فصليتي ضابطة الجزء الثاني (٢)

البارت الثاني 🥈 والعشرون

نيلوفر.. ضليت منتضرة الفرج هف يمته يفتحلي الباب مليت كمت وركزت عله غرفته
تجنن تركيه ابيض واسود نفس غرف الشباب وغرفتي بس التغيير هوة الألوان
اني احمر واسود
جاد نيلي وابيض
جان جوزي وبيجي
لؤي بنفسجي وابيض
سامر خردلي وابيضَ
ثامر رصاصي واسود
ياسر زيتوني وبيجي
توني ماروني وابيض
وميار كولهة وردي
ضليت افتر بالغرفه وهوة مرتب يعني نوعا ما بس احسن من كرم وياسر بكوووومة
لأن إذا ادخل غرفتهم عبارة
عن كومة من الملابس والحذيه بس صكر لا مرتب
فتحت كنتورة الباب الأول 🥇 هنة بابين متقابلات ففتحتهن موجود بيهن قمصان
كومة وكل الألوان اكو حته وردي بس هوة ابد مشايفته لابس هيج ألوان فاتحة ماعدا
الأحمر وبيهة خانه تصير شويه
عاليه بالنسبه الي لأن اني وسط وهوة ضخم يعني
ضابط فلازم عضلات وكذا اوي مسفط بالخانه تيشرتات نص ردان هم هواية كون
افتح بيهن محل 😂 هاي شدااحجي هف سديت الباب وفتحت اللخ لكيت بي دشاديش
تجنن واغلبهة ألوان 🎨 غامقة بحيث هوة مسوي الألوان بالتسلسل مثلا الأبيض درجات
ورا افتح لون بالبيجي لحد اطوخ لون وافتح لون بالجوزي لحد اخر لون وإلى
آخره بس عجبني وفتحت الباب الأخير بي بناطير والزي
العسكري امممم حلو حلو رحت لميز تواليت البنات يسمنه تسريحة حاط عليه
عطور وفرج شعر ودفتر مبين للمذكرات بس مسترجيت انو المسة لأن هذا شي خاص
ومثل مااني مأقبل عله اغراضي هوة هم ميقبل 😂 رحت كعدت عالجربايه
ورة نص ساعه جعت التفتت لكيت ثلاجة صغيرة عزه هاذي من يمته هنا واني ماادري
بس يالله همزين لأن متت جوع فتحتهة ولكيت جبس ونساتل ونوتيلا وبيتزا بس
بارد 🆒 ولكيت توست وبطالة مي أخذت توست ونوتيلا سويت لفه واكلت وشربت
مي ورجعت تمددت عالجربايه وبعد محسيت عله شي ..........................
صكر.. بعد مانزلت لكيتهم ماخذين هدئ  ومقابلين وحدة تروح وياهة بس مرة عمي
اللخ مو امهة وامهة واختهة لعبن جوله بالصريخ واني بالديوان واسمع الفشار ولوما
عيب من الخطار لأكوملهن العب بيهن جوله فضحنه وادور نزلن لجوة ونفس العياط
متحملت دخلتلهن لزمت سما من شعرهة كنست بيهة البيت ومرة عمي متجرأت
تدخل لأن هية بس السان ذبيتهة وصحت عليهن واني اباوع عله غرفتي واتأملهة
ومنتبهت عله نفسي مبتسم وهنة صافنات عليه اني حصرتني الضحكة وكلت
راحت الهيبه يصكيران 🤦😂 عفتهن وطلعت ضليت يم الخطار وبنات عمي اللخ ومروة وبعد ماعرف منو يحضرن العشة وصل جاد وويا الشباب
سلمت عليهم وسئلو عله نيلوفر كلتلهم جوة ورحت اصيحهة هف شلون نسيت
اني عازمهم مردتهة تطلع وخاصه يم ولد عمي بس صعدت للغرفه وفتحت الباب
لكيتهة نايمة فديتهة جنهة ملاك ضليت اباوع عليهة بعدين انتبهت عله نفسي وكعدتهة
صكر.. نيلوفر نيلوفر اكعدي
اضاهر عجبتج غرفتي
نيلوفر.. 😒 كعدت ووخر اكوم يله وحسابك بعدين
صكر.. ليش شسويت اني 😅 موزين حميتج لو باقيه جان شبعنج كتل
نيلوفر.... هههههههههه هنة واني ههههههه واني وهنة 😂😂😂 واني هيج يعني بكل
سهوله استسلم واعوفهن يضربن بيه شنو معندي أدين ولو عشره مثلهن ميكدرن يلمسني
مو ادور هنة والله يالله. بس ضحكتني صراحة
صكر.. المهم هسة انزلي اجو الشباب
نيلوفر.. ياشباب
صكر.. لتستغبين جاء وبعدني ممكمل ماشوف
إله ركضت وهية كمزه هية ركضه وكعت وكعه متت ضحك 😂 😂 😂 😂 😂 😂
نيلوفر.. شكد تافه
صكر شبيج مستعجلة تره مراح يطيرون
نيلوفر 😒
صكر.. نزلت وبسرعه نزلت وراهة هية راحت كبل للديوان ودخلت
نيلوفر.. السلام عليكم
الكل.. عليكم السلام

............................؛؛؛

اعرف البارت قصير 😥بس والقرآن باجر عندي امتحان ومقاريه عدل فلازم اروح اكمل قرايه لأن دااقرة وفجأءة تذكرت البارحة وعدتكم ببارت وعفت القرايه وكتبت واستوني كملت وبديت انعس يعني اللله اليستر 😅
المهم صوتو واحبكم ❤️

_________________________________________

و هذا رابط قصتي الجديدة للي كالو مموجودة اقروهة والله حلوة والتفاعل بيهة موقوي 🤦 روحو وانطوني رأيكم الرابط 👇
https://my.w.tt/ay5B7wXxb3
بأي احبكم لتنسوون التصويت وأمانه اقرو القصه ❤️