اهلين هذي اول روايه ليا مش مجربه من قبل نبيكم تعطوني رايكم لو ان الروايه حلوه او لا لان لو مالقيتش اعليها تفاعل وماعجبتكمش ماعندها اعلاش تزحم اعلينا 😅 تمام خالي نبدالكم
خالي انعرفكم اعلي الابطال 😍
ملاك بنت حلوه بيضة شعرها برتقالي 🔥عيونها لونهم اسود طولها متوسط وجسمها مناسق معا طولها عمرها 16 عندها بوها متوفي اسمه علي وامها اسمها حنان عندها خو واحد بس اسمه عمر عمره 32 سنه متزوج وعنده صغار عنده بنت وولد مرته
مرة مسمومه ومرة اطيب منها مافيش ترا امتا وقت المصلحة بس اسمها جنات والباقي بعدين 🔥🔥😍
عبدو : طويل عريض اشويه عنده جسم رياضي 🔥لون عيونه اسود شعره بني عنده لحيه خفيفة عمره 32سنه يخدم في الجيش عنده رتبه من احسن الضباط من ذكئه وقسوته والكل ينادي اعليه الزعيم ديما عاقد حواجبه وشخصيه من الاخير 🔥🔥عنده بوه اسمه احمد وامه اسمها خديجة وعنده زوز اخوات هنادي و سمر وعنده خو واحد اسمه عامر ....
ملاك : وووووه تي صكري الضي نبي نرقد
جنات : نوضي ي فرخة ياسر رقاد اليوم جايين ناس يبو يخطبك نوضي وتي روحك وقت
ملاك قعمزت وهي عقده حواجبها : لا مانبيش نتزوج اني شن تبي ترتاحي مني انتي ماشيه معبيه في راس خوي
جنات : ايه نبي نرتاح منك مدرهتلي كبدي
ملاك دمعو اعيونها :وعلاش شن درتلك اني واللهي كلكم انحبكم
جنات : ايه لان كلهم تحبيهم ويحبوك اني ملوحتيني التالي وواخدة كل شي مني حت راجلي مانتهناش بيه كل يوم طالعتيه بي حاجة بدال مايطلعني اني ويدهور بيا يطلع فيك انتي
ملاك :وعادي هو خوي شن فيها اصلا ماحد قالك ماتطلعيش معانا ولا تتزوجي بكل
جنات جت تبي تضربها خشت ام ملاك امشي جنات دارت يدها اعلي راس ملاك : تمام حبيبتي هي نوضي وتي روحك واني تو بنمشي انضم الحوش
حنان :ايه يابنتي هي نوضي وقت اعلينا الناس يسكنو بعيد شويه بيجوبكري
ملاك استسلمت :باهي حاضر
حنان :وخيتي سلمها بنتي ولت كبيره وبتتزوج
ملاك : ماما اني مانبيش نتزوج ونبي ماتخليشي يزوجني ونبي
حنان : يابنتي انتي عارفتيه خوك مايديرش الا يلي في باله تو بش جربتي لما وقفك من القرايه من السنه يلي فاتت
ملاك : تمام ي ماما ماذكرينش هي خالي انوض
حنان: تمام حبيبتي هي نوضي
ملاك ناضت خشت الحمام وحنان طلعت من الدارمشت للمطبخ القت جنات تاكل
حنان: شن انتي ماتشبعيش ولاشني 😂
جنات :تعرفي ياامي انحس في روحي نتوحم شكلي حامل
حنان: شنو😱 تي ماليكش 5شهور جايبه
جنات :ههه شن بنديرله ولدك هو هدا مش مني 😏
حنان : باهي به نوضي ضمي معاي
جنات :اخخخ ياضهري تعرفي ي امي واللهي ضهري يوجع فيا تو انتي ابدي واني في العشيه انجي انسعدك
جنان :في العشيه بيجو العويله علي شن بتلحقي بش اتسعديني😒
جنات: انقيم معاك السفر 😁
حنان :لا واللهي كترتي بري لراجلك بري اهو ينادي
😒
عمر :جنات ي جنات
جنات :نعم يا روحي
عمر :تي واللهي استحشتك ي معفنه 😏
جنات وهي تدلع :لا حبيبي تو مش وقته هذا بعدين لما نركبو
عمر شدها من يدها وهو يقول بصوت عالي :يامي اني خديت جنات نبيها اديرلي احوايجي فوق
وهمس لي جنات : اهو تو راكبين 😉
حنان :مش عارفة شن مديرتله بنت الكلب هادي ينقلب 180درجة وهو معاها واحني اتقول مقعمز في عزي ولا
.........❤Habosh S-A❤.......
