نبدي نعرف عن بطلنا وننطي القلم
انه ذياب مواليد ٩٢ عندي ٣ اخوان وانه والوسطاني و ٢ خوات مكمل ثاني متوسط وعفت المدرسه علمود رويحتي احنه شيوخ ابوي معلم وامي ربت بيت جان وضعنه المادي بأيام الحصار مو ذاك الكد انه من نوع العنيد ولي براسي اسوي من الصغر غيور وعصبي وخاصه اذا احد حجه وياي بصوت عالي اتنرفز وانسه نفسي احب تنسمع كلمتي وماامشي بشور احد عمري من نهزيت من واحد وجانو يسموني الجسر لان سبع ومااخاف رغم جان ابوي يخوفنه ويريد نمشي بشوره وتحت طوعه انه طويل وجسمي عادي حالي حال الشباب بس ايدي ثكيله ( من كلي هيج متت والله ) عيوني عسلي على صفار وشعري بي لمحة شكار ربينه بالريف وتربات الريف ماهي سهله حلال وسراحه ودراسه لازم ترتب امورك بين ذني جنت اسمع عدنه ولد عمام بغداد واحد منهم مزوج بس مشايف ولده ولا مرته جان بس هو يجي ماشفنه مرته وجهاله اله من صار الصقوط وجان عمري ١١ سنه اجت ابنيه شايله خشمه ولبسه مو مثل لبس اختي لسه اذكر جانت لابسه تشيرت صلوخ كيمونيه سمائي وتنوره بيضه كصيره احس الدم صعد الراسي واني طفل تخبلت عليه وسالت هاي الفرخه بت منو جاوبت وكالت هي شنو فرخه وصاحت بابا شنو يعني فرخه كاله يعني طفله
كالتلي احترم نفسك اني بنيه واسمي ليال وبت الشيخ مرتضى خلتني افور صح اني جنت طفل بس والله رجف كلبي من شفته بقو يمنه شكم شهر وجانت ماتخطلط بينه مره سيرو يمنه بليل وجنه كاعدين وكتله عمي مره خصتك كال مرخوص كتله بنتك الي موش الغيري طفرت من يمه وكالت اني مااحبك ولا احب اهلك ورغم جانو اهلي موجودين واذا اخذتني ايصير مو زين العب بيكم طوبه انتم عمام بابا مو عمامي علمود اوافق عليك لو افكر بيك خلتني افور واطلع من البيت راحو وضليت الهج (افكر) بيه مثل المخبل وره شهر كامو يجون كل اسبوعين لو شهر وتجي هي الشعر لضهر ومفتوح والبس ماشالله واني اتخبل وتعارك ويه ولد عمومتي وخوتي ومااقبل احد يلعب وياهه اله انه وجانت هي تتخبل بس جانت من تنافخ امووت عليه ب ٢٠٠٦ اجوي استقرو عدنه استلم ابوه المشيخه وكفت منطقتنه على تك رجل بوكاحته وصراحته ومرادده بس الشاهد الله ينحلف بيه حلف على سوالفه والحد اليوم يكولون اخت زلم لان وكفاته وكفات زلم كامت تكبر كدام عيني واني اتخبل من اشوفه تطلع بدون حجاب الوحيده هي متحجبت من بنات عمومنه وشكد تعاركت بس جانت متهتم وابوه يكول محد يوصل شيختي وبيبيته جانت شالعه كلبي وصار عمر ١٣ وهي معانده حته جبه ماتقبل تلبس عترفتله بحبي وجانت تكول انت مثل اخويه ولله اول مره بحياتي ابجي واختنك وموش من طبعي اشكي لحد يوميه اخابره بدون علم اهله واقنع بيه وتفقنه نكون اصدقاء وسنتين حنه اصدقاء بس خلال ذني السنتين والله شيبت مااقبل على لبسه تكول انت مالك حق عليه الزم حدك لطلعين كدام ولد عمومت ابوج تكول ميخصك ( سوده عليه فوكاها يكول طلعتن الصفن سهله خويه )
اخوي الجبير مواليد ٨٤ اسمه حسن مزوج وعده ٦ اطفال واخت اصغر من اسمها منال مزوجه وعدها ولد وبنيه واخوي الاصغر مني اسمه فهد والدور اسد و اخر العنقود رقيه
نروح البطلتنه الحلو (لي مشيبه راس الولد )
