روح أوديب وعن هوس عشقك لن أتوب

البارت 8

حتا وصلت لعندو كتنهج او شافتو او شافها عاد حطت الباطوفة او لبستها : عيو هاني جيت *اوديب:(مخنزر)  تبارك الله عليك شفتك جيتي هيا مولفة البرهوشة كتهربي ااااااا *روح: لا والله كنت نهرب غاباش نلعب مع البنات لاستيك ولا كاسيطيو ولا لحبل اما باش نتلقى بشي واحد عمري حيت اصلا وخا با ميشوفنيش او متردش ليا لبال كان عندي. ليحضيني غير يوقف عليا شي واحد كيسلخو عصا *اوديب:(دار راسو مفاهم والو) شكتخربقي *روح: لا والو حسبني مكتليك والو انا غاواحد الهبيلة لجات على فمي كنكولها مكنفكرش دابا خلينا من هاذ الشي وخلينا ندخلو فالأهم ونبدا اسئلتي ليك هههههههههههههههه *اوديب: هانا ليوم فرعتيلي راسي مغتساليش بالأسئلة نتاعك *روح: ههههه واا غاصبر معاايااا دابا كولي ادياب علاش درتيني فبالك او بلا متكوليا كتبغيني حيت ميمكنش راه مزال مدوزناش انا وياك بزاااف باش يتحول داك شي الحب او من الفوق الذكر ماشي هو الأنثى ...الانثى دغيا كتعلق او دغيا كتبغي او دغيا كتيق اما نتوما جنس ادم خصكم بزااااف خصكم وقت طويل *اوديب: هاذ جنس ادم شحال خصو مثلا *روح: شهرين ثلت شهور ربعة *اوديب: اش باليك ف 12  العام * روح: ههههههه. 12  العام ؟؟؟ بزااف لا هههه 12 العام را ولادهم غيكونو كيزوجوهم *اوديب: هاذ الشي كيني بلي انا وياك دابا خصنا نكونو كنزوجو ولادنا *روح: كيفاش مالك كتهدر اصاحبي بهاذ الالغاز مابقيت فاهمة فيك والو * اوديب: هههه غير كيعجبني نستافزك *روح: اممممم * اوديب: المهم باش ميضركش راسك بزااااف انا كنت ديجا شفتك هاذي عام فيدك الرحلة لمشيتيليها الافران او من تم بقيتي لاصقالي فبالي او معاودتش شفتك حتا جمعاتنا الصدفة تاني  او سكنت فنفس حيكم *- روح مسكينة تيقاتو : هههههه حلف بالله دابا نتا كنتي كتعرفني عام داباا ولكن علاش مجيتيش عندي فداك الوقت *اوديب: او علاش نتي كتعرفي تبقاي متبتة فبلاصة وحدة جيت نقلب عليك لقيتيك طرتي *روح: اممم دابا قنعتيني ....شوف دياب انا معرفتش راسي شنو درتيلي او شنو وقعلي حتا قبلت نكون معاااك من عادتي مكنتيقش فجنس ادم او مكنتصاحبش انا معقدة من هاذ الناحية معرفتش علاش كيجيني كلشي باغي غير. يتفلى او كلهم باغين غا يضحكو او كلهم باغين نفس الحاجة دياب انل ماشي كيفما كيصحابليك نقدر نباليك مفرفرة او طيارة او خفيفة...... او شخصية قوية   لا بالعكس انا شخصيتي ضعيفة بزااف او دغيا كنتعلق او كنحط تيقتي هاذ الشي لممخلينيش نتصاحب حيت انا ملي كنوي نبغي كنبغي بالجد او كنمشي بنيتي غنكون معااك صريحة او غنكوليك الى كنتي ناوي تفلا حسن ليك غا بعد عليا را مغتلقاش داك الشي لباغي عندي او البنات عطى الله - اوديب بقا ساهي فيها او ساهي فهدرتها او طريقتها باش كتعبر او ملاميحها لكيتغيرو فكل كلمة كتخرجهااا بقا يكول فنفسو روح الندى حبيبتي الصغيورة لى كانت مكتعرف تخرج حتا لهدرة من فمها كبراات او وعاات او تعلمت هاذ الهدور كاملة او ولات تميز بين الصح او الغلاط ولات تعرف شنو يصلاح وشنو لا ضحك على هاذ الافكار لكتسرد عليه لهو اصلااا دخلينو من هن او خارجيلنو من الجنب لاخر هوكاك او مشى ليها على حساب عقلها او هدرتهااا او دار ليها خاطرها -شد وجها بين يديه او فيكسا عينيه مع عينيها.