رسالة من مجهول 📝💖

الحلقة ٣١

الحلقة ٣١
#رسالة_من_مجهول
#بوسى_مصطفى
________________

هيثم : ها... رجعت ليه؟؟
سيف : مفيش اخبار عن أميرة
هيثم : أميرة مين
سيف نظر لهيثم بحزن
هيثم : اه تقصد أميرة صاحبة زينة خطيبتي
لا معرفش عنها حاجه
وبعدين مش كنا خلصنا من الموضوع دا ياسيف
راجع ليه تفكر فيه
سيف : مفيش... بس جات ع بالي فجأة كده
خلاص مش مشكلة بقى.. سلام
هيثم : مع السلامة
____________

بعد الظهر.... في شقة جلال الجديده
نوران : مينفعش كده يااميرة لازم تاكلي
انا بقى هتصل ع خالك يجي يتصرف معاكي
انا مقدرش اشيل ذنبك
جلال ببتسامة : مين بينادي
نوران : انت جيت ياجلال
حمدا لله... على السلامة
تعالي بقى شوف أميرة اللي عامله اضراب عن الأكل
جلال :"مين دا اللي عامل اضراب
إن م خليتها تاكل الأطباق دي كلها
مبقاش جلال هههههههه
وبيشمر كم القميص
زودي بقى في الاكل يانور علشان هناكل كلنا مع بعض
نوران : متعملوش حسابي معاكو
جلال : ليه ياحبيبتي
نوران : باكل لقمه خفيفه كده ع قدي لما بكتر بقى معدتي بتتعبني بسبب الحمل م انت عارف
جلال : ألف سلامة عليكي
خلاص هاكل انا واميرة حبيبة خالو
نظرت ليه وهي بتبكي
غمز جلال ل نوران اللي فهمت وخرجت من الغرفه
قرب جلال وقعد جنب أميرة
جلال : وبعدين بقى مش قولنا نهدي كده ونبطل عياط
ولا انتي عايزه تزعليني منك
أميرة هزت دماغها وهي بتمسح دموعها
جلال رجع شعرها ورا ودانها وطبع قبله على جبينها
جلال : هناكل وتحكيلي كل حاجه
أميرة : احكي اقول ايه ياخالو
جلال : شوفي يااميرة انا مبقولش ان نبيل مغلطش لما مد ايده عليكي بس واضح انه كان شارب حاجه ودا باين اوي
ومش مبرر ع فكره ولازم يتربى ع اللي عمله ده
أميرة : خالو المشكلة مش إنه كان شارب ولا لأ ولا المشكلة كلها في إنه ضربني
المشكلة اكبر من كده
جلال : واضح... ودا اللي انا عايز افهمه بس ناكل الأول علشان تركزي كده وتقوليلي كل حاجه
داخله نوران ب الصنيه وبتخبط ع الباب قام جلال اخد الصنيه منها
ووزع الأطباق في الصنيه التانيه اللي كانت ع السرير
نوران بتسحب الطربيزة علشان تضع عليها الاكل يقرب ياخدها منها
جلال : متشليش حاجه تقيله
نوران : مش تقيله ولا حاجه
جلال : ولو برضو... اقعدي استريحي
قعدت نوران ع الكرسي قصاد السرير اللي نايمه عليه أميرة
وسحب جلال كمان كرسي جنب نوران ووضع الطربيزة بجانب السرير ووضع عليها الاكل
جلال : يلا بقى يااميرة علشان نفتح نفس بعض
أميرة : مش قادرة ياخالو بجد مش قادرة احط حاجه في بوقي
جلال : لأ انتي بتدلعي وعايزاني اكلك في بوقك زي زمان فاكره هههههههه
ابتسمت أميرة وهي بتمسح دموعها
نوران : ايوه كده اضحكي شايفه وشك نور ازاي
نظرت اميره في المرايا اللي قصادها وشافت نفسها
ووجها اللي عليه علامات الضرب
جلال بيقرب المعلقه من بوقها
أميرة : معلش ياخالو مش هقدر اكل
جلال : دا رز ابيض من غير ولا نقطة صلصله
هههههه عارف إنك بتحبي الرز كده
فاكره لما كنتي بتتخانقي معايا واحنا بناكل علشان كنت بحط صلصه ع الرز وتقولي هه ياخالو مش هاكل
هههههههههههههههههه كنتي قماصه اوي
نوران بتضحك
أميرة : زمان بقى وانا صغيرة
دلوقت في حاجات كتير تغيرت
جلال : مفيش حاجه تغيرت انتي زي م انتي
هههههههههههههههههه عارفه يانور اللي قاعده قدامك دي ذنبتني مرة قدام المدرسة بتاعتها ومصممه اني اشيلها علشان مش عايزة قال ايه تمشي في الطينه
أميرة : ماهو انا كنت هقع يرضيك أقع في الطينه وهدومي تتبهدل وماما تزعقلي
جلال : لأ اشيلك على كتفي بالشوز بتاعك اللي كان كله طينه
هههههههههههههههههه
نوران : هههههههههه ياخبر وعملت ايه
جلال : م انا بقولك شيلتها
اميرة : ويومها ماما غسلت القميص ولا لأ
جلال : الصراحه يعني غسلته منكرش بس انا اللي اخدت دوش ساقع يومها لان السخان مكانش شغال
نوران : هههههههههه
جلال : وجالي دور برد وكنت بموت
أميرة : بعيد الشر عليك ياخالو
افتكرت الموقف دا وانت شايلني امبارح ع كتفك
جلال : واشيلك فوق دماغي كمان انتي الغاليه بنت الغاليه يااميرة
جدك... ﷲ يرحمه
مكانش عنده أغلى من مامتك وهو تعبان وفي أيامه الاخيره كان دايما يوصينا على مامتك
هي بقى اللى اخدت حنيته وقلبه الطيب
أميرة : وحضرتك كمان ياخالو حنين اوي
نوران : هو من ناحية الحنيه فهو فعلاً حنين اوي وكل الناس بتحبه
جلال : ايه دا انتو هتقلبوا القعدة كلها كلام عليه ولا ايه
يلا افتحي بوقك
أميرة : طب م تأكل طنط وسيبني انا اكل براحتي
جلال : خلاص لو هتاكلي انا هاكل طنط افتحي بوقك بقى يانور
نوران : هههههههههه طب شيل شويه من المعلقه هتدخل بوقي ازاي دي
جلال : هههههههههه عندك حقك
تمضع نوران الاكل وهي ناظره لجلال ببتسامة
واميرة مبتسمه ليهم
باسم بينادي
نوران : هقوم اشوف باسم خلص أكله ولا علشان اغسل ايده
جلال هز دماغه وخرجت نوران
أميرة : طيبه اوي طنط ياخالو
جلال : هههههههههه طب كلي ياخالو علشان لسه عايزين نتكلم
أميرة بحزن : انا ماصدقت نسيت بتفكرني ليه بس
جلال : انا آسف ياحبيبتي
____________