رسالة من مجهول 📝💖

الحلقة ٢٨

الحلقة ٢٨
#رسالة_من_مجهول
#بوسى_مصطفى
_______________

في شقة راوية
مديحه : انا عملت الشاي وجبت بسكوت من بتاع العروسة هههههههه
وجيت اهو ياراوية
راوية : اسكتي يامديحه أميرة قطعت بيه اوي
مديحه : هههههههههه انتي بتعيطي
وبعدين قطعت بيكي ايه
احنا هنوقع من أولها كده
اجمدي شويه
تلاقيها دلوقت متهنيه مع عريسها
راوية : مش عارفه ليه دايماً قلبي وجعني عليها يامديحه
مديحه : تصدقي انتي وليه نكد
قلبك يوجعك عليها لما تتجوز
خلاص مكونتيش تجوزيها يااختي
راوية : طب سيبي أميرة في حالها دلوقت
وخلينا في حالك انتي
مديحه : اه م انا بايته معاكي الليلة علشان اشوف انتي عايزة مني ايه
ولو اني عارفه اللي هتقوليه
اكيد اخوكي اشتكالك مني
اديني اهو ياحبيبتي سايباه معاها فوق وقاعدة معاكي
راوية : تصدقي اني فرحانه فيكي
مديحه : انتي عايزة تفرسيني ياراوية
راوية : انا قولتلك من الاول وانتي مسمعتيش كلامي
ولو أنا بقى همي مصلحة اخويه وبس
مكونتش اتكلمت معاكي بس انا قلبي عليكي ومش عاجبني حالك دا ابدا
مديحه : مش انا بضحك معاكي وبهرج اهو دلوقت
بس لو فتحتي قلبي وهتلاقيه جواه نار ياراوية
راوية : ايه اللي غاصبك ع البعد والهجر دا يامديحه
مديحه : اخوكي خلاص ياراوية مبقاش بيحبني
راوية : هو لما يتمسك بمراته اللي انتي اخترتهاله علشان ميبقاش قليل الأصل وظلم بنت الناس اللي ملهاش ذنب في حكايتك دي
مرة تقوليله اتجوز فيروح يتجوز
وترجعي دلوقت تقوليله طلق يقوم يسمع كلامك ويروح يطلقها
علشان بس فجأة فوقتي لنفسك
وحسيتي بالغيره لما حملتي
كانت فين الغيره دي وانتي بتجوزيه لبنت عمك
ارجعي لعقلك يامديحه
مديحه : نار جوابه مش عايزة تهدا ياراوية
راوية : بلاش الشيطان يلعب بعقلك ويعكنن عليكي عيشتك
جلال اخويه بيحبك وبيتمني ليكي الرضا ترضى
ومش انا اللي هقولك الكلام ده
انتي اكيد حساه وشايفاه بعينك
وفكري كده فيها
مش يمكن حملك دا جه ع اهون سبب
يمكن علشان نيتك الصافيه وحبك ل اخويه
وإنك مكونتيش انانيه وطلبتي منه يتجوز
ولما جلال فرح بحته منه
كانت المكافأة ليكي إنك تبقى حامل وتفرحي انتي كمان
ليه بدل م تفرحي وتفرحيه معاكي قلبتي عليه بالشكل دا
هي بقيت مراته خلاص زيها زيك يامديحه
مينفعش يطلقها علشان يرضيكي
صدقيني لو عمل كده عمره م هترتاحي
علشان ضميرك هيتعبك
الظلم حرام يامديحه
مديحه : انا اللي جيبته لنفسي ياراوية
راوية : هي يعني بتضايقك
مديحه : واخده جوزى ياراوية تفتكري دا ميضايقنيش
مديحه : كان برضاكي
مديحه : مش برضايا ياراوية وانتي عارفه
انا حبيت اريحه فقولتله اتجوز
راوية : وحصل اللي حصل
تفتكري حلها إنه يطلق بنت عمك
هي ذنبها ايه قوليلي
مديحه : ملهاش ذنب بس الوضع دا تاعبني ياراوية
راوية : ياست انتي هي خطفته ماهو موجود فوق اهو هيروح فين
وبعدين بكره ابنك ولا بنتك يشغلك ومتلاقيش وقت للعكننه اللي انتي عاملاها دي
اهدي كده علشان حملك يكمل على خير
والصبح كده تطلعي شقتك تحضري فطار لجوزك وتحاولي تدلعيه بقى هههههههههههه
علشان ميطفش منك
مديحه : تفتكري جلال لسه بيحبني زي زمان
راوية : مش انا اللي هجاوب على السؤال دا
انتي اللي تعرفي مش انا
مديحه : الظاهر إنه اتكتب عليه
اني فرحتي متكملش
راوية : ليه يا كئيبه
مش كنتي بتجيلي تقعدي تعيطي وتقولي نفسي احمل وافرح جلال
وانا اقولك اصبري يامديحه بكره تحملي... بإذن ﷲ
وتفرحينا كلنا.. بدل بقى م تدلعي كده وتفرحي تقومي تعكنني عليه وعليكي بالشكل دا
رايحه فين
مديحه : طالعه شقتي
راوية ببتسامة : طيب
مديحه : تصبحي على خير
راوية : وانتي من اهله
فتحت مديحه باب الشقة وخرجت
اتقفل الباب وقعدت راوية حاطه ايدها ع خدها وبتفكر في أميرة
___________