نايمة الظهر ومخلية ابني ونص روحي بحضني وحاضنتة بكل قوتي وابوس بي وهو غافي يمة شكد احبة هذا قطعة من روحي هذا الي سكت شماتي كلهم وصارلي شوكة بعين كل حاقد هستوني بديت اغفي ودخل النص الثاني لروحي سلم بهدوئة المعتاد وحجة ببرودة بدون ميباوعلي وهو ينزع بالجراوية اللافهة على راسة(انة جم مرة كتلج لاتضلين لازتة على كلبج خلي يطلع زلمة خشن)همست بخوفة اي اي هسة اشيلة كمت شلتة بجربايتة دخل هو للحمام وطلع بدل وكشخ على اخر حباية واني كلبي يتكطع غيرة وقهر عليه كدما طلع حلوو وهيبتة الفارضهة بكل كعدة تخلي العالم تهديلة بهالنسوان وما ملحكة بس هو يرفض جان وهذا الي يبرد كلبي بس ابقى بخوفة لان اني اساسا ا اعشقة حد الموت واموت بدونة بس يقابل حبي هذا خجل وصمت مو طبيعي ناحيتة مااعرف اخاف منة كلش وكوة انطق الكلمة بوجودة مااعرف حتى اعبرلة شكد احبة وهو باسللوبة وبرودة جان ميساعد ابد جنت اعيش بصراع وخوف دائما من كل شي يخص مستقبلي بهذا البيت الي احسة احيانة غابة وناس تاكل بناس بس يبقى بنصهة هو الاسد الي بحضورة يسكت الكل وجنت اعتبر هذا يجوز كارت الامان الي،،،،،احداث هواية صارتلي بهالبيت حبيت تشاركوني بيهة وتوكفون وياية شاهد على اهم محطات حياتي لان تعبت يلا عبرت كل محطة وبكل محطة ودعت شي عزيز واتمنى هاي محطتي الاخيرة الي ارتاح بيهة على طول......
حبايب قلبي كل عام وانتو بخير ويارب سنة خير وفرج وسعادة عليكم مشتاقتلكم كووم بس جنت مشغولة كلش اعذروني هسةفرغت وان شاءالله رجعتلكم بقصة رووووعة وحلووة باحداثة الغريبة اتمنى تنال اعجابكم
أنت تقرأ
الغزالة في عرين الاسد
Romanceهو عاش في ظل العادات والتقاليد الي البسته ثوب القسوة والجبروت لينشأ تحت مسمى (الشيخ)فهل يستطيع التحرر من تبعات هذا الاسم هي رقيقة كالورقة البيضاء لا تعرف للنفاق طريق فهل ستسطيع النجاة داخل منزل (الشيخ)ام ستفرر هاربة من جحيم هذا العرين
