فصليتي ضابطة الجزء الثاني (٢)

البارت التاسع عشر

نيلوفر.. كمت من الكاع ورحت بسرعه لغرفتي ضليت كاعده عالجربايه وصافنه ودموعي تجري يعني من حبيته هيج صار وحيتزوجهة اه اه بعدين كمت غسلت وجهي وجبت علاج الحجية انطيتهيا وكلتلهة انو حيزوجهة هية ضلت تنعه ودكول ماعنده حض بنيي ردت اكلهة لأ والله مو هوة الي ماعندة حض اني الي ماعندي مروة تباوعلي وتواسيني بعيونهة وكأنو تعرف احساسي شنو راحت أخذت الحجيه الغرفتهة واني ابد مبينت شي بس هية كالت
مروة.. نيلوفر فضفضي لتضمين بكلبج فرغي اهمومج وارتاحي.
نيلوفر..  اني عبالك جنت منتضرة واحد يكولي هيج كلتلهة. شفضفض متكليلي شفضفض بس كليلي يمته ارتاح مو جبتهة كله قهر بقهر من بعدني طفله فقدت أمي ادور زوجي المصون خاني وي أعز صديقاتي ادور راح الغالي الي جان مصبرني عالعيشه راح أبويه ادور حبيت واحد عبالي بي حض روحي شوفي اني ذبيته بالسجن اني طلع مدمن مخدرات وحته انفصام بالشخصية عنده حته مرض الساديه عنده وفوكاهة جايني عله طمع  اتخيلي لو مزوجته جان شصار بيه ادور واخيرا وليس آخرا حبيت واحد وراح يتزوج بيوم الي كتشفت انو اني احبه اتخيلي شفضفض وحدة ثنين حطك بعد ماعندي قدرة اتحمل مااكدر والكل يحسدوني عله قوتي وجبروتي وشخصيتي وفلوسي وسيارتي بس ياريت ياخذوهم وينطوني راحة البال تعبت تعبت تهسترت كمت اصيح وابجي واضرب بالكاع مروة تحاول تلزمني  متكدر صحت بكل علاة صوتي اتحملت كل ذني بس جزعت  حموت لو غيري جان ماتو بأول موقف بس من كد ما عانيت بعد مااحس ماحس فقدت الاحساس فقدت الحنان فقدت الأمل وياريت افقد الحياة كلت هذي الكلمة وبعد ماحسيت بشي غير أنو صكر صاح عليه وأدين حاوطتني
.........
صكر.. دخلت للمطبخ وشفت مروة كالت لنيلوفر فضفضي كعدت نيلوفر بالكاع وبدت تحجي وادموعهة تجري حجت كل معاناتهة مروة تشهك وياهة واني دموعي نزلن بعمري مباجي بس نيلوفر مو بس بجتني حته كلبي احسة كام يوجعني. ومن حجت انو هية اليوم اكتشفت انو هية تحبني حسيت وكفت الدنيا وحسيت نفسي اتخيل ردت اروح احضنهة  بس هية تهسترت وكامت تصرخ بكل علاة صوتهة حته الحجية طلعت من غرفتهة وضلت تبجي وياهة وكلما يحاولون يتقربولهة تصيح اعله وتضل تأذي نفسهة حجت آخر كلمة وتمنت تفقد الحياة اني وعيت عله نفسي وصحت عليهة وبسرعه شلتهة وسحلت مروة وصعدنه السيارة وبوجهي عالمستشفئ دخلتهة عالدكتور ركض وفحصهة وكال صاير عدهة انهيار عصبي ودخلت غيبوبه منعرف يمته تصحة ساعه  يوم اسبوع شهر سنه بيد الله ضليت مكابلهة ودموعي تجري ياريتني ماعفتهة بيوم حل القضيه اخ بس شيفيد الندم اجة كرم جايب ملابس واكل لبست مروة لأن جايه بعباية الحجية وتراك البيت لبست صايه وحجاب عدل وبدلت لنيلوفر وضليت شهر عالحاله هاذي مسابح بس مرة وحدة لحيتي عاليه شعري كفشه السواد جوة عيوني وكل هذا يهون لحبيبة كلبي بس كون تصحة كله بسببي كل يوم يجي كرم يجيبلي اكل بس اعوفه عله حطيتة وأخو سماهر كليوم مسويله طلابه بالمستشفى ويكول تضحكون عليه وراح اشتكة لشيخ عشيرتهم وسوو كعدة ثانيه وباجر الموعد ولازم احضر بس مااكدر اعوف نيلوفر وتعاركت وي الشيخ مرتين وهوة يكلي اخوتهة يمهة وهوة يوم محيأثر بس اني اكول بالله صحت وملكتني يمهة بس همة ميقنعون  والشباب منشفت دموعهم واستغربت ليش عمار مأجة معقوله ميدري أو يجوز مسافر الله اعلم رحت وياهم للكعدة بعد معانات وجانو الشيوخ مصدومين بشكلي ومن حجيت وياهم اتفهمو بس محجيتلهم تفاصيل مجرد كلتلهم صار عندي ضرف عائلي وكالو اليوم أعقد عليهة مدام اجيت فردنوب قبلت وانطيتهة مقدم مليون ومؤخر قرآن ادري بيهة إذا درت تشحط بس حيل بيهة هية جابت نفسهة لهذا الطريق 😏 واليريد الحلو يصبر عله مرة. بس الاختلاف هنا انو ماكو حلو كله مر
عقدت  بس احس الكلمات بلكوة تطلع وهية تجاوب بكل جسارة كملنه والشيوخ يباركولي مرديت وطلعت بوجهي عالمستشفى لكيتهم كالعاده كلهم يمهة بس هالمرة وجوهم تضحك رحت يمهم
صكر.. السلام عليكم
الكل.. وعليكم السلام. مبروك
صكر..  😒درت وجهي ومجاوبت بعد مانطيتهم نضرة
جاد .. ابشر صكر جسم نيلوفر بدأ يستجاب للعلاج ودتحس وتسمع الي يحاجيهة.
صكر.. ابتسمت بعد عذاب شهر وحمدت الله وكتله نكدر نشوفهة.
جاد..  بعد ساعتين الفحص النهائي وبعدهة يكدر يقرر الدكتور يمته نشوفهة. انشالله قريب
صكر.. انشالله ........................................ يتبع

ستوب وصلنه الآخر البارت اتمنه يكون عجبكم صح كله حزن  وهاذي اول مرة اكتب هيج بارت بالقصة يعني حزين بحيث دموعي مسيطرت عليهن 😥 المهم لتنسوون التصويت احبكم ❤️