مساء الخير أحبتي
أتمنى لكم قراءه ممتعه
بقلم: زهراء البياتي Zahraalbayati
نور..جنت متوتره افاتح الموضوع ويا ماما بس الباجر حيجون اهله ولازم اكللها
نهى..هاج سوي زلاطه حبيبتي
اخذت الخيار و الطماطه وبديت اغسلهم بالمي وبالي كله شلون حكللها جانت الاء موجوده و تكلي بالكبه و بيبي تعزل بالمسواك
نور..ماما صدك سهى حجت وياي
نهى..يا سهى ها صديقتج مو
..اي
نهى..اي شبيها
..هيه و اهلها باجر حيجون يخطبوني
بس كلت هيج ماما صفنت علي
والاء شهكت و بيبي ضلت هم صافنه و لازمه العلاكه البيها برتقال
نهى..شلون يعني اهله حيجون مره ثانيه بعد الصار
بلعت ريكي وسديت المي وباوعت على ماما
..اي حجيون مره ثانيه
الحجيه..وانتي شنو قابله بعدج على الولد
هزيت راسي بأي
الاء هزت ايدها و حجت
..والله عمي زين منهم يجون مره ثانيه بعد الفضيحه الصارت بس كون باجر ميجي ياسر ويعيد الفضيحه و هم ينهي عليج
الحجيه..شنو هل حجي الاء
الاء..شحجيت حجيه قابل جذب
الحجيه..نور باوعي علي شويه
باوعت على بيبي
..بنيتي يعني انتي قابله بأخوها؟؟
..اي بيبي ليش ما اقبل مابي الشي الولد
الحجيه..حته ياسر مابي شي يمه اخذي القريب احسن من الغريب مشفتي حوراء شصار بيها
..بيبي مو مره كلتي مو كل اصابعنا سوه
الحجيه..اي صح بس والله مادري شكلج تره ياسر بنيتي شاريج والله يحطج بعيونه
درت وجهي وكلت
..بيبي اخذت قراري اني وافقت على جعفر
بيبي كامت تباوع عليه بنضرات معرفت شلون افسرها بس عرفتها مقهوره لان مقبلت بحفيدها التريده الي
ماما محجت شي كلتلي القرار يرجع الج وانشالله الكاتبه الله يصير اهم شي فكرتي انتي
كتلها فكرت واني بعدني موافقه على جعفر
بعدين بيبي كالت
.. لعد لازم نخبر علي على كل الصار لان ميصير ميعرف شي وهم نخلي يشوف الولد زين او لا
كتلها لبيبي
..بس عمو حسن سأل علي
جاوبتني بعناد
..عادي نسأل علي مره ثانيه نخلي علي خوش يسأل ويبحوش على الناس
هزيت راسي وكتلها بكيفكم لعد اخابر سهى واكللهم لتجون باجر
بعدين بيبي جاوبت لا اني اخلي علي يخابرهم
اخذت نفس عرفت بيبي تريد تخرب الخطبه وتريدني لياسر بس مهتميت وكتلها خل يخابر
لان جنت ادري جعفر واهله سمعتهم زينه
بس حسيت هم وراح مني بس كلتلهم على موافقتي
بس شي بداخلي مقهور هم على ياسر بعد معرفت صدك هو يحبني وهم يعشقني بس ماكدر اتقبله واني احب انسان ثاني
حوراء..جنت لابسه بنطلون و قميص طويل اسود وبي فضي وشال و كعب و نور حطتني مكياج كلتلي حته ميشوفج مقهوره وضايجه علي لازم تتمكيجين وتبينين اله انتي فرحانه
..لو شتحطيني حيعرف دامثل وين اكو وحده تفرح بيوم محكمه الطلاك
نور..لا غصبا ما عليج تخلي يشوفج فرحانه لتخلي يشمت بيج صيري قويه ولتبينين اله مقهوره ابد ابد
أنت تقرأ
فراشاتي والزمن (مكتمله)
Romanceقصه حقيقيه باللهجه العراقيه فراشات في زمن لا يرحم فماذا يكون مصيرهن؟!🌷
