وأخيرا القصة المنتضرة ❤️ الكاتبة زهور السليماني في قنبلة الموسم
غادي نقيس بزاف ديال المشاعر فهاد القصة غانقيس مشاعر كل أنثى وكل مرأة غانعطيكوم نبدة عن حياة مرأة تقدر تعيش بلاصتها اي وحدة
قصة خدات من عقلي مدة كبيرة وخدات من وقتي ساعات لا تحصى ولا ت...
غادي جاي فبيتو تاسمع الدقان فالباب وهي دخل الخدامة كوثر .. كوثر : موسيو نبيل سي تاجدين كيعطليك وبغاك تكلملو .. نبيل : واخا يمكنليك تمشي .. خرجات وهو هز تيليفونو شاف فالتصويرة مزيان تامشا زاد جوج خطوات وهو يتم راجع لاح التيليفون فوق الناموسية عاد مشا خرج ... كان حسن واقف جيهت الشرجم وعكازو فيدو كيف العادة ... البيرو ديالو جا كبير وواسع داير بحال داكشي ديال براف كامل خشب وفيه الرفوف عالين تالسما فيهوم كتوبة جاو فالحيط لي مور البيرو، تسمع الدقان وهو ينطق بصوتو : ادخل .. فتح نبيل الباب ودخل وسد موراه وطلع عينو شافو فين وقف قرب بشوية ووقف .. نبيل : هنا اجدي قلتي بغيتيني .. دار حسن بقا كيشوف فيه وطول فيه الشوفة كيتمعن فالضرابي لي فوجهو مخسر سيفتو . حسن : كيبقات بعدا حالتك .. نبيل : ( ضغط على سنانو ) لاباس هانتا كتشوفها .. حسن : ( مشا تحرك لفوق البيرو جبد واحد الملف وتم راجع مدولو ) اشنو هادا . نبيل : ( شاف فيه وشاف فالملف شدو فيدو وفتحو كيشوف الدعوة لي دفعها هاد العشية للمحكمة ) جدي ا ( قاطعو ) .. حسن : ياكما الضرابي لي عطاك خلخلوليك عقلك مم .. رجعتي باغي تبين راسك اشنو ندير اري نرفع دعوة ؟؟ .. لعبتي فيرا قلنا ماكاين موشكيل غايدير عقلو ماخليتي مادرتي فالبيران ولاباس لي ماشافومش دوك الكلاب دالصحافة قلنا غادير عقلك وباش كملتيها بديتي تمد فيديك ورفعتي دعوة على خوك، شنو باغي تخرج فينا السكر اااه .. نبيل : راه ( يالاه غايهضر وهو ياخد واحد التصرفيقة تادارلو حنكو ) .. حسن : هادي باش تعلم تحط يديك عند البوليس بلا ماتشاور معايا، نتا مزال ماعارفش حنا فين ياك وغادي كيالكلب عند البولس مم، باش تعطيهوم فرصة يجبدولينا مصارنا ، يا غادي تنزل داك الدعوة، يا غادي نتيرا منك وغاتنسا شي حاجة عندها علاقة بكنية تاجدين ... طلع نبيل مصدوم : شكاتقول اجدي .. حسن : ( كيغوت ويرجع اهضر مبرد ) هادشي لي صالح ليك لي كيبغي يدير بلاصتو كيديرها بالهدوء والعقل ولا نتا لا ولد عمك مابغيتو تفهمو هادشي يالاه خرج عليا منهنا .. زير على الملف لي فيدو ومشا بخطوات سريعة خرج من البيرو عينيه حومر مشا دخل لبيتو وزدح موراه الباب وهو يلوح داك الملف بجهد فالارض ومشا للكوافوز جر كاع داكشي لي فوقو بدا كيشخشخ ولي جات قدامو كيهرسها تاتسمع الدقان بجهد فالباب .. بشرى : نبيييييل فتح فتح الباااااب فتتتح ...نبيل العار اوليديي فتتتتتتحححح ( مشات كتجري لدروج ) كوثاااااااااار ( مشات رجعات لجيهت الباب ) نبيييييل فتتتح .. جات عائشة مرات لوسنا كتجري مين سمعات الغوات عاد خرجات نيسرين كانت فالدوش خارجة بالبينوار وهبطات تازينب وختها مروى تاحد مافهم شي حاجة .. بقا مرجع راسو اللور مغمض عينيه وكيدور بالكرسي شويية ورجع فتح عينو كيبانولو الضواو ديال المدينة بحكم عندو حيط كامل زاج وهو جا فالطبقة العالية فالشركة ... كل ماكيدور فدماغو كلامها وكل ماكيتفكر العقد لي سناه كيتعصب، سمع الدقان وهي دخل عندو السيكريتيرة .. السيكريتيرة : موسيو 8 دابا وكولشي خرج بحالو وانا كملت الخدمة كاملة لي عندي عندك شي خدمة قبل مانمشي ! سيف : لا يمكنليك تمشي .. السكريتيرة : واخا اموسيو .. مشات خرجات وبقا هو متبعها بعينو ساهي عقلو خدام هبط عينيه لواحد الورقة وهو يجبدها كانت على شكل خطاطة والوسط مكتوب المحمدي .. حطها وهز ستيلو دور على داك السمية مزيان .. سيف : مابقاش ليك بزاف اسي المحمدي ( صونالو التيليفون لقاه الكوميسير صاحبو هز وجاوب ) .. سيف : سي العثماني .. الكوميسير : سيف وصلنا داكشي لي كنا خايفين منو، خوك رفع الدعوة واعلبية البلاغ غادي يطبق غدا فالصباح يعني غادي يجير اشدوك .. سيف : مزيان وصلات الدعوة لجدي ؟ الكوميسير : كيفما طلبتي مني سيفتهالو .. سيف : مزيان داكشي لي بغينا تاحنا، شكرا اسي العثماني ولاكانت اي حاجة غادي نقولها ليك .. الكوميسير : واخا اموسيو تهلا فراسك .. سيف : كون هاني ..
قطع وبقا يدور التيليفون فيدو : هاكاك اسي نبيل بغيتي ترجل علينا شوية، مزيان مزيان ولكن كون بغيتي تكون راجل بصح كون راه سمعتي كلامي من اللول ..
#قرار بما أن التعاليق ماكاينينش وكنقوليكوم عبرو على داكشي واش غادا مزيان واش بغيتو التشويق كتر واش الدراما كتر واش الرومانسية كتر والو بحالي كنكتب لتاحد النهار لي كنتعطل كانلقا العرام ديال التفاعل والوقت لي كنحط كل نهار ماكانلقا تاحد فالقصة قربات نهايتها وغالبا ماغاتكون النهاية فالجزء 160 - 170 اي الاسبوع القادم وشكرًا حيت حتا القصة كتمشي على حسب نسبة القرائة الأجزاء لي كياخدو تعليقات وتفاعل جيد كاتعرف فيهوم الكاتبة بلي راه محتوى الجزء عجبهوم والجزء لي ماكياخذش تفاعل وحتا الاجزاء لي موراه كتعرف الكاتبة بلي القصة بدات كتمل وانا نفضل نسالي قصصي على انهم يرجعو مملين ويزيد انخافض فيهوم التفاعل كتر من هاكا
يعني وحدة فالجوج يماعجبكومش الاثارة لي دخلت فكحلة العيون وكنتو باغين تبقا فالبساطة يا انها جاتكوم بعدات على الواقعية ؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
