ليالي ذياب (حقيقه مكتمله)

البارت الثامن

اروح لوين؟
كلشي گبالي من لونچ
اغمض والتفت والكاچ
كل الدنيا بعيونچ❤️

جستهَا وظل بأصابيعي
عسل منها ،
خيعون اليبوسنها .. !💛

ذياب : من وصلت للمستشفى كمت اصيح بعالي صوتي اجو اخذوه مني ودخلت للغرفه وعشر دقايق اجه الدكتور كال عده هبوط حاد ادخل شوفه بلشت اصحصح دخلت اشوفه اسمعه تكول هذا ذياب لالا اصحي ليال ذياب شنو يجيبه كمشت ايده وكتله بويه همزين بس انه وياج جان شهرتينه سكتت ماحجت ودكتور كال عدها فقر دم حاد وسوء تغذيه لازم تاكل علمود تاخذ علاج وتنزل حرارته نداريت خزرته وكتله انشالله تاكل وطلعنه سندته وداير وجهي عنه علمود لا احجي وياهه وصلت صعدته بسياره وصلنه يم مطعم جبتله معلاك وعصير زبيب علمود فقر الدم كتله اكلي ماقبلت عطت بيه اخذت الفه وكامت تاكل وهي ساكته اباوعله رجعت الفه على النص كتله انه شكلت كالت ماكدر كتله حجايتي ماصير اثنين كلته وهي دموعه تنزل ذيج اللحظه كرهت روحي وكرهت الدنيا لان خليت دموعه تنزل وصلنه للبيت اباوعله لكيته نايمه شلته خلت راسه بصدري ولفت ايده على ركبتي هنا متت تمنيت اخليه بكلبي شكد احاول انساهه بس ماكدر صعدته الغرفته وامه صعدت تركض متخبله على بته كعدت هيه وكتله عمه لازم تاكل علمود العلاج كالت عمه هي معانده عرفت لان فتركنه نداريت وكتله محد يسوه اسوين هيج علموده ادري قسيت وياهه بس اريده تنسه وترجع الصحته وشكرتني عمتي كتله لا عمه هذا واجبي اني اخوه الجبير سمعت بس شهكته راؤن طلعت من البيت رحت طلعت كعدت على الشط جان يم منطقتنه اكو شط رحت كعدت يمه مارجعت اله نص اليل ومافتت للبيت نمت ب المضيف وهاي صارت حالتي شهر كامل لا اكل مثل العالم ولا اشرب واسمي شارد من البيت ارجع نص اليل انام ب المضيف او احاول انام اسمع اخباره هي مريضه دوام كامت ماداوم و اسمه كاعده بغرفته كلت يوم يومين وتنسه بيوم جان ابوه عنده طلابه ورايح لغير محافظه اشوف ابن عمي شايل ليال هنا انه بويه خاف عندي شويه عكل طار العكل نهائي صحت بعلو صوتي كتله اووووكف شنو شايله كال خويه انت صدك تحجي البت راح تموت انخطف لوني وسحبته منه وركضت بيه اجت امه وياي وصلنه للمستشفى وأخذوه الدكاتره مني اووووف ياروحي من اشوفهم كالو مابيه نبض ضليت مثل الاسد المجروح اصرررررخ بنص الصاله احركهم ومحمد اذا مارجعت ليال لج ليااااال اصحي وامه تبجي جان ميهمني اذا درو احبه لو لا اهم شي تصحه اشوفهم كامو يسون اسعافات لكلبه وصدمات هنا فقدت وصحت وينك ياعلي ماعندي غيرك وكمت ابجي مثل النسوان واندب بعلي رجع نبض كلبه طبيعي بس كال الدكتور ٢٤ ساعه اذا صحت يعني ماعليه شي كلت اذا صحت نذر عليه اذبحله ذبيحه ضليت اليل كله سهران يم راسه اخاف تحتاج شي مادري بروحي من سهيت وخفيت خمس دقايق احس ايدي تحركت فزيت واني اشوفه مفتحه عيونه كتله ها يرويحتي كعدتي وصحت عمه كعدت ليال اجت امه تبوس بيه وانه ابجي وامسح ادموعي صار الصبح وطلعنه من المستشفى اول ماوصلنه ابوه ذبح فدوه اله وزعه واني ذبحت الذبيحه وسويناه غده كله جانت اضن لان اعزهن مثل خواتي اصرف هيج تصرف بس هلي يدرون ليش هيج اسوي و ابوي يضل يحجي وانه مامهتمله اهم شي رويحتي بخير ضليت يوميه اخابره ووصيه على علاجه ورجعت علاقتنه احسن من قبل واجت اختي وتعاركت وياهه لان ودتلي التلفون طلعت متفقه هي ومرت خوي لان مرت اخويه اجت امه نتطني بته وكتله مشكوره بيبي عندي وحده تتخله تاج ع الراس ضاجت وانه ادري بته تحبني وطلعن هنه متفقات والقهرني وضل حاز بكلبي شلون اختي تقبل اضر اخوه كمت اخذه وارجعه للمدرسه وجان اكو مكان قبل لا ن صل منطقتنه هيمه(فارغ) اوكف بي وخذ شفايفه بويه صارت شفايفه ادماني صارت شفايفه دماني كمت مايمر يوم اذا ماضوكهن احس روحي تلوب عليهن ضلت محبتنه تكبر وصرت ادمن شي اسمه ليال وتسودن بحروف اسمه كمت مانام اذا مو على صوته واسمع نفسه احس روحي رتبطت بروحه ماكدر اعيش بدونه ثانيه وحده خلال شهرين شكد نتكاون(نتعارك) بس ماعوفه ساعه زعلانه ماتحمل عوفه وهي هم راسن تخابر وتعتذر بس ماسلمت من هلي اسمهم يذبون حجي على ليال وتكاون وياهم حته نومتي عزلته كمت انام ب المضيف في سبيل ماسمعهم وكامت امي تروح يم بيت عمي وترجع تحجي بتهم عرفت تريد ترغبني بيه ومرت خوي تحجي بخته وانه ادري هنه شني كصدهن بس انه مامنطيهن حجي ولا مجال يوم خابرتني اخت مرت خوي اسمه نرجس
المكالمه 📲
ذياب : الو
لبنيه : الو
ذياب : منو وياي
لبنيه : انه نرجس وحبيت اسلم عليك وهذا رقمي خاف تحتاج شي
ذياب : سمعت صوت امه يمه كتله مشكوره خويه مامحتاج شي وانه من حتاج ماتجي منج وهسه الله وياج كالت
نرجس : اوكف
ذياب : خويه شني تردي مني وشراح تستافدين من لي جاي تسوي
نرجس : زين واذا انه حتاج شي منك
ذياب : عدج خوه وإذا ما كدروه انه هم اخوج

