رسالة من مجهول 📝💖

الحلقة ٣٠

الحلقة ٣٠
#رسالة_من_مجهول
#بوسى_مصطفى
________________

في الصباح... قدام شقة راوية
مديحه ترن الجرس تقوم راوية اللي كانت لسه صاحيه من النوم تفتح الباب
مديحه : ايه كنتي نايمه ولا ايه
صباح الخير الأول
راوية : منمتش طول الليل
مديحه تدخل وتضع الصنيه ع السفره
راوية : ايه دا يامديحه
مديحه : جلال كان متأخر ع شغله نزل جرى ومفطرتش قولت هفطر لوحدي
فجيبت الأكل وقولت تفطر مع بعض
مالك بقى
راوية : مش عارفه طول الليل عماله اتقلب ومش جيلي نوم خالص
منمتش غير بعد الفجر وصاحيه مصدعه وجسمي متكسر ونفسيتي وحشه اوي
مديحه : ادخلي اتوضي وتعالى صلى.. الضحى
واستغفري كده... وانتي نفسيتك هتبقى زي الفل
هروح اعمل شاي عقبال م تصلي
راوية : هههههههههه رايقه يعني
مديحه : هههههههه اهو حد فينا يبقى رايق
راوية : هههههههههه طيب
مديحه : مالك ياوليه في ايه
راوية : هههههههههه اصل اللي يشوفك النهارده ميشوفكيش امبارح
ولا دا علشان جلال كان بايت عندك
مديحه : اه والليلة هيبقى هناك
راوية : خلاص نكدي بقى لحد بكره
يااختي متبقيش طماعه بقى
مديحه : شوفي انا صاحيه رايقه زي م بتقولي ومش عايزة حاجه تعكنن عليه ماشي
راوية : طيب يااختي اعملي الشاي بقى
مديحه : حاضر
______________

