عباس

عباااس

.

آنه ادري ترجع ماتضل بس يمته

عباس خلصت النجم وين انته

وديتلك بيد الفراشات تراب

من يوصل أتذكر الوجه العفته

كالولي تقريباً نساج ورديت

أي ينسه روحه

جفوفه

مو ينسه اخته

وكالولي طاح وكلت بس مو عالكاع

النده يطيح اعله الورد شايفته

عاتبته بس مو من صدك ردته يكوم

لا من كلب ولسان ماعاتبته

عباس يأحلى شاب بديرتي وأبسط شاب

التربه وشفايف علي مطرزته

نوم العوافي يلوكلك يامن جان

طيفك يمرني وكاعد بصفي انته

من تمشي يتباهه السحاب الفوكاك

من توكف تراضي التراب الدسته

عباس مشتاقتلك بكد عباس

بكد حيرتي وليل البروده الضكته

أتغطه بس شيفيد اعرفك بردان

كلبك بكد السمه بس حافضته

عباس لو صايحته يوصلي بساع

كبل النفس بس آنه ما صايحته

؟؟