اني ليال مواليد ٩٦ ( بكدي فديتج ) ولادت بغداد اني ثالثه بالعائله اخ اكبر مني اسمه وطن واخت اصغر مني حياة واخ اسمه كيان ابوي شيخ اسمه مرتضى وامي جواهر اجينه للديوانيه ب٢٠٠٣ بالسقوط بقينه اكثر من شهر يمهم اوي مدخلت اكو واحد سأل عليه اني عصبيه ولسان وارادد وكحه وطفر من مكان المكان من كد ما مشاغبه فواحد كال هاي الفرحه مين اندرت البابا وكلته شنو يقصد بفرخه وكلي يعني طفل وكذا اندرت عليه وحجيت ويا كتله احترم نفسك اني مو طفله جبيره واصلاً تفكيري اوعى من تفكيرك شفت عيونه صارن حمر وكلي سهله كتله اني بت شيوخ مينكال الي فرخه ضلينه هنا 4اشهر خلال ذني الاربعه اشهر مختلط بيهم ابد لان اني مارتاح الاهله وهمه ميرتاحولي لان السان وقبل لا ارجع البغداد رحنا بليل سيرنا يمهم فاني لابسه شرت عريض وتشيرت ربع ردن ابيض وشعري ماما ضافرته اليه فمن دخلنه سلمنه جابو النه جاي جنه مجموعين كلنه وكال
ذياب : لبسج ابد معاجبني
ليال : كتله انته ميخصك انته لا ابويه ولا اخويه
ذياب : وكفت وكتله عمي من رخصتك ليال الي ومتصير الغيري
ليال : كمت بعصبيه هيه اني مااحبك ولا احب اهلك ومراح اصير الك واذا صرت الك العب بيكم طويه
ذياب : الايام بيناتنه
بعد لي حجا ذياب طلع بره وبعد هل الموقف مشفتى حتى اخباره انكطعت عنه والتوب كمنه نزورهم كل شهر او كل سبوعين لان كلش حبيناهم ومن نجي لهم يكلي البسي حجاب اكوله مو مسؤل عني انته ومن العب من ويه ولد عمه واني جان عمر 8 سنوات وهو جان يجي يطردهم وجان يكللهم
ذياب : خلو النفس طيبه عليكم احسن ماتصير مو زينه
كمت اتجنب العب وياهم حتى متصير مشاكل ويتعارك ويصيح عليهم وب٢٠٠٦ اجه تهديد الابويه ضرف وبي طلقه وهنا جان لازم نترك بيتنا فطلعنا ومن طلعنه رحنه للديوانيه ومن جنت بالطريق اجه انصال الابويه انو كاتلين واحد وخالين راسه باب بيتنه اجينه واستلم ابويه المشيخه من عمه وبالشت المشيخه واني كبرت وجان اني اذا العب او اتحرك هو وراي مثل الحارس وهو يتخبل اذا اطلع اذا وشعري مفتوح واكثر من مره اجه حجه ويه ابوي علمود البس الحجاب وجان رد ابوي الهم يلكللهم عوفو شيختنه براحتها ومن صار عمري ١٣ خابرني ساعه ١٠ بليل
المكالمه 📲
ذياب : شلونج بت عمي
ليال : الحمدالله بخير
ذياب : صارلج فتره متطلعين اكو احد مضايقج
ليال : لا ماكو احد مضايقني
ذياب : محتاجه شي
ليال : لا سلامتك
ذياب : انه بضهرج ولا تنسين انه موجود يمج
ليال : مشكور متقصر
ذياب : احبك
ليال : محبة اخت لو شنو
ذياب : خايبه شوف هاي اكللها احبنج تكللي شنو
ليال : صدوك تحجي
ذياب : سدي ام الصدوك
ليال : سديته منه ومهتميت اله لان اني جان بالنسبه الي اخ لا اكثر وضل وياي هيج سنتين واخر شي اتفقنا نصير اصدقاء وره سنيتين اتصل بيه
المكالمه 📲
ذياب : الو
ليال : احبك
ذياب : خايبه تردين تموتيني كولي والله
ليال : والله
ذياب : بصراخ احبنننننننننننننج احبنننننننج
ليال : سديت الخط وانه ميته من الفشله
وحـگ عيونـك الـحلـوات
وداعـت كـل رمـش بيـهن
طيـوفـك من يجـن بـالـليل
افـز مـن نومـي احـاچيـهن !💚
اول بارت بقصتي الجديده حقيقيه ومابيها اي شي خيال راح تكون البطله والبطل موجودين ارجو منكم محد يتجاوز بأي تعليق
أنت تقرأ
ليالي ذياب (حقيقه مكتمله)
Romanceتدرين شنو يعني احبج وانتي طفله تدرين شنو شاب يعشك طفله يعني تمرمرت بحبج واخر شي شنو شنو يجازوني اهلج بعدج عني يسفروج حتى مااشوفج سمعيني زين انتي لي ومن جنت طفله ولحد الموت انتي الي انتي طفلتي وعشكي انتي حياة روحي وعزيزتي وغاليتي انتي ملكي اني وبس فه...