في السعودية.. بعد الظهر
ايمن : ياعم سيف قوم بقى انت مقضيها نوم من امبارح
وواخدلي اجازه النهارده كمان
سيف : ماسيلني يااخي استريح
هو تاعبك في حاجه
شادي : ياابني قوم نقعد مع بعض شويه
هتوحشنا بجد وهنفتقدك
رضا جاي يقعد وسطهم : وانا ياجدعان مش هوحش حد
شادي : ليه نازل مصر
رضا : لأ بس
هو انا لازم انزل مصر يعني علشان اوحشكم
شادي : لا انزل انت بس وملكش دعوة
ايمن بيتكلم في التليفون 📞
ايمن : اه كلنا موجودين
انت قدام الباب؟
طيب ثواني هفتح
رضا : مين ياايمن
ايمن : ضيف عزيز علينا كلنا
شادي : هههههههههه هو اللي جه في بالي صح
رضا : هو مين بقى
شادي : مش هقولك
رضا : طول عمرك غلس
شادي : مش ارخم منك يعني
رضا : متغلطش
شادي :" انت اللي بدأت
سيف : وبعدين معاكوا متكبروا شويه
سامح ببتسامة : انا جيت
سلام عليكم
يرددوا : وعليكم السلام
يسلم سامح عليهم واحد واحد
رضا : اللي انا شامه دا حقيقي
شادي :"هههههههه انت بتحشش من ورانا يامتر
ايمن : هههههههههه يااخي انت حاسه الشم عندك ايه
هههههههههههههههههه امسك الخشب
سامح : هههههههههه
شادي : نتوا بتضحكوا على ايه
ايمن : سامج عازمنا على أكلة سمك معتبره هههههههه
والقط دا قصدي المتر دا شم ريحة السمك
رضا : تصدق ياسامح انا طول عمري اقول عليك راجل جدع
شادي : ياراجل!
رضا : ايه انت عندك شك أن صاحبك جدع ولا ايه
شادي : متوقعناش في الغلط بقى
واقفل بوقك ده
سامح : بمناسبة إن سيف نازل مصر بكره
اتفقت مع ايمن إننا نتغدا كلنا مع بعض
ايمن : وانا اللي اقترحت نوع الاكل ع فكره
رضا : ياريت بقى يكون في الأنواع اللي بحبها
شادي : طفس
رضا : شوف انا مش هتكلم معاك دلوقت
علشان بس مش فاضي حسابي معاك بعدين
وجرى رضا يقعد على السفره
ايمن : هههههههه كل واحد يهز طوله بقى ويلحق الاكل قبل ميتنسف
سامح :"خد ب ايد يلا
سيف : ايه ياعم مالك
سامح : هههههههههه مفيش
يلا بينا
سيف : طب خد ب ايدي بقى طالما قومت
سامح : احنا شباب ورق ع كده
سيف :" ع فكرة وانا في مصر كنت أنشط من كده
سامح :"م اخدتش ع الجو لسه
سيف : هههههههههه اديني مروح
شادي : ياقوم ياللي جوه
الاكل هيخلص متجوش تعيطوا بقى
سامح : اكل ايه اللي يخلص
دا انا اروح فيكم في داهيه
دا جايب حوالي سته كيلو سمك
رضا : بقشره ولا من غير
شادي : كل وانت ساكت
رضا : اهو الجمبري نص خرج قشر والاستاكوزا اهيه
فين بقى السته كيلو دول
ايمن : انت خلصت ع الجمبري
سيب حاجه لاخواتك يااخي
شادي : اوعي بقى هات
اتفضلوا ياشباب
رضا : طب هاتلي واحدة بوري من اللي قدامك دي
ولا اقولك هاتلي سلمون وخلاص
ايمن : اديلوا اللي هو عايزة ياشادي
سامح : هههههههه انتو كل واحد فيكم مسك طبق مش عايز يسيبه
م تاكل ياسيف انت جنبك ناس تقرقش الزلط
رضا : ياكل ايه ياعم
ماهو رايح للبط والحمام والوز
متبقاش تنسانا بقى في كام جوز حمام كده ومعاهم جوز بط حلوين وعليهم كام جوز فراخ بلدي
علشان انا معدتي وحشها اكلنا اوي
شادي : لما انزل هبقي اجيبلك بس كله بحسابه طبعاً
ايمن : هههههههههه
رضا : شايف صاحبك بيقول ايه
عايز ياخد حق الهديه
شادي : هههههههههه كل دي هديه
وبعدين هو احنا بنشوف منك حاجه يااخي
رضا : لما انزل هبقي اجيبلكم
شادي : في المشمش ياحبيبي
سامح : الحمد لله
قوم بقى ياشادي اعملنا جردل شاي
سيف : هههههههههه ليه مش برميل
شادي : انا عارف!
هعمل شاي بس مش همد ايدي في حاجه تانيه
يعني تشيلوا الاكل وتروقوا المكان... اوكيه
رضا : مش يومك في التنضيف ده
شادي : ايوه بس متفقناش على السمك
دا تنضيف لوحده بقى
ايمن : طول عمرك كسول
اخلص اعمل الشاي وتعالى ساعد رضا
شادي :"انا قولت هعمل الشاي بس
قرب سيف يسحب المفرش البلاستيك اللي ع السفره
وكل واحد قرب اللي اخد كوباية واللي اخد طبق
شادي : الحوض دا بقى كده ازاي
ايمن : شمر كمك كده وشد حيلك بقى
عايزين الأطباق بتبرق
شادي : بقى كده ياايمن اوكيه
ايمن : انت مش أكلت يبقى تغسل اطباق السمك
ولا هو حلو في الاكل بس
في غرفة سيف
سيف : لو في حاجه تانية عايزني اوصلها لمامتك هاتها وملكش دعوة
سامح : لا علشان الميزان
سيف : ياابني ميهمكش هات وانا هتصرف
ايمن : كفاية كده على سامح علشان لسه هتاخد شنطه ليه ولشادي
سامح : هههههههههه م دا اللي انا اقصده
سيف بس مش واخد باله
سيف : لا انا عامل حسابي
في واحد صاحبنا بردو مسافر معايا وقالي إن معهوش غير شنطه تلاتين كيلو
قولتله خلاص تشيلي ميزان معاك
سامح : بس معنديش حاجه تانيه ابعتها معاك
اه معلش يا سيف افتكرت كنت عايز اشتري حاجه لحماتي
سيف : مفيش مشكلة روح اشتري براحتك بس تيجي قبل م انام علشان هكون بقفل في الشنط
سيف : تمام... حاضر ساعه وجيلك.. سلام
شادي :"الشاي ياشباب
ايمن : جه في وقته هات كوبايتي
شادي : اتفضل... امال سامح راح فين
ايمن : راح يشتري حاجه وجاي
________________