رسالة من مجهول 📝💖

الحلقة ٣٢

الحلقة ٣٢
#رسالة_من_مجهول
#بوسى_مصطفى
____________________

ابراهيم : استنى يااميرة رايحه فين
جلال : عاوز ايه منها ياابراهيم
ابراهيم : سؤال عجيب يااخي
امال احنا جايين هنا ليه
جلال : ماهو انا كمان بسأل نفسي السؤال ده
ياترى جاي ليه وجايب ابنك معاك ياابراهيم
تكونش فاكر هتطيبها بكلمتين والأستاذ يبوس دماغها
وياخدها في ايده وهو خارج ولا كإن في حاجه حصلت
ابراهيم : ممكن تخليك محضر خير
ولو سمحتي بقى ياراوية لو عاوزه نحل الموضوع دا الأستاذ جلال يتفضل على شقته
راوية : ليه ياابراهيم علشان حقاني ولا تكونش فاكر إنك جاي تضحك عليه وعلى بنتي بكلمتين
وفر وقتك ياابراهيم وروح شوف شغلك ومتنساش تاخد ابنك في ايدك
انا كنت بجوزها ل راجل
بس للأسف اللي يمد ايده ع واحده ست ميبقاش راجل ياابن اخويه
نبيل : انا اسف ياعمتي متزعليش مني
انا مش عارف عملت كده ازاي
راوية : ب امارة ايه اسامحك
بعد م كسرت قلب بنتي واهانتها وحسستها إنك واخد واحده من الشارع
ب امارة لما جريتها وعايز تخرجها بره الشقة علشان تنزل تقول ل ابوك إنها مش عايزاك
طب يااخي لما الموضوع كده
مقولتش الكلام دا من الاول ليه
ولا فاكر الجواز لعبه
وبنات الناس عادي كده تظلمهم وتقهرهم بالشكل دا
انا مش هبطل دعا عليك
واللي عملته في بنتي تيجي واحده تعمله فيك هي وأهلها
ولا اقولك ابني يعمل في اختك كده ووريني بقى هتعمل ايه وقتها
ابراهيم : ملوش لازمه خراب البيوت دا ياراوية
انتي عايزة تخربي ع الكل ولا ايه
راوية : ابنك قال ل بنتي إنه اتغصب ع الجوازه دي ياابراهيم
قولي بقى مين اللي غصب المحروس ابنك وقاله يتجوز بنتي
اشحال انك سيبت الدهب عندي شهور ومكونتش عايز تاخده ياراجل
أميرة بقيت وحشه دلوقت يانبيل
طب يااخي لو عندك حبه من الرجوله كده جيبتها زي م اخدتها من عندي
ولا هي طفاسه وبجاحه كمان
شكري : عيب اللي بتقوليه دا ياراوية
راوية : بقولك ايه اسكت انت منتكلمش
علشان انا جوايا نار دلوقت ولو خرجت كل اللي عندي هولع فيكم كلكم
انتوا عايزين ايه
غصبت على ابنك يتجوز بنتي ليه ياابراهيم
جلال : هدي نفسك بس ياراوية انتي مش قادرة توقفي
راوية : علشان قلبي ابن اخوك كسر بنتي وطفي فرحتها ياجلال
ابراهيم : مين قالك إنه اتغصب ع الجواز من بنتك يا راوية
وبعدين عيب تقولي الكلام دا
هو جوزها مش جايبها من الشارع زي م بتقولي
راوية : قول ل ابنك الكلام دا
بتقولهولي انا ليه
انا عمري وشبابي ضيعته عليهم
مش علشان واحد زي ابنك يجي يبهدل بنتي
لا ياابراهيم بنتي مش هترجع ل ابنك
ولو وقف ع شعر راسه
شكري : اخر كلام عندك ياراوية
راوية : اخر كلام عندي ياشكري
شكري : يلا ياابراهيم سيبها تهدا دلوقت ونبقى نتكلم بعدين
راوية : مفيش بعدين ياشكري
يطلقها دلوقت علشان ناري تبرد
ابراهيم : ولما يطلقها نارك هتبرد برضو ياراوية انتي اكيد اتجننتي
راوية : انا فعلاً اتجننت لما جوزت بنتي ل ابنك ياابراهيم
ابراهيم : ماشي يااختي ع العموم تشكري يلا بينا ياابني
_____________