ليال : هنا يبدي عذابي 😓😞😞 احنه علاقتنه ماشيه ماينام اله على صوتي يكعد الصبح يخابرني ويحجي ياي واذا ماكو مخابره رسائل احس حياتي كامت ماتكمل اله هو وياي صح نتناكر بس كام زعلنه مايطول وره شهرين صار عدنه طهور وهنا المصيبه جان لازم التزم لان الطهور بيتنه وهنا جانت المصيبه شنو اختار وكال لا اخر شي لبست فستان محجبات وكوه قبل عليه رغم هو ختاره جان لونه احمر عدل على الجسم مخصر وجنت خاله هاي الربطه مالت المصريات لونه اسود وخاله مكياج خفيف ومنطلقه لان سوو حنه للطهور وعشه واني اركص مابطل هاي السالفه بس اسمع صوت اغاني اركص من وحدي ( مثلي وعلي ) كامو الولد يجون ياخذون العشه اني لبست الشال علمود ذياب مايضوج ورحت ويه البنات كام يحجي ويخزر طبي جوه ولا تطلعين للمطبخ زين شلون اطلع وهي المناسبه بيتنه جان قافل سكتت ماحجيت شي ابن عمي اسمه سيف يطب ويطلع يسولف يضحك ويكول بويه بت بغداد النازكه تشتغل كتله ياا يعني مو بتكم شجاك صار كومه كاعده يمكم وهذا بيتنه لازم اشتغل وضليت اضحك دخل ذياب وهو عيونه بكصته وكال ليال المكانج بسرعه ضليت صافنه كال كلت بسرعه البنات واكفات وامه وخواته ومرت اخو صدوك نهضمت لان صاح بيه كدامهم خليت ورحت كله ضلت تسال اشبي ذياب وشنو الصار جانت امه تبرر لا بس السانه طويل ليال ومتسكت كتله اللهم طولج يا روح بس ماسمع غير صوت ذياب وهو يكول الامه بسج عاد البت ماحجت شي ولا طولت لسانه بس وكفته هين ماله داعي والولد غربه كامت تحجي يمه كفي عن البت وطلع هي تخبلت شلون يحجي هيج وياه وضلت تحجي بس ماتكدر تحجي كدام واحد لان تخاف من ذياب خلصت الحنه ورحت الغرفتي بدلت خابرني مارديت رجع خابر هم مارديت دز رساله بنيتي ليال لاتكدريني اكثر ماني متكدر وخابر جاوبته بس ماكلت الو جان هو يكول رويحيتي حياة الروح اني اسف حبيبي بس والله اني شاب وعرف شنو يريد منج من وعرف نضرته وانتي جنتي فاتحه حلكج وضحكين وطالعه بهذا لبسج ولج اني حبيبج متت عليج من شفتج هيج لابسه
ليال : حبيبي انت ختاريته
ذياب : انعل ابو حبيبج ولج لو ادري ملبسج كونيه ولا هاي السالفه
ليال : ضحكت هههههههههه
ذياب : اي يروحي اضحكي يبعد ابوج هسه رتاح كلبي لاتضوجين والله حبيبي اخاف عليج واني اشوفج هيج
ليال : مشت حياتي بين حب ذياب وسوالف الغيره وحرمني من بيت عمي الي ابنه يصير سيف يكولي مارتاح اله اشوفه يباوعلج بغير نضره وبين مضايقات اهله ويوم اجت اخت سيف اسمه رحمه كاعدين نسولف وكالت افلان خطبني وعلان خطبني هي بكدي ضحكت كتله بابا اشبيج بعدج صغيره كالت لا اني مو علمود اصغيره بس اني متانيه ذياب
ليال : كتله شنووو واني مصدومه وكوه ساكته مااخنكتها
رحمه : اشبيج متانيه ذياب يجي يخطب ليال : واني هادئه ومنو كلج يحبج
رحمه : ليش انتي ماتدرين
ليال : شنو
رحمه : هو يجي ويكعد يمنه علمودي ويتاخر ياله يروح لهله
ليال : اني هنا كنما واحد وضربني راشدي شنو يمنعني منهم شنو يروح يمهم كتله مهنايه حبي وسكتت

الـحسـره تـآلـي اللـيل مـن تـمـر بــيـه
ما اهيسه ڪون الريل يمشي عله اديه

#سروش

١٢٣٠ كلمه

شكراً الكل شخص شجعني وساندني واحب اشكر ذياب وليال لان دايتعبون وياي