن لابسين نفس اللون لكيناهم منتضرينه ضلو صافنين بعيونه عاد سولفلهم كرم القصه 😂 وبلش صكر يحجي عن صداقته بهاي البنيه علاقتهم عاديه مجرد صداقه بس من كمل وحجة آخر موقف كلنه احتقرناهة بشكل واحنه خفنه عالشيخ يتخربط بسرعه كمت جبتله علاج الضغط ومي انطيتهيا اخذهن وباسني بكصتي اني اتذكرت أبويه دائما هيج جان يبوسني عيوني دمعت الشيخ يعرفن اكره أضعف كدام احد فأخذني بحضنة والبشت يعني عبايته غطتني اني هم حضنته كام صكر الشيخ فتحلة المجال هم اجة وحضن الشيخ وايدة عله كتفي والشيخ غطانه بالبشت وحضنة بكل قوته واني وصكر جوة صارت انفاسنه مختلطة وصارت انفاسنه سريعه وصكر عرك فبسرعه كمنه واتفقو وخابرو كرايبهم والشيوخ الي يعرفوهة واتفقو بعد اربع ساعات يرحون رحت نمت تلث ساعات كعدت لكيتهم كلهم لابسين الزي العربي طالعين يجننون ضليت اخذ وياهم صور واجت مروة هم اخذنه كم صورة وادور راحو اني دخلت للمطبخ ماحس إله انحصرت عالحايط وصكر لازم ادية اني فتحت عيوني عله وسعهم
صكر.. سديهم فتحتيهن ميه و٨٠ شبيج شفتي جني 😂
نيلوفر.. ياريته كان جني 😂 ماحس إله شفايفه عله خدي احس نفسي صخنت انطيته دفرة وركضت للغرفه الهث وصدري يعله وينزل. شلون جريئ خليت ملابسي بالغساله وضليت يمهن والحجية دتسوي العشة هية دائما تسوي من المغرب ومرات اني ومروة نساعدهة بس اليوم كالت معندي شي مرَوة راحت تقرة واني سويت حمله على ملابسي كملتهن وشريتهن بالسطح ونزلت ضجت خابرت الشباب مكالمة جماعية وصدك ونسوني بس جاد وياسر رايحين ويه صكر خبرت توني عله سالفة عمار فرحلي هواية ومنتضرة جاد يجي واكوله والباقين من تتنفذ عقوبته أخذهم يشوفونه بعينهم شلون يتعذب. نهيته وياهم وهسة الساعه بالعشرة وهمة راحو من السته ضلينه قلقانين شصار اتصلت بكرم وجان ضايج كلش ومن كالي شقررو وكع الفون من أيدي واسودت الدنيه بعيني ليش يا إلهي لأن حسيت بالحب اتجاهة حتاخذة مثل الباقيين لعد شكد فكر ضلت دموعي تجري والحجية تخربطت ومروة ركضتلهة واني كاعده بنص الصاله ودموعي تجري بسكوت واعاتب ربي......................... يتبع

ستوب خلص البارت اتمنه يكون عجبكم واسفه البارحة منشرتلكم لأن مخلص اشتراكنه وكنكت يومي اليوم يعني لتستغربون إذا مر يوم بدون بارت لتنسوون التصويت وانطوني رأيكم بالبارت سويتلكمياه  أكثر من ١٠٠٠
كلمة لأن مال يومين صوووتو احبكم بأي ❤️