مساء الخير أحبتي
أتمنى لكم قراءه ممتعه
بقلم: زهراء البياتي
حوراء..كاعده بغرفه نور و ساره نايمه بحضني
و عيوني على نور الجانت نايمه على الجربايه والدموع تجري من عيونها
اخذت نفس و رفعت راسي و كمت ادعي ربي يفك ضيكها ويريح اختي
شلت ساره وحطيتها يم نور نيمتها
نور فزت وبس شافت ساره حجت
..روحي انتي خليها يمي
هزيت راسي وطلعت من الغرفه رحت لغرفه هدى
لكيتها هاي خطيه مخبوصه بالسادس و دتقره
نزلت جوه و رحت لماما بغرفته جانت تصلي و رافعه ايدها و تدعي بس دخلت مسحت دموعها
رحت وكعدت يمها واني احجي بصوت ناصي لان بابا نايم
..شلونج ماما
نهى..الحمدالله يمه شلونها نور
..تبجي بغرفتها
نهى..سوده عليا شبيدي عليها مابيدي شي
..ليش تراجعتي ومخليتينا نرجع
نهى..جدج كلي انتي اطلعين و ابني وبناته يبقون يم جدهم واذا تاخذيهم غصبا ما عليج ارجع اخذهم
..ميكدر ياخذنا هو ليش جهال احنه وياخذنه
نهى..منكدرله يمه منكدرله جدج محد يكدرله من ازوجني محمد وين ميروح يشتغل ايخلي ابو الشغل يطره بس حته محمد يطلكني ويرجع لابو لعد اذا اخذجن شيسووي
..شنوو هاي علساس هو يحبنه كولش ويريدنا اشو حته ميباوع بوجهنه
نهى..هو جدجن جامد و يتكابر بس يحبجن
..منريد هيج حب
نهى..لدوخين راسج يمه انتي معليج اهتمي بنتج و لبطنج وهاهيه
اخذت نفس وغمضت عيني
..نوب صرت اني حمل عليكم اني وبنتي
نهى..يا يمه شهل حجي احطج فوك راسي ولج انتي بنيتي الاولى انتي فرحتي
ابتسمت وحطيت راسي بحضنها
..الله ليحرمنا منج و بناتج وياج حته لتخافين
نهى..الله كريم يمه
حوراء..ددك ارجوان شجاوبها
نهى..لتجاوبيها و لتكوليلها اي شي خليها يمه فرحانه لان بس نكللها يضل بالها يمنه
..ماشي
ارجوان..اوووف وينهم ليش مديجاوبون
علي..شكو حبيبتي
..اخابر على نور مغلق اخابر على هدى متجاوب بابا
حوراء مشغول مادري شبيهم انته شكلك ايمن
علي..حجيت ويا ايمن ماكو شي بالبيت بس يمكن مديشوفون تلفوناتهم
..مادري خاف صار شي لبابا
علي..حبيبتي جان كالو ماكو شي لتخافين
درت وجهي و حطيت راسي على صدره العاري
وهو يلعب بشعري
..شبيج
ارجوان..خايفه على اهلي مو من عادتهم ميجاوبون علي
..حبيبتي ماكو شي لتخافين بعد ساعه و اخابر بابا وهم اسأله كدامج حته تتأكدين مابيهم شي
هزيت راسي وغمضت عيني
و هو ضل يبوس براسي و يلعب بشعري
هدى..مر اسبوعين واجانا خبر عمر متصوب برجله
هنا حوراء اتخبلت و ضلت تبجي
لحد مطمنا عمو حسن و كال موجود بالمستشفى ومابي شي بس برجله اليمنا متصوب طلقه
حوراء شوي ارتاحت بس ضلت بليل تقفل الباب وتضل تبجي و خاصه من عرفت بعده ممطلك ايناس
والظاهر مجذب على حوراء من كايللها مطلك
لان ايناس حامل و بشهر الثالث
من سمعت حوراء هل خبر اتخبلت ورجعت بس تبجي
حته اكل متاكل
لحد ما يوم من الايام بليل بعد معرفت الخبر مال ايناس سمعنا عياط حوراء
رحنا كلنا و شفناهه نايمه على الجربايه و تباوع على رجلها الجانت عباره عن دم
أنت تقرأ
فراشاتي والزمن (مكتمله)
Romanceقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
