بعض تفكير الشباب او اهل الشاب جذبني انو اتكلم حول هيج موضوع ...!!
فئه من الشباب يرتبط مع بنت ويعيشها قصة حب وكلام حلو ومعسول ويمكن هالعلاقه تدوم لسنه او اكثر وتطور العلاقه وتصير بين البنت والشاب مواعدات وكل واحد يشوف الثاني ويستمر هالوضوع للوقت الي البنت تكون في جديه وتفتح موضوع الخطبه والزواج مع الشاب ..... تتوقعون شنو راح يكون الجواب ..!!!
انه مستحيل اتزوج بنت طلعت وياي وشفتها وصار بينه كلام وطلعات ونساات...!!!؟
عفواً ؟؟؟
البعض راح يكول انو لا مستحيل لهذا الوقت اكو ناس تفكر بهالطريقه لا لا لا ... اكو لهذا الوقت وللوقت الي تنتهي في الحياة اكو ناس لهذا الوقت يكون تفكيرهم متخلف رجعي محدود وضيق اكو لهذا الوقت ناس ماعدها ضمير يأنبها وهم يتونسون بمشاعر المقابل ومنو الضحيه لهذا الموقف ؟؟!
بكل تأكيد البنت بأعتبار كثير من البنات يخلون عاطفتهم ومشاعرهم هم الي يتحكمون فيها وبحياتها ويكون من الصعب انو تجتاز هذه الصدمه بكم شهر او حتى سنه بس بنفس الوقت راح يكون درس الها درس يعلمها كثير اشياء لكن اكيد هالدرس مو مجاناً هالدرس كلفها ثمن غالي ..
رسالتي لكل شخص يفكر بهالطريقه هذه حاول تجلس مع نفس وتكلمها ....البنت الي طلعت معاك طلعت وهي عندها ثقه بيك انو ماراح تتركها ماراح تكسرها وطلعت وهي مخليه بيك كل ثقه العالم حاول تقدر هالشي
ورسالتي لكل بنت الشخص الي يحبج راح يخاف عليج من نفسه راح يخاف انو تجيج حجايه بسببه اختيار شريك الحياة شي مو غلط لكن الغلط انو احنه نختار الشخص الغلط حتى يكون شريك حياتنا
أنت تقرأ
واقع مؤلم رأي يرضي
Aléatoireلكل شخص قصة مؤلمه او احتمال واقع مؤلم لهذا السبب كتابي اختصار عن رأي او حل يفيد واقعك
