مساء الخير أحبتي ❤
أتمنى لكم قراءة ممتعة
بقلم: زهراء البياتي
هدى..وصلنا للبيت و اني زعلانه من ايمن هو كل دقيقه
يشاقه وياي حته يصالحني
ايمن..اخخ ضهري
باوعت علي لتسوي هل حركات تره ما اصدكك
ايمن..يا حركات بس صدك هل ايام ضهري ديوجعني
عفته و نزلت من السياره
عكدت حواجبي من شفت ياسر لازم نور
و نور تريد تفلت منه و هو مجلب بيها
ايمن من نزل و شافهم بسرعه راح ركض على ياسر
اني هم ركضت وراه
ايمن لزمن ياسر من وره و جره
ايمن..لك عوفها شدتسووي انته
ياسر..عوفني ايمن لتدخل
ايمن..دعوفها دفعه و ياسر رجع ليوره
شبيك انته مخبل شكو لازمها
ياسر..معليك
ايمن..شنو معليه مو هيه بكيفك
نور ركضت بسرعه و دخلت للبيت
اني ركضت وراهه
صعدت فوك نور للغرفه بسرعه
واني وراها
اول مدخلت طلعت تلفونها وضلت مادري شتكتب
هدى..شكوو شدتسوين
نور..اسكتي خل امسح رقم جعفر
..ليش شكوو
مجاوبتني ضلت ترجف و مادري شسوي بالتلفون
سمعنا صوت ياسر على الدرج و هو يصعد
نور بسرعه شمرت التلفون و كعدت
اجه ياسر للغرفه شافنا
ياسر..داكللج انطيني التلفون لو خايفه لان عندج شي
باوعت علي بغضب
نور..هاك اخذه هذااا
صفن عليها ياسر و اخذ التلفون و طلع من الغرفه
اجه ايمن و دخل واتحولت نضراته لنور الجانت كاعده
ومبين عليها الخوف
ايمن..بيج شي
نور..لا مابيه شكرا
هدى..شبي ابن عمك مجلوب
ايمن..هدددى
هدى..شنوو هدى ها ها اي مجلوب و نص شكو ياخذ تلفون البنيه منو هو ويتحكم بيها
ايمن..ابن عمها و هم ايريد يكول ناهي عليها بس سكت
وباوع على نور و فرك وجهه
..شوفي نور تره ياسر يحبج
نور..ايمن اططلع
ايمن..بس اسمعيني
نور..ايمن اطلع انته و هدى اطلللعو ماريدكم كلكم كلكم ماريدكم اطلعووو
هدى..شفت نور منهاره و تريد تبجي
اشرت لايمن خل نطلع و طلعنا
سدت الباب هيه و قفلته
اجت ماما تلهث
نهى..شكووو سمعت صياح نور شكو شصاير
هدى..ماكو شي حبيبتي بس هيه تريد تبقه لوحدها
نهى..لا شفتكم صعدتو ركض حته ياسر خاف سوالها شي ياسر
هدى..لا مسوه بس اخذ تلفونها
نهى..تلفونها؟؟
هدى..اي مادري شيريد بي بالبدايه منطتنه و بعدين اخذه
نهى..وين ياسر هسه
هدى..بغرفته
راحت ماما متوجهه لغرفه ياسر و مبين عليها العصبيه
ايمن بسرعه راح يمشي وراها وبده يهديها يكلها خاله يمكن يريد يصلح بي شي
دكت الباب حيل على ياسر
طلع ياسر و اول مشاف ماما استغرب
نهى..انطيني تلفون بنتي
ياسر..مو هسه فد دقايق و ارجعهه للتلفون
نهى..لا هسسسه انتتتته منو و تتحكم بنتي هااا منو
شكو انته و تاخذ تلفونها اني كلشي ولا واحد يضوج بناتي اشو انطيني التلفون بسرعه هسسسه
ياسر..خاله شوي و ارجعه للتلفون و بعدين اذا اني منو فراح اجاوبج و اكلج اني زوج بتج تره
حجاهه و سد الباب
ماما لزمت راسها و رادت توكع بسرعه اني ركضت لزمتها من وره
هدى..ماما بيج شي
هزت راسها بلا مشت و راحت اتكت على الدرج و كعدت على البايه مال درج و حطت ايدها عل راسها
أنت تقرأ
فراشاتي والزمن (مكتمله)
Dragosteقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
