عشق الروح بقلم مريم محمد

الخامس والثلاثون

وقفنا فى البارت السابق لما فريده وهاله وحنان وأمجد يتحدثون فيما بينهم تعالوا نشوف هيحصل إيه مع بعض والحوار هيوصل لحد فين 💞💞💞

لما كانوا يتحدثون فجاءه أثناء حديثهم تليفون حنان رن والكل نظراتهم كانت مركزه مع حنان فتحت حنان الخط وتحدثت بصوت هادئ قائله: السلام عليكم...فى إيه؟..... قالت حنان: لأ خلاص روح إنت وإحنا هنتصرف مع السلامه...وبعد ما أنهت حنان المكالمه قالت فريده بإستفسار:فى حاجه ولا إيه؟

قالت حنان بتوضيح: أبداً ده السواق بيقول إن مراته تعبانه أووى ولوحدها وكان بيستئذن إنه يروحلها وأنا قولتله يروح هو وإحنا هنتصرف

قالت هاله:متقلقوش خدوا قعدتكم ووقت أما تيجوا تمشوا هخلى السواق بتاعى يوصلكوا

تدخل أمجد فى الحوار قائلاً:عيب تكلموا كده وأنا موجود ووجه حديثه لهاله ممازحا وقال:بقى أحسن سواق فيكى يا اسكندريه قاعد جنبك وإنتى مش شايفاه أبدا

قالت فريده: لأ أبداً إحنا مش عايزين نتعبك معانا السواق بتاع هاله موجود وهو يوصلنا مفيش داعى نعذبك معانا

قال أمجد بإبتسامه: وأنا إيه إللى هيعذبنى بس يا خالتى بالعكس أنا ليا الشرف إنى أوصلكوا

قالت فريده وهى تبادله نفس الابتسامه قائله: بجد إنت ذوق وراقى جداً

قالت هاله بفخر:هو ده أمجد دايما كده ذوقه راقى وعالى.....وبعد مرور زمن من الوقت ما بين حديثهم والمجاملات المتبادله بينهم أصر أمجد بالفعل على ان يوصلهم هو وفعلاً وصلهم أمام الڤيلا وفريده أصرت على دخول أمجد إلى داخل الڤيلا وبالفعل وافق أمجد تحت إصرارها ودخل وقعدوا ثلاثتهم وجت الخادمه وحطت صينية العصير قدامهم تحدث أمجد لحنان قائلا:حنان إنتى خلصتى الوظيفه تبع الدكتور زياد

ردت حنان بثقه:أيوه من زمان وسلمتها للدكتور كمان

قال أمجد بإنبهار: إنتى حقيقي مش معقوله دايما متفوقه طب لو معاكى نسخه من الوظيفه ممكن أشوفها بس

قالت حنان:أيوه طبعاً ثوانى هروح أجيبها من الشنطه برا وقامت حنان وراحت تجيب النسخه إللى أمجد طلبها

قالت فريده لامجد بعد رحيل حنان:هى فعلاً بتتعب على نفسها كتير طول الوقت بتذاكر

قال أمجد:هى فعلاً شاطره وتستاهل كل خير

جابت حنان الورق وإديته لامجد وقالت:اتفضل النسخه أهى

أخدهم أمجد منها وقعد يتفحصهم بإهتمام ورقه تلو الأخرى وأثناء تفحص أمجد للورق وصل يحيي ودخل وقال:السلام عليكم.. أهلاً أمجد إيه المفاجأه الحلوه دى وقعد جنب حنان مباشرةً..ردوا جمعيهم السلام وقال أمجد: أهلاً يحيي إنت عامل إيه

قال يحيي: الحمدالله تمام

قالت فريده بتوضيح: إحنا كنا عند خالتك هاله والسواق إعتذر فجاءه ومشى وأمجد أصر إن هو بنفسه يوصلنا