#رواية__الٓٓشـــهـــيــد 💔🔥
" الـٓبـٌٌـارت 26. ♥️🔥"
_
_
_
_
_
جي تاني يوم ونضت ع اتصال شهيد
مارديتش وصلتني رساله
..{ راسيل انا ماشي لبنغازي ، يشهد عليا ربي حاولت معاك وهلبا لكن ع راحتك راسيل انا مانقدرش نطيح روحي اكثر من هكي ، استودعك الله ..}..
قريت رسالتهه وتلخبطت علياا الدنياا ضاقت بياا حياتيي
وزغلوا عيوني ونزلوا دموعي 💔
علاش شهيد علاش بتمشي وتخليني تعاله اتصل بيا والله سامحتك والله مانقدر نكون مع غيرك ومن غيرك شهيد وينك قلبي قلبي انت اللي ساكن فيه قلبي حوشكك كيف تخليني وتمشي كيف تقطع عليا النفس وتمشي كييييف 💔😭
قعمزت نبكي ونبكي 💔 بس مش طالع في ايديا شي
عزة نفسهه ح تقتلني انت غالط شهيد انت اللي مفروض تجي وتتأسف مني وتخليني نسامحكك رسالتك قهرتني والله 💔😭..
امينه : والله مانرضى عليك لا دنيا ولا اخره شهيد والله نغضب عليك راني
شهيد : سامحيني يام لكن انا نادر ب حياتي لبلادي
امينه : اما هي بلادك ياوليدي اللي كل يوم تزف ب الالف اموات بلادك اللي مافيهاش مستقبل انت أضر في روحك ياوليدي انت أضر في نفسك واضر فيا معاك انت هكي أضر في امك واضر في روحك والله 💔
شهيد : يام انا بعقلي يام انا مش طايش انا ندافع ع بلادي من الاٍرهاب والدواعش
خليفه : امته ماشي
شهيد : مع الظهر
خليفه : استناني بنمشي معاك
شهيد : باه تمام
امينه : وووه عليك ياامينه ووه عليك ولادك بيريحو منك حرام عليكم ياخليفه انت الواعي ياخليفه وين ماشي ياوليدي تربحو هنوني راني من وفاة مراد وانا نعاني وين بتخلوني
شهيد وجعاته انه بس ك شاب ليبي عنده غيريه ع بلاده ماقدرش انه يقعمز في الحوش وبلاده فيها أعداء الله
: يما نبيك تفرحي بيا انا يما مانقتلش في مسلمين ولا نقتل في ليبين زيني زيهم انا نحارب في دواعش موصينا عليهم الرسول عليه الصلاة والسلام يما انا نحارب في الخوارج اللي بيقتلونا وبيقتلوا صغارنا ادعيلي بس ولو ربي كاتبلي عمر ح نكون معاك وجنبكك ♥️🔥..
امينه : ضمت شهيد وهي تبكي : البه يحفظكم ياوليدي الله يحفظكم
طلع شهيد وامينه تسلم ع خليفه : ديرو بالكم استودعك الله
أنت تقرأ
رِوَايَــــه : الشـــهـــيــدْ"مكتمله"
Storie d'amoreروايه منقوله : للكاتبه : رورو عاشور روايه ممتعه تمثل واقعنا أحداثها مشوقه.. و سلمت آنامل الكاتبه ع روايه هذه الحروف الجميله أثمن لكم قراءه ممتعه__