ملاك طلعت من الحمام جفافت شعرها وبدلت وطلعت لي امها
حنان :تي خيرك لبستي توته
ملاك :املا شن بنلبس
حنان :تي بري البسي قفطان ووتي روحك وقت
ملاك :تي خيرك يا ماما قعدة الساعة 12:30
حنان :ايه وقت هما بيجو العشيه
ملاك : خيرهم هادو مستعجليني الزفت 😒
حنان :نوضي وتي روحك بلا تفتفيت زايد هادو بيولو عيلتك التانيه
ملاك ناضت لامها وحضنتها :لا ياماما اني عيلتي انتي بس ماحد غيرك
حنان بدت تبكي وحضنه ملاك :هدا لازم يصير يابنتي مافيش بنت تقعد في حوش بوها للابد هذي الحياء
ملاك :لا يا ماما نبيش انسيبكم اني خاليني ونبي معاكم
عمر نزل وشافهم : تي شن انتي مدايرتيلنا اعزي اهنايا بري وقتي روحك الجماعة اقربي يوصلو
ملاك ماعندها نيه اتنقشه مسحت ادموعها وباست امها وركبت لي دارها
.....................
تسريع الاحدات
ملاك لبست قفطان اسود طوله تحت ركبتها بشويه ومعاه قندرة ورديه😍 وكسسورات اعلي الفضي وميك اب خفيف بكل بش تقعد ملامحها زي ماهيا طفوليه😍😍🔥
ادن العصر بعده بنص ساعة جو العويله وقعمزو في دار الضيوف وطلعتلهم ملاك عجبتهم ماتو فيها طول 😍🔥(جمال طوفولي ياكبدي يهبل )
خديجة :ماشالله مشالله حويته اعليها بنيتك ي حنان جمال وتربيه
حنان :سلمك حبيبتي من دوقك
فاطمة اخت خديجة :واللهي ي اختي كان ماصرلكمش منها اني انجي ناخدها لوليدي طول تهبل الفرخة 😍
كلهم :😂😂😂
ملاك منزله راسها ومتحشمه 😊
عمر :ملاك ي ملاك تعالي
امشتله ملاك :انعم
عمر:بري البسي عبايه ووشاح وتعالي
ملاك: وعلاش
عمر يتكلم بسنونه :تي برا ي فرخة من غير نقاش خير مانقلبها اعليك تو 😠
ملاك مشت وجت :ها شن تبي تو
عمر : اتكلمي اكويس 😠
ملاك :باهي حاضر انعم ي خوي ءأمر
عمر :اطلعي للمربوعة اهو يراجي فيك
ملاك :من هو
عمر :بلا استعباط راجلك
ملاك :شن راجلي هادي واللهي اني ما اتزوجتش
عمر :خلاص اني اعطيت فيك الكلامه وانتي ليه عجبك باهي ماعجبكش بتاخديه غصب عنك .... وحبدها رفعها للمربوعة
ملاك :😨
شن رايكم فيها اول تحروبه ليا شن انكمل ولا ماعنديش امل فيه الموضوع هدا 😊
اعطوني رايكم 👇
